Izikiɛ 24:8 - Yálá laawoo hɛɓɛ (dc)

⁸ Bələi ŋą́ tɛɛ la, gɛ́ nwɔ́ líiholii yɛɛ mɛ̨i, gɛ́ nwą́ną kulɔ mą, ɲąmąi tii ə bu gwɛni kpuwulu mɛ̨i, gáá nɛɛi laa vá mɛ̨i kpulu.

Yálá laawoo hɛɓɛ

⁸ Bələi ŋą́ tɛɛ la, gɛ́ nwɔ́ líiholii yɛɛ mɛ̨i, gɛ́ nwą́ną kulɔ mą, ɲąmąi tii ə bu gwɛni kpuwulu mɛ̨i, gáá nɛɛi laa vá mɛ̨i kpulu.

Bible

⁸ Ŋá ŋ̀ãai lɛɛ naa é ǹíi ŋwána, a gɛɛ ŋá gba kula. Ŋãai è bùi, ŋá ǹɛɛ gɔnii mâ a gɛɛ dífe m̀ɛi pɛ̂lɛ.”

Izikiɛ 24:8 Referans Kwoze

M̀ɛni-lɛɛi 18:16

di kɛli kɛ mą: «Ee kə, kpalo! Ə kə gbalo kɛnɛ̨ɛ̨! Daa-leei kɛ mąąyiliɛ a həɠə hukpɛɛ, a nįnį-kɔlɔ həɠə kpɔluɔ gbələtətəi, ɲɛ̨itɔɔ a hɛni, a kúwɔ-kwɛnį lɛlɛɛɠaa,

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Maafîu 7:2

Mąąhɔlɔɓo, bələi lɔ ə́ kaa ə́ ɓɛlan gití teei la, bələ lɔ ɓə Yálá kaa pai ə́ kiti tee la. Bələi yá hɛn gɔwɔn na, yɛ́ dɛɛ nu pɔ, bələ lɔ ɓə da gɔwɔn na, di dɛɛ ə́ pɔ.

Izikiɛ 23:45

Kɛlaa, tələnmo nuą kaa pai di kiti teei yɛ bələi da wɛlikɛ nɛ̨ąą kiti tee la, da nɛ̨ąąi da ɲąmą pu; mąąhɔlɔɓo ɲąmą pɔɔ kaa di yee ɓa.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Ɉeremi 7:18

Nɛapɛlɛɛ da kwɛi kwɛli, di nąnni diɛ nwɔ̨n ɉee, nɛ̨ąą diɛ lɛɠɛ hunwɔ̨ diɛ bu Astarte hali ɓa, yai yələ kwəi tɔɔ nɛ̨ɛ̨nui. Kaa haliɠaa kɔ́ a lɔɔ, kaa nííkələn na gwə́i.

Kɔlɔnikɔ Veerɛi 34:25

gbala ə tɔɔ, daa nɛ̨́ɛ̨́ laa, diɛ lansan kələn haliɠaa diɛ, diɛ hvaa tee mą́ą́ a di gɛ mɛ̨nįɠaa. Nwɔ́ɔ́ liiholi kaa pai pui gɛɛnąą ŋɛ̨i mɛ̨i, hva kpɛla mą.

Tɔɔɓɛlaa veelɛ 22:17

Mąąhɔlɔɓo, daa həɠə búlú, diɛ wulɔ kun nɛ̨ɛ̨ kələn haliɠaa diɛ a mɛ́lɛ too pələ di túwɔ́ pələ hu. Níí aa kələn gwə́i kɛnɛ̨ gɛɛnąą ŋɛ̨i pɔ, ə lɛɛ, níí hvo pai laai.

Azaya 26:21

Mąąhɔlɔɓo, Yai-Laa ka ɲɛ̨́i kulɔi ɲəi bɛlɛ́n yɛ lɔi mɛ̨i nuą kəlee mąąni kɛ di hɔn mą. Ɛlɛɛ lɔi kaa pai ɓaɠii a ɲąmą, nuą di di paa, hva kɛa di loo.

Izikiɛ 22:4

Ə́ ə́ hɔn gɛ, a ɲąmąi ə́ bui, ə́ ə́ mąąliɓi a ɉaliɠaai ə́ di pɛlii; gɛi ə́ mo tii, yáá ə́ wɔ yələ maa kpuɔ; ə́ wɔ kwɛlanŋaa laa aa hvɛɛ. Yili mąą mɛ̨nį ɓa, gáá ə́ kɛi a hɛn a nwumɛ̨ tɛ nu ɓa, lɔiɠaa hu; a hɛn da yɛlɛ ma nuą lɔwai.

Sofoni 1:17

Gáá mɛ̨nį ɲąąnwąnąą laai nu kanŋaa diɛ, diɛ hiɛ yɛ ɲɛ̨ipu nuą. Mąąhɔlɔɓo, daa nɛ̨ŋɛ̨n ɉəɠə Yai-Laa ɓa. Di ɲąmą kpoloon gaa pai laai yɛ, tulɔya kpoloon, di powa puɔ gee mɛ̨i, yɛ luwun yɛ túlún.

Tɔɔɓɛlaa veelɛ 24:4

Gwəi kwələ nuą ɲąmąi Manase ə bu, ə Ɉerusalɛmə daai laahvɛɛ la, mɛ̨nįɠaa tii ɓə gɛ, Yai-Laa hvó gɛ hvo Ɉuda lɔi mąą hvaalɛɛ la.