Izikiɛ 27:36 - Yálá laawoo hɛɓɛ (dc)

³⁶ Nuąi kɛi ɲɔw kɛ nɔiɠaa lɔwai, diɛ kwəlee hvɛɛ ə́ mɛ̨i, yáá kɛ a hɛn da ɲɔw ma, ə́ mąą mɛ̨nį kpɛɛ li a yələ kəlee da nwɔɔ.

Yálá laawoo hɛɓɛ

³⁶ Nuąi kɛi ɲɔw kɛ nɔiɠaa lɔwai, diɛ kwəlee hvɛɛ ə́ mɛ̨i, yáá kɛ a hɛn da ɲɔw ma, ə́ mąą mɛ̨nį kpɛɛ li a yələ kəlee da nwɔɔ.

Bible

³⁶ Ká kɛ ɣéniɛi a kpɛɛ kpɔ́ a malôŋ-pere wɔ́lɔ-wɔlɔ da wɔlɔ-wɔlɔ bɔni tɔ̂ɔ-ƃelai díkɛ yào a m̀aa tûŋ. Da yao kpɔ́ a gɛɛ dí m̀aa tûŋ táa tâa.’ ”

Izikiɛ 27:36 Referans Kwoze

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Sofoni 2:15

Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Izikiɛ 26:21

Ŋą́ ə́ kɛ a hɛn nuą da pu mą, hvá kɛa kɛ yɛnɛ́ɛ́, di kaa pai kɛi ə́ kwɛlii, kɛlaa di hva kɛa ə́ káá a hvoló kəlee da nwɔɔ. Mɛ̨nį kəlee ŋą Hééɓomun Yálá woo li.

Ɉeremi 19:8

Gáá pai daa ŋɛ̨i mąą pənəi a lɔi mąąwɛliɛ, nuąi pai kɛi tɛɛi nąą kwɛlɛ, ɲɔw yɛ too di hu, di kwəi yɛ pili diɛ; da gɛɛ kalaa taaləi tii kaa, hvo kɛ li da tomą a ɲɔw.

Mąątɛ̨nɛ̨ 37:36

Kɛlaa, aa tɛɛ, hvo kɛa laa, ŋį́ gwɛli və́ kɛa gaa.

Mąątɛ̨nɛ̨ 37:10

Nąą wolo aa lɛɛ tiikpə, nui hva Yálá mąąwiɛ, yɛ pili; yá bɔɔ kwɛli, hvá kɛa gaa.

Izikiɛ 26:14

Gáá pai ə́ kɛi yɛ kwɛnii hɛn da hvo mɛ̨i, yɛ́ kɛ a hɔ̨nwɔ̨lee kpɛ-tumɔ̨ kpalai, di hva kɛa pɛ̨nɛ̨, di hvo ə́ tɔɔ; ɲą́ą́, Yai-Laa, Nwóó li. Mɛ̨nį kəlee ŋą Hééɓomun Yálá woo li.

Izikiɛ 26:2

Hulɔnu lon! Tirə ə mɛ̨nį ta ɓo a Ɉerusalɛmə laa, yɛ kɛ diɛ: «Hiiyoo, daa lɔiɠaa di wɔ kpon wolo!» Bílɛ yələ aa həli; daa nɛɛ a lɔi pun.

Woolaa 2:15

Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Ɉeremi 50:13

Yai-Laa nwɔ liiholi aa gɛ, nu ta hvo kɛa ɉu, nąą kəlee aa lɛɛ a lɔi pun. Nui lɔpee a tɛɛ Babilonə kwɛlɛ, gwəi a pili mą. Da gɛɛ kala pələi tii kaa, da tomą a ɲɔw

Ɉeremi 49:17

«Edɔmə aa kɛ a lɔi pun, nui lɔpee a tɛɛ laa, gwəi a pili mą. Nu hva gɛɛ kala pələ taaləi tii kaa, hvo kɛli ə tomą a ɲɔw.

Tɔɔɓɛlaa dɔlɔɔ 9:8

Bɛlɛ́ laaləi kpon ŋɛ̨i, nui lɔpee pai tɛɛi gwɛlɛ, gwəi a pili mą, ə kwəlee hvɛɛ, yɛ kɛ mą: ‹Lə ɓə kɛ yai, Yai-Laa ə dúwɔ́ taaləi ŋɛ̨i ɓo a nɔi ŋɛ̨i da bɛlɛ́i ŋɛ̨i?›

Izikiɛ 28:1

Yai-Laa woo ə həli mą́ą́, yɛ mą́ą́:

Izikiɛ 28:19

Yɛnɛ̨ɛ̨ nuąi kpɔ ə́ kɔ́lɔn, di kwəi kaa pai pilii diɛ, ə́ mąą mɛ̨nį hu. Ə́ kaa pai kɛi a hɛn da ɲɔw mą, ə́ mąą mɛ̨nį yɛ kpɛɛ yɛnɛ̨ɛ̨, a yələ kəlee da nwɔɔ.»