Izikiɛ 27:21 - Yálá laawoo hɛɓɛ (dc)

²¹ Arabə lɔi da Kedarə tɔɔɓɛlaa kəlee, yɔw mɛ̨nį ə kɛ ka diɛni ka lɔwai; di kɛi hɛnŋaa ya ə́ yəi a ɓɛlaa lonnii, ɓɛlaa hilɛɠaa, da ɓolu hilɛɠaa.

Yálá laawoo hɛɓɛ

²¹ Arabə lɔi da Kedarə tɔɔɓɛlaa kəlee, yɔw mɛ̨nį ə kɛ ka diɛni ka lɔwai; di kɛi hɛnŋaa ya ə́ yəi a ɓɛlaa lonnii, ɓɛlaa hilɛɠaa, da ɓolu hilɛɠaa.

Bible

²¹ Arebia da Kedɛi láa túɛ-ƃelai díkɛ̀ a ká pɔni-tɔɔ-ƃelai gɛ́tɛi. Dí pà a ƃála lônii, ƃála sîrɛ-ŋa da ƃoli-ŋa ka dîa-ni ká pɔni tɔ́ɔ la.

Izikiɛ 27:21 Referans Kwoze

Azaya 60:7

Kedarə taatɛlɛɛɠaa kaa di ɲąą kpɔn ɉi ə́ pɔɔli, Nebayotə ɓɛlaa hilɛɠaa kaa pai kɛi ə́ yeekɔn mą. Di kaa pai tɛi a diɛ ɓɛi da haláá kulɔ laa mą́ą́, ɛlɛɛ gɛ́ ɲee hee di mu, gɛ́ nwɔ́ pɛlɛ́i nɛlɛ yee ta pɛlɛ mą a nwɔ́ mąąwiɛ pɛlɛi ŋą́ mo mɛ̨i.

Zɛnɛse 25:13

da di yəi bɛlɛ́n nuą: Nebayotə, Ismaɛlə lon dɔlɔɔ li, yili pulu, Kedarə, Adbeɛlə, Mivsamə,

Galatə 4:25

Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

Gɛlaɠaa 2:11

daɠaa kaa a Ɉuifəɠaa, daɠaa diɛ ɓo a nuąi lɔ Ɉuifəɠaa di wɔ kalan hu, nu taɠaa di həɠə Krɛtə da Arabə, kɛlaa ə mą kɛ ti, nu kəlee kaa Yálá kɛ mɛ̨nįɠaa mɛ̨n ɉii a bɔ taai woo.

Ɉeremi 25:24

Arabə tɔɔɓɛlaa kəlee, nu humɔɔɠaa di wɔ tɔɔɓɛlaa kəlee, diɛi tii heeni nɔi pun ɉu.

Azaya 21:16

Mɛ̨nįi Yai-Laa ə mo mą́ą́, ya ka, yɛ: Aa lɛɛ a kwɛlan dɔ̨nɔ̨, kpɔlɔ a kwɛlan dɔ̨nɔ̨ ɲąąkpalaa Kedarə mąąɲįnɛ̨n, ɉu yɛ kala.

Wɛli 1:5

Gáá kpɛli ŋɛ̨i a hvɛliɓamun, nɛ́lɛɛi, ə həli kaa Ɉerusalɛmə nɛ̨ɛ̨lɛa. Nɛ́lɛɛi yɛ nini kɔ́lɔ həɠə. Yɛ Salomɔn nwɔ gąną-həɠə.

Kɔlɔnikɔ Veerɛi 17:11

Di kɛi həɠə a hamą pilɛɠaa Filisti lɔi hu, diɛ paa la Ɉosafatə pɔ, a wali, da nįįhɔ̨nwɔ̨. Ə mą kɛ Arabə lɔi hu nuą di kɛi pa bɔ a taatɛlɛɛɠaa: Ɓɛlaa hilɛ waa mɛ̨ihveelɛ pulu nwun mɛ̨ihveelɛ da Ɓooli hilɛ waa mɛ̨ihveelɛ pulu nwun mɛ̨ihveelɛ.

Kɔlɔnikɔ Maa-ŋuŋ 1:29

Di wɔ pɛlɛ́ɠaai laa ka: Nebayotə, yai kɛ a Ismaɛlə lon dɔlɔɔ, Kedarə da Adbeɛlə da Mivsamə,

Tɔɔɓɛlaa dɔlɔɔ 10:15

Yii ɉiɛ kulɔ nuą da ɲɔw ɓɛlaa, da vóló kulɔi pələ tɔɔɓɛlaa di kɛi gulɔ, da yii nɔi ɲąąwooɓo nuą di kɛi paa la, naa kulaa ɉu.

Mąątɛ̨nɛ̨ 120:5

Ee kə néé gboo! Kpalo aa gáá! Ɲą́ą́ ka Mɛsɛkə lɔi hu, gɛ́ ɓo heeni Kedarə lɔi hu.

Azaya 21:13

Mɛ̨nį kponąąi di mo a Arabə lɔi laa. Ka káá líi yíi Arabə nwɛla hu, Dedan hiɛ kulɔ nuą.

Ɉeremi 49:28

Mɛ̨nįi Yai-Laa kaa moi yɛ hvilɛn na, Kedarə da Hasɔrə tɔɔ lɔiɠaa, diɛi tii Babilonə tɔɔmun Nabukodonosorə ə di hon kɔ́ hu, ya ka: «'Ka ká muhəɠə, ka kɔ́ pɛlɛ Kedarə ɓa; ka Kɛdɛmə nuą hukala.

Hanwon 27:26

Ɓɛlaa lonnii tɔɔ, da pɛli həɠə kɛi yɛ́, ɛlɛɛ, ɓolu hilɛɠaa tɔɔ, yá pɛli lɔi yai la.

Azaya 42:11

Gbalə lɔi da ɉu taaɠaa, daaɠaai Kedarə kaa ɉu heeni, gəlee di di woo tɛ, kwɛni ŋą nuą di tómą a kwəinɛ̨ɛ̨, di lɛɛ ɲee ton na, di huluun nwoo ə tɔɔ.

Ɉeremi 2:10

Ka li Kitimə ɲa lɔwai lɔiɠaa hu, ka kɛɛ mąąkpɛɛ, ka tiɓo kə mun Kedarə Arabə lɔi hu, ka kɛɛ mąąni kɛ, ka naa kaa, akɛ mɛ̨nį taaləi tii aa ta kɛ;