Izikiɛ 26:3 - Yálá laawoo hɛɓɛ (dc)

³ Yili mąą mɛ̨nį ɓa, ɲą́ą́, Yai-Laa, ka wɔ Yálá, mɛ̨nįi gáá moi ya ka: Gáá pai kɔ́ pɛlɛi yɛ́, Tirə; gáá lɔi kpuluɠaa muhəɠəi, ŋą́ di wolo yɛ́, yɛ gboloyá a kɛli muhəɠə.

Yálá laawoo hɛɓɛ

³ Yili mąą mɛ̨nį ɓa, ɲą́ą́, Yai-Laa, ka wɔ Yálá, mɛ̨nįi gáá moi ya ka: Gáá pai kɔ́ pɛlɛi yɛ́, Tirə; gáá lɔi kpuluɠaa muhəɠəi, ŋą́ di wolo yɛ́, yɛ gboloyá a kɛli muhəɠə.

Bible

³ “M̀ɛni ma, ńyãai a Ŋ̀wála-wâla kélee Yâwɛɛi ŋa mó a gɛɛ ńdɔɔ̂i nâa Taya ma. Ŋa pâi gɛ̂i lɔii ŋuŋ támaa dí tɔ́ɔ ma. Da pâi tɔɔ̂i ma yɛ̂ɛ berei Yúo ŋɔzikɛ-zikɛ a kɛ̂ pâi lai.

Izikiɛ 26:3 Referans Kwoze

Ɉeremi 51:42

Gboloyá aa laa Babilonə mɛ̨i, aa lɛɛ yaɠilin ɉu.

Azaya 5:30

Kɛlaa mąą hvólói tii, da tómą mɛ̨i, ə ɓo yɛ gboloyá a kɛi huluun, da di ɲɛ̨i hee nɔi mɛ̨i, ɉɛn da gaa, ya ɓaa kpinį, da mąąwɛli mɛ̨nį, hvóló hu a kpinį a nąląąn ɉu wiaa.

Mise 4:11

Kɛlaa yiihu, lɔi tamąą daa di muhəɠə yɛ́ a kɔ́, di kaa kɛi diɛ: «Siɔn ɓɛlɛ ə too, ə too kpɔ, ku ɲɛ̨i kɔ́w ə nąą kaa!»

Lukə 21:25

«Mɛ̨nįɠaa kaa pai kɛi hvóló ɓa, da yɛ kɛ ɲąnįn ma da pɛmɛ̨nɛ̨n gɔwɠaa. Lɔi mɛ̨i da, gboloyá hu tin gɛ pələ, yɛ liihɛlɛn doo nuą diɛ.

Zakari 14:2

Gáá pai lɔiɠaa kəlee ɲąąkpɔn ɉii, Ɉerusalɛmə kwɛlɛ, da diɛni diɛ gɔ́ yili ŋą. Di kaa pai daa hon ɉii, diɛ bɛlɛ́ɠaa pu, diɛ too nɛ̨ąą mɛ̨i; daa bələ tɔ̨nɔ̨ kaa pai lii luwɔlaa hu, Kɛlaa nu kpəlii pai lɛɛi, di hvo pai di kpɛi laa.

Nahumə 2:12

Ɲalaɠaa pɛlɛi kaa mį? Ɓɛi ɲala lonnii di kɛi di kɔ̨nɔ̨n ɉɔlɔɓo laai, ɓɛlɔwai ɲala ə kɛi li la huwɔ kpɛi; nu ta hvo kɛi ɲala lon mąąɲɔw.

Izikiɛ 38:3

'Kɛ mą: «Gáá pɛlɛi yɛ́ a kɔ́, Mɛsɛkə da Tubalə tɔɔmun gɛnɛ̨ɛ Gɔgə,

Izikiɛ 28:22

'Kɛ mą, Mɛ̨nį kəlee ŋą Hééɓomun Yálá woo ka; yɛ: Sidɔn, gáá pai pɛlɛi yɛ́, ɲɛ̨i kaa pai pɔ̨nɔ̨i yɛ́ taa kwəi, diɛ gilin nąąlɔwai, diɛ kɛ; ɲą́ą́ ɓə gáá a Yai-Laa. Bələ ɓə gáá pai, nwɔ́ mąąhəɠə laa lɛi la nuą diɛ.

Izikiɛ 27:26

Ə́ wɔ kələn ɉiɛ nuą di kɛli li a yɛ́ gboloyá hąąi, hvaŋą ə həɠə hvóló kulɔi pələ, ə ə́ hu yali gboloyá hu.

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Ɉeremi 50:42

Daa kilɛn, da kpalaɠaa həɠə, di kili walawalaa, di hva nu ɲɛ̨imąąwɛli kaa. Di tín gaa yɛ gboloyá huluun dín, di kaa hoo mɛ̨i, daa hvólóon a di yɛli, yɛ kɔlaɠa, di kaa pai kɔ́ pɛlɛi yɛ́ Babilonə.

Ɉeremi 50:31

Yɛ́ ɓə vílɛn ŋąą ə́ pulu, tɛɠɛɓoɉu mun. Ə́ wɔɔ yələi aa həli, a nwą́ną kulɔ yələ. Ɲą́ą́ Nąmu Yai-Laa Mɛ̨nį Kəlee ŋą Hééɓomun nwóó li!

Ɉeremi 21:13

Yai-Laa yɛ: Yɛ́ kpɔ ɓə gáá yɛ́, yɛ́i tii gwɛni yee koo mu. Kaai ka kɛ diɛ: Gbɛɛ kpɔ ɓə pai yɛɛi ɓɛ, yɛ kɔ́ pɛlɛ kuɔ, gbɛɛ ɓə pai lɔi kuɔ nwoloi ŋɛ̨i hu?

Ɉeremi 6:23

Nwɔ kulaaɠaa kaa di wɔ kpalaɠaa da mį́i kɔ́wɠaa kɔ̨nwɔ̨i. Di kili walawalaa ɲɛ̨imąąwɛli hvo di hu, di tin gaa tɔɔ yɛ gboloyá aa kɛi huluun, di kaa heeni hooɠaa mɛ̨i; di háán yiliɛ kɔ́ kɔ́ mɛ̨nį ɓa, daa tɔɔ a di yɛli, Siɔn taa! Yɛ́ ɓə di kaa pai pɛlɛi yɛ́.

Mąątɛ̨nɛ̨ 107:25

Ə hvaa lɔ, tulɔ hvaŋą ə muhəɠə, yɛ gboloyá kɛ takpa takpa.

Izikiɛ 26:19

Mąąhɔlɔɓo, Mɛ̨nį kəlee ŋą Hééɓomun Yálá woo ka: ŋį́ pa kɛa ə́ kɛi a taa kpoloon, ə́ ɓo yɛ daaɠaai ti nu hvo di hu; ŋą́ pa ɲąmuątaa ɲąątɔɔi yɛ́, yahvɛɛɠaa diɛ ə́ mɛ̨i kpulu.

Izikiɛ 29:10

«Yili mąą mɛ̨nį ɓə gáá pɛlɛi la yɛ́, ka yɛ́ Nilə yaɠaai; gáá pai Eziptə lɔi kɛi a lɔi pun, a gbali kələnŋąą lɔi pun; ə həɠə Migdolə, ə həli la Siɛnə, ə həli kpɔ la Nubi lɔi ɲɛ̨n ɉu.

Nahumə 3:5

Yili ɓə gɛi gɛ́ kɔ́ pɛlɛ yɛ́, Yai-Laa Mɛ̨nį Kəlee ŋą Hééɓomun, nwoo ka, yɛi, Gáá ə́ wɔ həɠəi tɛi a ə́ nwun, gɛ́ bɛlɛ ə́ ɲɛ̨ilai, gɛ́ ə́ lɛ lɔiɠaa diɛ, gɛ́ ə́ ɓɛlɛ kpɛɛ yɛ́, tɔɔɓɛlaa kəlee diɛ nąą kaa.

Zakari 9:4

Kɛlaa, Ną́mu kaa pai ɉon ɉi, yɛ daa mąąkpɛ hįį pu gboloyá hu, ɛlɛɛ, nwɔ̨n ɲɛ daa kpįnį lee kələn.

Ɉeremi 25:22

Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.