Izikiɛ 26:12 - Yálá laawoo hɛɓɛ (dc)

¹² Di kaa pai ə́ wɔ hɛngɔwɠaai həɠəi a kɔ-hon, diɛ too ə́ wɔ lɔwɔtiɛ́ɠaai hu; diɛ ə́ wɔ pɛlɛ nwąnąɠaai pu, diɛ ə́ wɔ ɲąŋą kulɔ pɛlɛ́ɠaai wolo. Ə́ hu kwɛniɠaa, nwuluɠaa, da nąą munuunŋaa, gaa pai gəlee pui yai.

Yálá laawoo hɛɓɛ

¹² Di kaa pai ə́ wɔ hɛngɔwɠaai həɠəi a kɔ-hon, diɛ too ə́ wɔ lɔwɔtiɛ́ɠaai hu; diɛ ə́ wɔ pɛlɛ nwąnąɠaai pu, diɛ ə́ wɔ ɲąŋą kulɔ pɛlɛ́ɠaai wolo. Ə́ hu kwɛniɠaa, nwuluɠaa, da nąą munuunŋaa, gaa pai gəlee pui yai.

Bible

¹² Da pâi kátɔɔ-sãai da ká pɔni-sãai siɣêi a dípɔɔ, dí kásiaŋ-ŋai wólo, dí kápɛrɛ lɛ́lɛɛ-ŋai síɣe. À kɛ̀ tí, da pâi kákɔni-ŋai, káwuru-ƃela-ŋai da kásãai nyii-ŋai pâi lɛɛ̂i kélee pilîi ǹyuoi-su.

Izikiɛ 26:12 Referans Kwoze

Azaya 23:8

Gbɛɛ ɓə mɛ̨nįi tii mąą nwun dɔɔ kɛ a Tirə laa? A Tirə ŋɛ̨i kɛi tɔɔɓɔ́lɔ́ɠaa ɲąąkwɛlɛ? Tirə nwɔ yɔwɓɛlaa di kɛ a lɔi ɲąąwooɓo nuą, nwɔ lɔwɔtɔɔ nuą di ɓo a lɔi mɛ̨i nu kpɛa kpɛaɠaa

Amɔsə 5:11

Kaa too mąąwɛli mun mɛ̨i, kaa gɔ̨nɔ̨n gulɔ ɲəi. Yili ɓə gaa mą, ka káá pai kwɛni pɛlɛ lɛlɛɛɠaa tɔɔi-yo! Kɛlaa, ka hva yii mu. Kaa viɲə huwu lɛlɛɛɠaa ɲɛa laa, Kɛlaa, ka hvo pai da ya kulɔi, ka hvo gɛ a lɔɔ kaa gbələ.

Kɔlɔnikɔ Veerɛi 32:27

Ezekiasə ə hɛn gɔw kɛnɛ̨ hɔlɔɓo, da mąąwiɛ. Ə wali, hɛni, kúɔ-kwɛni lɛlɛɛɠaa, mąątí wulɔ, kɔ-kɔ gbala da hɛn mąą mɛ̨nį nwąnąąɠaa huwui lɔpee gəlee hɔlɔɓo, ə bu gee mɛ̨i.

Zakari 7:14

Ŋą́ di pili lɔi huwui lɔpee gəlee hu, a ɓɛi di hvo kpɛli kɛ nąą kɔ́lɔn, nɔi hu ə kala di pulu, nu hvo kɛi tɔɔ laa, nu hvo kpɛli kɛi tɛɛ laa, nɔi lɛlɛɛi tii, di mąą pənə a lɔi pun.»

Nahumə 2:9

Wɔlɔ wɔlɔ ɓa, Ninivə ə kɛ yɛ ya pui gɛnɛ̨ɛ̨, yai ya hvo kɛi kpɛɛ ɉu, ɲa ka ŋɛ̨i kɛa gboloon gaa laai. Ka tɔɔ a ka nwąnąi, ka ka huwalawala; Kɛlaa, nu ta hvo kpɛli bulu kaa.

Osia 13:15

Ɛfraimə ə mą kɛnɛ̨ nąn nonnii lɔwai, hvóló kulɔi pələ hvaŋą kaa pai, Yai-Laa nwɔ hvaŋąi, yai həɠəi gbali kələn ŋąą hu pələ, yɛ ɲá nwun gulɔi hu kpala, ya yɛ kpala yálɔwa hu, yɛ nɔi kala, da ɉu hɛn gɔwɠaa.

Danîa 11:8

Yili pulu, gɔ́ pulu hɛnŋaa gaa pai ɉəɠəi, a li la Eziptə lɔi hu, ɉɛnŋaai tii ɓa: mąąnįnįn ɉaɠaaɠaa, yai kɛ a nɔi tii nwɔ alaɠaa, hɛni hɛnŋaŋa lɛlɛɛɠaa, da wali kwɛliɠaa, yai kɛ a ɲalaɠaai tii di wɔɔ. Yili pulu, kwɛlan damaa a tɛɛ, di hva kɛ kɔ́ kɔ́i.

Izikiɛ 28:8

Di kaa pai ə́ yɛɛi kámą hu, yɛ́ haa a haa ɲɔ̨nwɔ̨ɔ̨, gboloyá hąąi.

Izikiɛ 26:5

Gaa pai kɛi a hɔ̨ŋɔ̨lee kpɛ tumɔ̨ɠaa kpalai gboloyá hɛ̨ąi. Ɲą́ą́ Yai-Laa, ka wɔ Yálá, Nwóó li. Lɔiɠaa kaa pai ɉu hɛnŋąą kəlee həɠəi ɲəi.

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Azaya 32:12

Kaa ka woo laa, kaa ka kəŋə hu tuwo, kaa wɔlɔ ka wɔ yɛɛkɔwɔ lɛlɛɛɠaa mɛ̨i, kaa wɔlɔ ka wɔ mɔ̨nun nɛlɛɛɠaa mɛ̨i.

Azaya 23:11

Yai-Laa aa gboloyá kɛlɛ a vaŋą, aa tɔɔlɔiɠaa hu kpɛlin. Yɛ Kanaan ɓa, ə́ wɔ kɔ́taaɠaa pu.

Kɔlɔnikɔ Veerɛi 36:10

Gwɛlan gbɛɛi lɔwai, tɔɔmun Nabukodonosorə kuláaɠaa tɔɔ, di ɉon diɛ li la Babilonə, di bɛlɛ Yai-Laa nwɔ pɛlɛ́i mu hɛnŋąą nɛlɛɛɠaa ɓa; ə nąn non Sedesiasə hee a dɔɔmun Ɉuda da Ɉerusalɛmə mɛ̨i.

Ɉeremi 52:14

Ɉerusalɛmə taa mąąkpɛɛ hįį nwɛi, Kalde kɔ́kulááɠaa di pu kpɔ nąą kəlee daa ɓa. Dɔɔmun kwɛlɛ kalanɉon tii ɓə di tí la.