Izikiɛ 3:10 - Yálá laawoo hɛɓɛ (dc)

¹⁰ Yɛ mą́ą́: «Hulɔnu lon, nwooɠaai kpɔ gáá moi yɛ́, ə́ wə́li tɔɔ diɛ, di lɛɛ ə́ kili pɔ.

Yálá laawoo hɛɓɛ

¹⁰ Yɛ mą́ą́: «Hulɔnu lon, nwooɠaai kpɔ gáá moi yɛ́, ə́ wə́li tɔɔ diɛ, di lɛɛ ə́ kili pɔ.

Bible

¹⁰ Ǹaa kɛ́ɛ tíi, è ŋɔ́nɔ mò ḿâ ǹyɛɛi, “Núu-kpune ǹóŋ, ŋ̀óo-ŋai kélee ŋa pâi môi yâi, íwoli tɔ́ɔ mà a ǹɛ́lɛɛ é lɛ́ɛ íkili-ŋa.

Izikiɛ 3:10 Referans Kwoze

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Zôo 22:22

Ə́ wəli tɔɔ niɛwooi kulɔi na ma, ə́ nwɔ kili wooɠaai lɛɛ ə́ kili pɔ.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Izikiɛ 2:8

«Hulɔnu lon, ə́ wəli tɔɔ, mɛ̨nį gáá moi yɛ́ mą, 'hvó kɛ a nui a nwun gulɔ mɛ̨nį mu, yɛ gulɔ nwoo mu nukan ŋɛ̨i, ə́ laa taɠa, ɉɛn gáá dɛɠɛi ə́ pɔ, 'ə́ mįi.»

Hanwon 19:20

Ə́ wəli tɔɔ liɛwoo ɓa, mɛ̨nįi di kaa ə́ kalan ɉi la, ə́ ɉon; yili ɓə a nu kɛ a kilimąą mun tɔwɔ pələ.

Hanwon 8:10

Mɛ̨nįi gáá ka kalan ɉii la, ka yili wɛlilakɛ, ka dɛɛ wali ɓa. Ka mɛ̨nį kɔ́lɔn ŋąą wɛlilakɛ, ka dɛɛ hɛni leelee ɓa.»

Izikiɛ 2:7

Nwóóɠaa ɓo diɛ, di mɛ̨n, di hvo mąn, kulɔ nwoomu nuą li.

Izikiɛ 3:9

Gáá ə́ nwun ɉu wala walai yɛ kúwɔ-kwɛni, ŋą́ nwala wala ə tɛɛ kwɛni ɓa; 'hvó ɲɔw diɛ, ə́ mąą hvo kpɛlin di ɲɛ̨i ɓa; kulɔ nwoo mu nuą li.»

Izikiɛ 3:11

'Li ə́ həli gɔluwɔɠaa diɛ, ə́ huwu hu nuą diɛ, pələ ɓo diɛ. Di mɛ̨n-oo, di hvo mɛ̨n-oo, kɛ diɛi: ‹Yai-Laa Hééɓo kəlee Nąmu woo li.›»

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.