Izikiɛ 3:14 - Yálá laawoo hɛɓɛ (dc)

¹⁴ Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Yálá laawoo hɛɓɛ

¹⁴ Yálá nwɔ Nįį ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Bible

¹⁴ Mɔ̂leŋ è ńdɛ̀ ɣêlei é lí a ńyãa. Ńii è kɛ̀ kpɔ́ a ŋ̀wanaa. Kɛ́lɛ Yâwɛɛ yée è kɛ̀ kpɔ́ ḿâ a gbanaŋɔɔ.

Izikiɛ 3:14 Referans Kwoze

Izikiɛ 37:1

Yai-Laa yee ə yɛɛ mɛ̨́i, nwɔ Kilii ə li a ɲą́ą́ ɓoloon da hu, nąą laa hvɛɛ a nu kɔ́wɠaa.

Tɔɔɓɛlaa veelɛ 3:15

Yɛ diɛ, 'ka hvɛli kɛmun dɔ̨nɔ̨ təli ə pa.» Yii kɛa vɛli kɛmun ə kɛi vɛli kɛ, Yai-Laa yee ə yɛɛ Elise mɛ̨i;

Izikiɛ 8:3

Ə hɛn da hąŋąn yɛ nu yee, ə ɉón a nwún nɛɠa; yili pulu, Yálá nwɔ Kilii ə gbə́ŋə, ə tɛ a ɲą́ą́ yələkɔ́lɔn da lɔi di lɔwai, ə li a ɲą́ą́ Ɉerusalɛmə, bɛlɛ́ laaləii ti naa a ɓo ɉu pələ, ŋą́ kɛ Yálá yee kɔ́nma, gɛ́ gɛɛ ti kaa, ɲɛ̨i həɛ ɲánwuɔ̨ pələ; nąą ɓə doló kulɔ hɛn mąąnįnįn gaa laa; a ɉɛn mąąnįnįn ti a tóló tɛ nu hui.

Izikiɛ 1:3

Yai-Laa ə hvaa ɉaláá laa həli mun Buzi lon Ezekiɛlə pɔ, Kalde lɔi hu, Kebarə yá kwɛlɛ. Yai-Laa ə ɲee pɛlɛ laa mɛ̨́i.

Tɔɔɓɛlaa veelɛ 2:16

diɛ mą: «Ə́ ɲɛ̨i hee, hinąą liikpəlɛɛ pow lɔɔli kaa ɓɛ yɛ́ tínuą yəi, ku kaa di tɔɔi, di li di ə́ kalamɔ̨ɔ̨ kwɛli; mąąhɔlɔɓo, Yai-Laa nwɔ Kilii, ɉəɠəi ɲɛ̨i ə mo, a pɛli lííla ə doo yee ta tona, a wala kɛ tii, ɓoloon da hu. 'Hvaa mą, də li di gwɛli.» Elise yɛ diɛ: «Və́ kɛ li ka nu ta tɔɔ kɛɛnąą ta.»

Izikiɛ 3:12

Nąąlɔwai Yálá nwɔ Kilii ə gbə́ŋə; ɛlɛɛ ŋą́ tomą wóó kɛnɛ̨ ta mɛ̨n búlu pələ, woo kɛnɛ̨ ta yɛ mą́ą́: «Mąąwiɛ ə kɛ Yai-Laa kɛnɛ̨ pələ ɓa ɓɛi gaa laa!»

Ɉaan 4:9

Samari nɛ̨ɛ̨nui tii yɛ Jesus ɓa: «Gɛ pələ kaa ləi yaan, yɛ́i ŋɛ̨i a Ɉuifə, yɛ kpələyá hvɛli Samari nɛ̨ɛ̨nu ɓa?» Yaan Ɉuifəɠaa da Samari nuą di hvo kɛ nɛ̨ɛ̨li.

Ɉaan 4:3

Ɓɛlɔwai Jesus ə nwooɠaa tii mɛ̨n na, ə həɠə Ɉude lɔi hu, yɛ li Galile lɔi hu.

Ɉaan 4:1

Jesus ə gbaɠala kaa yɛ: Farisiɛ̨ɠaa daa kɛ bələ mɛ̨n, diɛ kɛ mą: Jesus kaa kalan nɛa mąąwaai yɛ tɛɛ la Ɉaan ɓa.

Izikiɛ 8:1

Gwɛlan mɛ̨ida nwɔ ɲąnin mɛ̨ida nąn ŋą hvóló lɔɔli yələ; ŋį́ kɛ heeni ɲə́i bɛlɛ́n, Ɉuda kalanɉonŋąą di ɓo heeni níí la, Yai-Laa ə ɲee pɛlɛ mɛ̨́i.

Ɉeremi 6:11

Gáá hvɛɛi a Yai-Laa nwɔ liiholi, Ə lɛɛ vá kɛa pɛli ɉu hon ɉii. Daɠa nɛapɛlɛɛ mɛ̨i gwəliɠaa pɔ, ə mą kɛ muhəɠə nįnɛ̨ɠaa mɛ̨i, da daai nuą kəlee, ɉinąą mąn nɛɛa mąn; ə kɛ a hulogolo, ə kɛ a nu nwunu.

Tɔɔɓɛlaa dɔlɔɔ 18:46

Eli ə ɉąą yili, Yai-Laa ə ɲee pɛlɛ mɛ̨i, ə tɛɛ Akabə tɔwɔ a gilɛ, ə lɛɛ la ɉu, di li di həli Izreɛlə.

Gɛlaɠaa 8:39

Kulɔi di mo ɲái gu Ną́mu nwɔ Kilii ə Filipə həɠə ə li la, ɛlɛɛ, gbɛtɛgbuwului hvo kɛa ɲɛ̨i tɔɔ mą. Kɛlaa ə mą kɛ ti, gwɛi ə lɛɛ lɔ a nɛ̨ɛ̨ yɛ li.

Tɔɔɓɛlaa dɔlɔɔ 18:12

Gbəli hu, gáá lɔ pai həɠəi ɓɛ, Yai-Laa nwɔ Kilii yɛ li a yɛ́ ɓɛi və́ nąą kɔ́lɔn; ə lɛɛ, ŋą́ mo Akabə ɓa, a wala ə́ kaa, gaa pai báái. Ya pa, ə həɠə múhəɠə yələ ɓa, ŋą́ ɲɔw Yai-Laa ɓa.

Azaya 8:11

A tɛ̨ą, Yai-Laa ə mɛ̨nįi ŋɛ̨i ɓo mą́ą́, ɓɛlɔwai ə ɲee pɛlɛ la mɛ̨́i, ə gíli ɲą pɔ̨nɔ̨, ə gɛ və́ hvilɛn nu huwui ɲɛ̨i túwɔ pələ pulu; yɛ mą́ą́:

Izikiɛ 11:1

Yálá nwɔ Kilii ə gbə́ŋə, ə li a ɲą́ą́ Yálá hee pɛlɛ́ gbon yii tii vóló kulɔi pələ, naaləi. Ŋą́ hinąą pow hveelɛ kɔ́w lɔɔli kaa bɛlɛ́ laaləi kwɛlɛ, ŋą́ Azurə lon Yaazania da Benayahu lon Pelatiahu, diɛi kɛ a nuą ɲɛ̨itɔwɔ nuą hveelɛ.

Izikiɛ 40:1

Ku wɔ luwɔlaa gwɛlan bow hveelɛ gɔw lɔɔli kpala tɔɔi lɔwai, ɲąnin nwɔ hvóló pow yələ, daa hon ŋąą a kɔ́, gwɛlan bow gɔw nąąn dɛɛ pulu, Yai-Laa yee ə yɛɛ mɛ̨i, ə li a ɲą́ą́ daa kpoloon ŋą.

Izikiɛ 43:5

Yálá nwɔ Kilii ə ɉə́ɠə ə li a ɲą́ą́, gwəli hɛ̨ąi tii ɉu pələ ma, Yai-Laa nwɔ mąąwiɛ aa kɛ bɛlɛ́i tii laa hvɛɛ.

M̀ɛni-lɛɛi 10:10

Ŋą́ ɉɛɓɛ́ logoloi tii hon malaka yəi, ɛlɛɛ, ŋį́ mįi. Nɛ̨ɛ̨i kɛ ná yɛ kwɛin nwulɔ, kɛlaa, yii kɛa ŋį́ mįi, ə nwąnąą góólon ɉu.