Izikiɛ 28:13 - Yálá laawoo hɛɓɛ (dc)

¹³ Ə́ kɛ Edɛn Yálá nwɔ kɛɛnąą lɛlɛɛi, ə́ mąątínɛ̨n ŋąąi kɛ a kúwɔ́-kwɛni huwui lɔpee, da hɛni.

Yálá laawoo hɛɓɛ

¹³ Ə́ kɛ Edɛn Yálá nwɔ kɛɛnąą lɛlɛɛi, ə́ mąątínɛ̨n ŋąąi kɛ a kúwɔ́-kwɛni huwui lɔpee, da hɛni.

Bible

¹³ Ípɔ-taai ƃé kɛ̀ a Idɛŋ suai sû, nyii gáa a Ɣâla ŋɔsûai. Ya kâa yɔlɛ tòo íkɔŋ mâ nyii dí gbɛ̀tɛ a kɔni sɔ̃ɔ kpanaŋɔɔ kɛ́ɛ yɛ̂ɛ gɔnii da kɛ̂ ma luƃi, topâai, ƃɛɛlɔ, kameliɔŋ, zasipa, safaya, ɛmɔlɔɔ da gaanɛ. Dí gɔni-ŋai ŋí kpɛ̀tɛ a gôo yɔlɛ imaa mɛ̂ni ma a tãi díwɔlɔ í kpɛ̀tɛ la ŋ̀éniɛi sui.

Izikiɛ 28:13 Referans Kwoze

Izikiɛ 28:15

Ə həɠə ə́ pɛli yələ ɓa, ə́ túwɔ pələ lɛlɛɛi kɛ, mąą kulɔi hvo kɛ mą; əlɛɛ ɉu, ɲələi di ə́ ɲɔ̨n ɉii kaa la, ɲələ ə həli.

Izikiɛ 27:16

Ɉɛn damąąi ə́ kɛi bɛli, ya ɓə Aramə ə kɛi ɲa ə́ yəi, nɔwɔ tiɛ̨i di kɛi paa la ə́ pɔ, ya ɓaa; kúwɔ́-kwɛni kpɔliɔ, həɠə ɓɛla kpɔluɔ, həɠə ɓɛla mąąpuɔ, həɠə ɓɛla kwəlɛɛ pə-pə da kúwɔ́-kwɛni huwu tamąą.

Zɛnɛse 2:8

Yili pulu, Yai-Laa ə yɛa ta pɛli Edɛn, voló həɠəi pələ. Nui ŋɛ̨i ə bɛli, ə vilɛn nąą ɲɛa.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Izikiɛ 36:35

Di kaa pai kɛi diɛ; nɔi ŋɛ̨i ta di gala, aa kɛ yɛ Yálá-taa nɔw yɛa. Daaɠaai kɛ a taa kpoloonŋaa, daa kɛ di pu, daa kɛ di wolo, daa di mąąkpɛ hįįɠaa too, nu ə ɓo di hu.

Azaya 30:32

Yai-Laa nwɔ gbɔn pili pələ mą tɛi tɛi, damąn nwoo, da gwɛnįn nwoo da tɔɔ, ɛlɛɛ, Yai-Laa kaa pai kɛi heei ɉu, yɛ ɲee kpɛŋɛ̨n mɛ̨i.

Azaya 23:16

'Gwɛnįn ɉəɠə, ə́ daa mąą tínɛ̨n, yɛ́i a hinąą kəlee di nɛ̨ą, yɛ́i daa lɛ̨ą yɛ́i. 'Vɛli kɛ a ə́ nwąnąi, bənə ə́ ə́ wɔ wələɠaai too, ə gɛ ə́ kili ə too nuą ŋą.

Azaya 14:11

Ə́ wɔ mąąwiɛ aa lɔ lɔi mu, ə pɛlɛ la ə́ wɔ túlú wooi ɓa, kpəəli pɛlɛɛ daa di haɠa pɛlɛ ə́ mu, ə́ yii həɠə ɓaa kolo pɛlɛɛ.

M̀ɛni-lɛɛi 17:4

Nɛ̨ɛ̨nui tii mąą yiliɛ a nįnį-kɔlɔ həɠə kpɔluɔ gbələtətə, mąą puɔ, a hɛni, a kúwɔ-kwɛnį lɛlɛɛɠaa. Hɛni kpələkɔwɔ ə kɛ yee ɲą, naahvɛɛ a mɛ̨nį kɔhɔɓoɔɠaa: a ŋą wɛlikɛ mąąliɓi túwɔ́ɠaa.

M̀ɛni-lɛɛi 2:7

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, nwului Yálá-taa yɛ yɛnɛ̨ɛ̨ tɛɛ nu pɔ, ŋą́ mąą nu kɔ a má ta, ə mįi.»

Izikiɛ 27:22

Ə mą kɛ Saba da Raema yɔw ɓɛlaa, lɔwɔ ə kɛ ka diɛni ka lɔwai. Di wɔ mąątí wulɔ kun nɛ̨ɛ̨ nɛlɛɛɠaa ɓə di kɛi dɛɛ ə́ pɔ, da kúwɔ́-kwɛni huwui lɔpee gəlee, da hɛni.

Izikiɛ 26:13

Gáá pai ə́ wɔ wələ wooɠaai kpɛɛi, di hva kɛa ə́ wɔ gwɛniŋąąi woo mąn.

Izikiɛ 21:30

Israɛlə tɔɔmun, ə́ wəli tɔɔ, ə́ kili ɲɔ̨ŋɔ̨ɔ̨i ə́ kwəi, hvó Yálá kɔ́lɔn, ə́ wɔɔ yələ kaa pai, ɲələ a kɛ lɔ a ɲələi, yɛ́ ká ə́ wɔ nɛ̨ŋɛ̨nŋąąi ka kpɛɛ la.

Zɛnɛse 13:10

Lɔtə ə ɲɛ̨i laa, nɔi kɛ Ɉurdɛn yá koo ɓa, ə gaa, nąą pələ nwɔ kalai ɲąąnɛ̨ɛ̨. Ə həɠə Soarə daai yɛ li Sodomə daai da Gomorə daai pələ, nąą pələ ə kɛ yɛ Yálá-taa lon ma. Kɛlaa, Nąąlɔwai, Yai-Laa hvo ni kɛ Sodomə taa da Gomorə taa di kala li. Gɛɛnąąi tii, nɔi lɛlɛ pələ ə kɛ yɛ Eziptə ɲá lee kɛnɛ̨ ŋɛ̨i da kɛ mą: Nilə, gwɛlɛ lɔi.

Zooɛ 2:3

Di kaa yɛ tíi kələn nwɔ̨n, diɛ kɛɛ kələn di tɔwɔ, di pulu yɛ lɛɛ a gbalan. Gɛɛ di hvo pa, nɔi ə kɛ yɛ Yálá-taa lon ma. Lɔi kpoloon mə da nɛɛ di pulu. Hɛn nɔpee ta hva kulɔ a di yee wolo.

Azaya 24:8

Dulu woo nɛ̨ɛ̨ɠaa di hvo kɛa tɔɔi, ɉɛli pu nuą tín aa kpɛla mą, gwɛnįn nwoo nɛ̨ɛ̨ hvo kɛa tɔɔi.

Izikiɛ 28:14

Ə́ kɛ a mąąkpɛ malaka, yɛ́ lən; ŋą́ ə́ kɛ a nuą mąąkpɛ mun, ə́ kɛ Yálá nwɔ yéé mąąhəɠɛɛ nwuɔ̨, yɛ́ li, yɛ́ pa nwɔ̨n nən ɉąą.

Zôo 28:19

Nubi kúwɔ́-kwɛni ɓahiɓoɔ, hva kpɛli kɔ́ɔn ɉi mą, hɛni hu waa hva kpɛli pɛli lɛɠɛi gwɛlɛ.