Izikiɛ 29:7 - Yálá laawoo hɛɓɛ (dc)

⁷ Nuą da ə́ hon a di yee, yá yala di yə́i, yɛ di yee kəlee ɲą ɓɛla; nuąi kɛi tunwɔ̨n ə́ mɛ̨i, ə́ kɛi yali di mu, yɛ́ di hɛ̨ą ti ɉu.

Yálá laawoo hɛɓɛ

⁷ Nuą da ə́ hon a di yee, yá yala di yə́i, yɛ di yee kəlee ɲą ɓɛla; nuąi kɛi tunwɔ̨n ə́ mɛ̨i, ə́ kɛi yali di mu, yɛ́ di hɛ̨ą ti ɉu.

Bible

⁷ Kɛ́lɛ, tãi dí tiîŋ la kâai, ká ɣàle ká dísɔɔ díkpumûŋ, ká dísama kúla ŋ̀á.

Izikiɛ 29:7 Referans Kwoze

Azaya 36:6

Ə́ kili hvo tii yáá dɔɔ Eziptə ɓai, a veen gbaɠa hu yali laa nɛ̨ɛ̨ tii! Nui lɔpee a tunwɔ̨n mą, a lɔ ɲee hu, yɛ ɉaɠa; bələ ɓə Faraɔn Eziptə tɔɔmun a gɛ la, a nui lɔpee a gilitɔɔmą.

Hanwon 25:19

Nu ya ə́ kilitɔɔ pulu kulɔmun ma a kɔ́ yələ, gaa yɛ nu ɲin mɛ̨i yaliɛ, a wala kɛ tii, nu kɔ́wɔ tɔ̨nɔ̨ kpuaa.

Tɔɔɓɛlaa veelɛ 18:21

Yáá ə́ kilitɔɔ hveen gbaɠa ɓa. Nui lɔpee a gilitɔɔ Eziptə lɔi ɓa, ə gɛ a dɔɔ bulu, a mąą nu haɠa ɲee ŋą, ə lɔ ɲee hu. Bələ ɓə Eziptə tɔɔmun a gɛ la a nuąi da di kilitɔɔ mą, di kəlee.

Azaya 20:5

Nuą kwəi a pili diɛ, di ɲɛ̨i ə paa, Nubi mąą mɛ̨nį ɓa; yai di ɲɛ̨i heɛ kɛ mą, da Eziptə; yai nuą di kɛi di nwun dɛ a mąą mɛ̨nį.»

Woolaa 4:17

Ku ɲɛ̨iyá ə kɛi pu, nui pai kpɔn ɉii kuɔ, ku ɲɛ̨i yɛ ɓo dɔwɔ; ku hvo ta gaa li hvo pa. Ku kɛ ɉį́i mɛ̨i, kuɔ ku ɲɛ̨i laa a ku mąą kpɔnmąą ɓo lɔi, hvo pɛli ku kulɔi ɉu.

Izikiɛ 29:16

Hva kɛa kɛ a hɛn da di kilitɔɔ mą; yili ɓə kɛi gɛ Israɛlə nwɔ pɛlɛ́i yɛ ɲɛ̨i tinɛ̨n bɔ pələ, yɛ nɛ̨ŋɛ̨n ɉəɠə la ti; bələ ɓə da gili kɔ́lɔn na diɛ kɛ Yai-Laa ɓaa a ɲą́ą́.»

Azaya 30:3

Faraɔn nwɔ taa wala wala kaa pai kɛi a ka nwumɛ̨ hɛn, ka mąą kilɛ mɛ̨nį Eziptə nįnįn mu yɛ kɛ a ka ɲɛ̨i paa mɛ̨nį.

Nahumə 3:9

Gili tɔɔi kɛ Eziptə da Nubi diɛ, kpɛɛ hvo kɛ ɲəi hɛnŋąą diɛ, kɔ́ mįnɛ̨ ə ɓo da Libi nuą, ɛlɛɛ Putə nuą di lɔwai.

Nahumə 3:10

Yaa kpɛli mɛ̨n, də li la lɔi takpɛli hu, di ɉon, diɛ li la luwɔlaa hu, di nwɔ lon dalaɠaai diɛ kpɛli di nwun nwolo kwəli hɛ̨ąi kəlee ɓa. Di nwɔ kalanɉonŋąą kɔ́ a kpɛɛn; di ɉu nuą kpɛa kpɛa kəlee yili a yɔwɔn.