Izikiɛ 28:2 - Yálá laawoo hɛɓɛ (dc)

² «Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Yálá laawoo hɛɓɛ

² «Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Bible

² “Núu kpune ǹóŋ, m̀ɛnii ńyãai a Ŋ̀wála-wâla kélee Yâwɛɛi ŋá môi yâi, m̀ó Taya kâloŋ ma. ‘Kpɛ́ni fêi íŋɛi tɛɛ̂i, yaâ íkpîŋ kɛ́ a ɣâla. Yaâ mò ǹyɛɛi, “Ŋa sêe ŋ̀âla-ŋai sêei ǹyái sâmai. Ya íkili-ŋa siâi yɛ̂ɛ gáa yɛ̂ɛ sɛŋ ƃé ítarei yɛ̂ɛ Ɣâla.” Kɛ́lɛ vé tí a dɔnɔ kpîŋ. Íkaa ŋɔ a núu-kpune.

Izikiɛ 28:2 Referans Kwoze

Izikiɛ 28:9

Nui pai ə́ paai, ə́ lii kaa mɔ̨ɔ̨ pai kpələi, yɛ́ kɛ mą gáá ɓaa yálá? Yá pa, ə́ kaa lɔ nu kan, hvó a yálá, ɛlɛɛ, ə́ ɓo kɛa nuąi pai ə́ paai, di yee kɔnma.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Azaya 31:3

Eziptə mun gaa lɔ a nu, yálá hvə li, nwɔ hooɠaai di kaa lɔ a huwɔ, malakaɠaa hvə li. Ɓɛlɔwai Yai-Laa kaa pai ɲee haŋąi la, mąąkɔ̨nwɔ̨ kɛ mun gaa pai kalin ɉii, nui di mąąkɔ̨nwɔ̨i yɛ too; di kəlee di nwun na a pili a gee.

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Mąątɛ̨nɛ̨ 9:20

Yai-Laa, 'ə́ muhəɠə, 'ə́ tɔɔ! Nu kan 'və nwun dɛ! Lɔiɠaa kiti tee tai, ə́ líila!

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Timote dɔlɔɔ 3:6

Hvo kɛ a nui aa lɔ kalan ɉu a nįnɛ̨, əgɛ, ɲɛ̨ihvalai di naa nąnį tɔwɔ, kpɔwɔ ɲąąkɛnɛ̨ laa hvo ɲɛ̨i wolo, hvo too ɉu.

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Izikiɛ 31:10

«Yili mąą mɛ̨nį ɓa, mɛ̨nįi Mɛ̨nį kəlee ŋą Hééɓomun Yálá kaa moi ya ka: Yɛ bələi ə nwun dɛ la, ə nwun dɛ, ə ɉee tulɔ kpinįn ma, ə nwun dɛ, a kpɔɔ ɲąą kɛnɛ̨,

Izikiɛ 28:17

Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Kɔlɔnikɔ Veerɛi 26:16

Vaŋą kɛnɛ̨ pələi tii, humɛ̨ni kɛnɛ̨ ə lɔ ɉu, ə lɛɛ la ɉu, ə gbɔwɔ nwun napili; hvo lɛɛ Yai-Laa nwɔ Yálái ɓa kwəi tɔ̨nɔ̨ laa hu. Ya ka tii lii, yɛ lɔ Yai-Laa nwɔ pɛlɛ́i mu, yɛ lansan kələn lansan kələn ɉi.

Dutɛrɔnome 8:14

ka hvo kɛ ka káá ka kpɔwɔ ɲąą kɛnɛ̨i, kaa lɛ̨ą Yai-Laa ka wɔ Yálái ɓa. Yaa tii ɓə ka kulɔ Eziptə lɔi hu, nuwɔ laa pɛ́lɛ́i tii mu.

Zɛnɛse 3:5

Kɛlaa, Yálá kili kaa ɉu, yɛ diɛ: Yələi ka da mį́i la, ka mɛ̨nį kəlee mąąkpɛɛ a nɛlɛɛ, ɛlɛɛ, ka kɛ yɛ yaa, kaa pɛli mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔ nɔwai kɔ́lɔn ɉi.»

M̀ɛni-lɛɛi 17:3

Ya ɓə Kili ə gbə́ŋə́, ə li a ɲą́ą́ nɔi pun ɉu. Ɛlɛɛ, ŋą́ nɛ̨ɛ̨nu ta kaa, ɉeɛ huwɔ kpɔluɔ gbələtətə ta mɛ̨i, Yálá lalan naaɠaa pɛ̨ɛ̨ nąą kəlee, ɛlɛɛ, nwu ganįn ə ɓo mɛ̨ihveelɛ, mįnɛ̨ ə ɓo pow.

M̀ɛni-lɛɛi 18:7

Bələi lɔ ə ɲąąnɛ̨ɛ̨ kulɔ la nwɔ mąąwiɛ laa hu, bələ lɔ ɓə 'ká mɔ̨nɔ̨ɓo la, ɛlɛɛ, 'ká mąąwɛli. Hvo gaai, ə kɛli mo gwəi pələ, yɛ kɛ: Gáá heeni yɛ tɔɔnɛ̨ɛ̨nu, və́ a galanin, və́ kpɔ pai mąąwɛli mɛ̨nį kaai.

Azaya 23:8

Gbɛɛ ɓə mɛ̨nįi tii mąą nwun dɔɔ kɛ a Tirə laa? A Tirə ŋɛ̨i kɛi tɔɔɓɔ́lɔ́ɠaa ɲąąkwɛlɛ? Tirə nwɔ yɔwɓɛlaa di kɛ a lɔi ɲąąwooɓo nuą, nwɔ lɔwɔtɔɔ nuą di ɓo a lɔi mɛ̨i nu kpɛa kpɛaɠaa

Azaya 47:8

'Ə́ wəli tɔɔ kɛa yɛnɛ̨ɛ̨ wɛli la kɛmun, yɛ́i tɔɔlaa kɛi a ə́ wəli pulu laɠiɛ, yɛ́i yá kɛ kɛi diɛ ə́ kwəi pələ: «Ɲą́ą́ lɔ ɓə laa, akɛ ɲą́ą́ hvəi, nu takpɛli hvo laa, nwɛ́i və́ pai kalaninnaa kɛi a yələ lɔpee ta, və́ pai hvɛɠɛi a nónnii.»

Izikiɛ 16:49

Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Izikiɛ 26:17

Di kaa pai kɛi wɔlɔi ə́ mɛ̨i, diɛ kɛ diɛ: Ə́ kulɔ pələ kɛ ləi yɛnɛ̨ɛ̨ lɔiɠaa lɔwai, gboloyá ɲą taa? Daa laa tɛɛi ti, yai da ɉu nuą di hvąŋą kɛnɛ̨ɛ kɛ gboloyá ɲą; a daa ti di kɛi ɲɔw mą kɛɛnąą kəlee.

Izikiɛ 28:1

Yai-Laa woo ə həli mą́ą́, yɛ mą́ą́:

Sofoni 2:15

Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Zakari 9:2

Ə mą kɛ, Hamatə, yai gaa Damasə kwɛlɛ, da Tirə, da Sidɔn, a gilimąą taaɠaai tii.

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

Izikiɛ 29:9

Eziptə kaa pai kɛi a lɔi pun, a gboloon; bələ ɓə da gili kɔ́lɔn na, diɛ kɛ, Yai-Laa ɓaa a ɲą́ą́; hvó gaai ə kɛ diɛ: ‹Bɔ́ɔ́ ɓaa a Nilə; ɲą́ą́ ɓə naa.›

Danîa 11:12

Ɲeetɛɛmaai tii ɉɛɠɛɛ pələ tɔɔmun a gɛ, a gbɔwɔ ŋąą kɛnɛ̨ yili hu. Kɛlaa, pələ ma a kɔ́kuláá kpulu tamąą paa la, ya hvəi pai yeetɛɛmąą kɛi.

Danîa 11:36

«Yii lɔpee a nɛɛ tɔɔmun ma, ya ɓə gaa pai gɛi. Hu ɲąŋą kɛnɛ̨ kaa pai kɛi ɉu, yə gbɔwɔ kaa yɛ kɛ gɛnɛ̨ɛ dɛɛ alaɠaa diɛ, gaa pai kɛi mɛ̨nį ɓoi alaɠaa di wɔ Yálá ɓa, hva kpɛli ɲɔw. Gɛ mɛ̨nįɠaa kəlee hu kaa pai kɛi nɛɛi, ə lɛɛ la ɉu Yálá nwɔ líiɲąnwąnąi pa hvóló yɛ ɉəli. Nąąlɔwai, yii Yálá ə gbən dee, a naahvɛɛ.

Danîa 11:37

Tɔɔmun və pai ɓɛlɛ kɛi galaɓɔlɔni di wɔ yáláɠaai diɛ, ə mą kɛ ala yii nwɛli kaa nɛ̨ą diɛ. Gaa pai kɛi gbɔwɔ kaai yɛ ya ɓə a kɛ a dɛɛ alaɠaa kəlee diɛ, hvo pai ɓɛlɛ kɛi dɔ̨nɔ̨ kpɛli ɓa.

Lukə 14:9

A kɛ tii, nui ŋɛ̨i ka nu hveelɛ ka təli, a pa yɛ kɛ yɛ́: həɠə gbəlin ɲii ŋą, ə́ li ə́ hee pulu pələ ɓɛi tii. Nąąlɔwai, ya kɛi li heei pulu pələ, nwumɛ̨ a tɛ a yɛ́.