Izikiɛ 23:42 - Yálá laawoo hɛɓɛ (dc)

⁴² Di kɛi nu kpulu kɛnɛ̨ tin mąn, diɛ kwəinɛ̨ɛ̨ kulɔ, mɛ̨nį hvo kɛ di wəli pulu; nu kpulu kɛnɛ̨ ta kpɛli ə pa ə pɛlɛ yiliɠaai diɛ, diɛ həɠə nɔi pun ɉu pələ kəlee pɔ; di kɛi yee kwąną kwɛli too nɛ̨ąą yee ɓa, diɛ tɔɔɓɔlɔ lɛlɛɛɠaa lɔ di nwuɔ̨.

Yálá laawoo hɛɓɛ

⁴² Di kɛi nu kpulu kɛnɛ̨ tin mąn, diɛ kwəinɛ̨ɛ̨ kulɔ, mɛ̨nį hvo kɛ di wəli pulu; nu kpulu kɛnɛ̨ ta kpɛli ə pa ə pɛlɛ yiliɠaai diɛ, diɛ həɠə nɔi pun ɉu pələ kəlee pɔ; di kɛi yee kwąną kwɛli too nɛ̨ąą yee ɓa, diɛ tɔɔɓɔlɔ lɛlɛɛɠaa lɔ di nwuɔ̨.

Bible

⁴² Núu kpulu nyii vé kpáaŋ níi tíŋ è tɛ̀ dí kɔlɛ, é pɛ́lɛ lɔɔ-kpele-ƃela dîa nyii-ŋai kùla vɛ̃ɛ-kpâlaŋ sui. Zinâai ŋí díyee ma kɔli tòo nɛyâai yée ma, díkâloŋ ƃɔrɔ sèe díŋâa a tɛ̀ɛ ŋa.

Izikiɛ 23:42 Referans Kwoze

M̀ɛni-lɛɛi 12:3

Ya ɓə, mɛ̨nį takpɛli ə pənə ə kɛ yələ kwəi, mąąɲɔw-hɛn kɛnɛ̨ ta ə kulɔ yələ kwəi, gbɔluɔ yɛ nwɔ̨n. Nwun ganįn ə ɓo ɲą mɛ̨ihveelɛ, ɛlɛɛ, mįnɛ̨ ə ɓo pow, tɔɔɓɔlɔ mɛ̨ihveelɛ ə ɓo nwun ganįn dɛitɛi tii ɓa.

Osia 13:6

Di həli lɔ nɔi nɛ̨ɛ̨ hu, di pilɛ, di pilɛ lɔ, diɛ kɛa di kpɔwɔ ɲąą kɛnɛ̨, yili ɓə gɛ diɛ lɛ̨ą mą́ą́.

Zôo 1:15

Saba nuą di pa di too di mɛ̨i di di həɠə, di ə́ wɔ tínuąi kəlee paa, ɲą́ą́ dɔ̨nɔ̨ lɔ ɓə kulɔ gɛ́ pa nwɛlɛɛ ɓoi yɛ́.»

Lɛɛ gbɔwɔ ɓa 32:6

Mąą yələ laa ɓoɔ, yələwala pɔ, nuą di haláá kulɔ nįŋɛ̨ lon tii ɓa, yii da gəlee kələn, da nɛ̨ɛ̨laa haláá. Nu kəlee di hee kɛa, diɛ di laa mį́i, diɛ di kpələ, yili pulu, di di muhəɠə diɛ kwəinɛ̨ɛ̨ kulɔ.

Zɛnɛse 24:30

Yii kɛa Laban ə gbono da ɲee ɓa kwɛliɠaa kaa mąąhala yəi, ɛlɛɛ, ə mąąhala woo hukulɔ woo mąn; Laban ə li ə ɉulɔnui tii kaa da nwɔ ɲɔ̨nwɔ̨mɛ̨ɛ̨ɠaai diɛ ɓo ni ɲálɔwa la.

Mąątɛ̨nɛ̨ 73:12

Ɛlɛɛ nu ɲɔ̨nwɔ̨ɔ̨ɠaai tii kaa lɔ tii, di wəli pulu laɠiɛ, diɛ hɛngɔw tiɛ̨ gee mɛ̨i.

Ɉeremi 51:7

Babilonə ə kɛ Yai-Laa yəi yɛ hɛni gəgən, ə kɛi lɔi kəlee kɛ a lɔɔ hon, yɛnɛ̨ɛ̨ nuą di kɛi nwɔ lɔɔi kpələ, diɛ ɓowo la.

Izikiɛ 16:49

Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Izikiɛ 27:22

Ə mą kɛ Saba da Raema yɔw ɓɛlaa, lɔwɔ ə kɛ ka diɛni ka lɔwai. Di wɔ mąątí wulɔ kun nɛ̨ɛ̨ nɛlɛɛɠaa ɓə di kɛi dɛɛ ə́ pɔ, da kúwɔ́-kwɛni huwui lɔpee gəlee, da hɛni.