Izikiɛ 23:5 - Yálá laawoo hɛɓɛ (dc)

⁵ Ohola ə too wɛli honŋąą hu; hvo lɛɛ ɲə́i; nii mu ə həɠə kɛnɛ̨ nwɔ wɛliɠaa pɔ; diɛ ɓaa a Asiri nuą, diɛi a gwɛlɛ nuą.

Yálá laawoo hɛɓɛ

⁵ Ohola ə too wɛli honŋąą hu; hvo lɛɛ ɲə́i; nii mu ə həɠə kɛnɛ̨ nwɔ wɛliɠaa pɔ; diɛ ɓaa a Asiri nuą, diɛi a gwɛlɛ nuą.

Bible

⁵ Berei máŋ Óola è kɛ̀ la a ŋánɛnîi, da Asiria-ƃelai díkɛ̀ wulu-wulu kɛ̂i.

Izikiɛ 23:5 Referans Kwoze

Osia 5:13

Ɛfraimə aa nwɔ ɲɔ̨n kaa, Ɉuda yaan, aa nwɔ palai kaa; Ɛfraimə aa li Asiri pɔ pələ, ɛlɛɛ, aa kɛla tɔɔ dɔɔmun gɛnɛ̨ pɔ. Kɛlaa, gáá moi kaa: Hva pɛli ka ɓaloi, hva pɛli ka wɔ palai hali kɛi.

Tɔɔɓɛlaa veelɛ 17:3

Asiri tɔɔmun Salmanasarə ə pa ə kɔ́ pɛlɛ mą. Ose ə lɛɛ ɲee mu, yɛ nįįhɔ̨nwɔ̨ kulɔ mą.

Tɔɔɓɛlaa veelɛ 16:7

Akazə ə nuą tɔɔ Asiri tɔɔmun Tiglatə-Pilesɛrə pɔɔli, yɛ mą: «Gáá a ə́ lon, da ə́ wɔɔ tímun, pa ə́ gúlɔ Aramə tɔɔmun da Israɛlə tɔɔmun di yəi, daa yili mą́ą́ a kɔ́.»

Tɔɔɓɛlaa veelɛ 15:19

Asiri tɔɔmun Pulə ə pa ə pɛlɛ nɔi ɓa a kɔ́, kɛlaa, Menahɛmə ə wali kwələ kilə waa pow haaɓa tɛɛ Pulə pɔ, əgɛ, yili ə kpɔnmąą tɛɛ bɔ, dɔɔlaa ə lɛɛ ɲəi a nwalawalaa.

Izikiɛ 16:28

Yili hvo ə́ pilɛ, ə́ too nwɔ̨nɔ̨ Asiri nuą pɔ ka diɛ ni ka túwɔ pələ ɲɔ̨n gulɔ; pələi mąn ə kɛ la tii, yili hvo ə́ pilɛ.

Ɉeremi 50:38

Gɔ kɔ́ ɓɔwa, ə hee nwɔ yaɠaai hu, daa kpala. Mąąhɔlɔɓo, aa lɛɛ a mąąnįnįn ɉaɠaa lɔi, a nu mąąnįnįn ɉaɠaaɠaai daa di kili kulɔ di yəi.

Osia 12:1

Ɛfraimə kaa gílí ɲąą pɛlɛi a lɛɛ, Israɛlə nwɔ pɛlɛ́i yɛ mówo, Kɛlaa, Ɉuda kaa ni Yálá pulu, ganąn ŋąą ni yələkɔlɔn ɉu Yálá ɓa.

Osia 10:6

Nįŋɛ̨ lon gbɛli mąn, di kaa pai líi la Asiri, a nąą tɔɔmun gɛnɛ̨ hamą. Yili a kɛ a Ɛfraimə nwumɛ̨ mɛ̨nį, Israɛlə ɲɛ̨i yɛ paa nwɔ lɔ giliiɠaa mąą mɛ̨nį ɓa.

Izikiɛ 23:20

Da nwɔ wɛliɠaa da too di kee ɓa, da ɲąąnɛ̨ɛ̨i kaa; kɛlaa di woo laa kulɔi a kɛ yɛ wɛlɛhooɠaa da kɛi tɛ, awala kɛti hooɠaa da kɛi tɛ.

Izikiɛ 23:16

Ə di kaa lɔ di wɛli ə too mą, ə nuąą tɔɔ di pɔɔli Kalde lɔi hu.

Izikiɛ 23:12

Da Asiri nuą di too nwumɛ̨-wɛli hu: lɔi ɲąąwooɓo nuą, taa ɲąąwooɓo nuą, kɔ́kulááɠaa di mąą yilɛɛ kpɔ, hoo mɛ̨i nuą, gəlee di ɓo a nu nwunuɠaa, di ɲɛ̨i mąąhəɠɛɛ.

Izikiɛ 23:9

Yili ɓə gɛ, gɛ́ dɛɛ nwɔ wɛliɠaa pɔ, diɛi a Asiri nuą, mąąhɔlɔɓo di lɔɔi kɛ nii mu.

Izikiɛ 23:7

Ə gbɔwɔ tɛɛ Asiri lɔi hu nu kpɛa kpɛaɠaa kəlee pɔ. Duwo pələɲɔ̨n gulɔ pələ e gbɔwɔ mąą liɓi a di wɔ haliɠaai kəlee.

Izikiɛ 16:37

Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Tɔɔɓɛlaa dɔlɔɔ 21:26

Akabə ə túwɔ́ kpɔlɔɔ a ɲɔ̨nwɔ̨ɔ̨ yɛ Amɔrə nuą ŋɛ̨i Yai-Laa ə di kpɛ di wɔ lɔi hu yɛ Israɛlə nuą hee laa, yɛ kwɛli hvilɛn haliɠaa diɛ.

Tɔɔɓɛlaa dɔlɔɔ 15:30

Nɛ̨ŋɛ̨nŋaai Ɉeroboamə ə ɉəɠə, da yii ə gɛ Israɛlə ə ɉəɠə, yɛ Yai-Laa Israɛlə nwɔ Yálái nwąną lɔ la, mąą mɛ̨nį ɓə gɛ, yili yɛ laa nwɔ pɛ́lɛ́i ɓa.

Tɔɔɓɛlaa dɔlɔɔ 15:26

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Nadabə ə ɲee lɔ ɉu. Ə hvilɛn nąn dúwɔ́ pələ pulu. Nɛ̨ŋɛ̨n nąn ə Israɛlə nuą yee lɔ ɉu, yaai tii ə da kɛ.

Tɔɔɓɛlaa dɔlɔɔ 14:16

Gaa pai kulɔi Israɛlə pulu, nɛ̨ŋɛ̨nŋaai ŋɛ̨i Ɉeroboamə ə ɉəɠə yɛ Israɛlə yee lɔ ɉu mąą mɛ̨nį ɓa.

Tɔɔɓɛlaa dɔlɔɔ 14:9

Yáá túwɔ́ a ɲɔ̨nwɔ̨ɔ̨ dɛɛ nuąi kpɔ kɛ ə́ tɔwɔ gəlee diɛ. Yáá li, yáá haliɠaa pɛli yɛ́, da hɛn mąąnįnįnŋąą, yɛ́ nwą́ną lɔ, yáá bíli ə́ pulu pələ.

Izikiɛ 23:4

Di laa ka: Ohola ɓə kɛ a nu kɛnɛ̨ laamun, nəɠə ə ɓo a Oholiba; yili pulu, di lɛɛ ɲə́i kwa diɛni ku lon nɛ̨ąą da lon ɉinąą kaa; nɛ̨ąąi ti ka: Ohola ɓaa a Samari; Oholiba ɓaa a Ɉerusalɛmə.