Izikiɛ 24:25 - Yálá laawoo hɛɓɛ (dc)

²⁵ «Hulɔnu lon ə́ wəli tɔɔ, ɲələi gáá pai di hvaŋą kulɔi la di yəi, da di wɔ yɛnɛ̨ɛ̨ ɲąąnɛ̨ɛ̨ hɛnŋaai, da di mąąyili hɛnŋaa, ɉɛn da di ɲɛ̨i hee mą yɛ di kwəinɛ̨ɛ̨; ɉɛn a di wɔ yɛnɛ̨ɛ̨ ɲąąnɛ̨ɛ̨ diɛ, di lon ɉinąą da di lon nɛ̨ąą;

Yálá laawoo hɛɓɛ

²⁵ «Hulɔnu lon ə́ wəli tɔɔ, ɲələi gáá pai di hvaŋą kulɔi la di yəi, da di wɔ yɛnɛ̨ɛ̨ ɲąąnɛ̨ɛ̨ hɛnŋaai, da di mąąyili hɛnŋaa, ɉɛn da di ɲɛ̨i hee mą yɛ di kwəinɛ̨ɛ̨; ɉɛn a di wɔ yɛnɛ̨ɛ̨ ɲąąnɛ̨ɛ̨ diɛ, di lon ɉinąą da di lon nɛ̨ąą;

Bible

²⁵ Yâwɛɛ è mò ǹyɛɛi, “Núu kpune ǹóŋ, ŋa pâi díkili-tɔɔ maa kwaa-ŋai ma sonîi díyêei, nyii-ŋai díkaa a díkili-tɔɔ maa kwaa-ŋai ma da ƃɛ́i da dílaa maa tɛ̂-ŋai sɔlɔ ƃô naai da ƃɛ́i-ŋai da kɛ ǹaa kâai, díkili kɛ́ ƃò ǹaai. Ŋa pâi ŋɔ́nɔ dílônii-nɛyãai da dílônii-sinaai sonii díyêei.

Izikiɛ 24:25 Referans Kwoze

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Ɉeremi 11:22

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai həli diɛ, di wɔɔ hilɛlɛa diɛ lɛɛ kɔ́ hu, di lonnii hinąą ə mą kɛ, nɛ̨ąą, diɛ haa a pulu.

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Mąątɛ̨nɛ̨ 48:2

Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Ɉeremi 52:10

Babilonə tɔɔmun ə Sedesiasə lonnii nwun dee di nąn ɲɛ̨i ɓa; ə Ɉuda lɔi ɲɛ̨itɔwɔ nuą kəlee nwun dee lɔ nwɔ̨nɔ̨ Rivla daai.

Ɉeremi 7:4

Ka hvo ka kpɔɔ ɓowo a lɛɛ wooɠaa kaa kɛ diɛ: «Yai-Laa hee pɛlɛ́i ka! A Yai-Laa hee pɛlɛ́ yoo! Yai-Laa hee pɛlɛ́i, ɓɛ ɓə!»

Dutɛrɔnome 28:32

Ka lon ɉinąą, da ka lon nɛ̨ą da lɛɛ a nu huwu takpɛliɠaa di wɔɔ; ka ɲɛ̨i a lɛɛ di tɔwɔ, ɛlɛɛ ɉu, ka ɲɛ̨i lon ɉu yɛ haa, kaa di mąą kpɔn, di hva pa, ɛlɛɛ, ka hva pɛli mɛ̨nįi lɔpee ta kɛi ɉu.

Woolaa 2:4

Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Izikiɛ 33:22

Ɲələi tii bu mun tii ə paa la, mąąyíi yələ, yələ wulii pɔ, Yai-Laa ə nwɔ ə ɲee laa mɛ̨́i, ɓɛlɔwai nui tii ə həɠə la bɔ́ɔ́li yələwala pɔ; náá ə hvaa, və́ kɛa kɛ a muugbɛ.