Izikiɛ 23:41 - Yálá laawoo hɛɓɛ (dc)

⁴¹ Yili pulu ə́ laa gbin gɛnɛ̨ɛ ɲą, taɓali hviləŋąą gbin nií la, ɓɛi yaa kɛ nwɔ́ wulɔi da nwɔ́ lansan hee laa.

Yálá laawoo hɛɓɛ

⁴¹ Yili pulu ə́ laa gbin gɛnɛ̨ɛ ɲą, taɓali hviləŋąą gbin nií la, ɓɛi yaa kɛ nwɔ́ wulɔi da nwɔ́ lansan hee laa.

Bible

⁴¹ Dísèe see-sɛŋ lɛ́lɛɛ-ŋa ŋá. Teƃele kɛ́ ƃò dí ŋɛ́i túɛ ǹáa fɛ́ɛ a kéreŋ-sɛŋ kuŋ nɛ̃ɛ da ɔle-wulɔi ŋá dɛ̀ɛ dí pɔi.

Izikiɛ 23:41 Referans Kwoze

Amɔsə 6:4

Ka káá laani ka wɔ kanąnbeeɠaai ŋą yii nwəli la laai a hə́lə́ ɲįn, Ka laa kpəlin gbɛa kpɛaa hu, Kaa ɓɛlaa gbɔnŋąą mįi, Da Nįŋɛ̨ gbɔn nwulaaɠaa.

Izikiɛ 44:16

Diɛ ɓə pai kɛi lɔi nwɔ́ kɛɛnąą maahəɠɛi ɓa, diɛ lɛɠɛ nwɔ́ haláá kulɔi ɓa; diɛ mą́ą́ mɛ̨nį ɲɛ̨i kulɔ; diɛ nwɔ́ tɔ́nŋaai maa yɛlɛ kɛ.

Ɉeremi 44:17

Bələi gaa la ku kwəi, bələ ɓə ku kaa gɛi la. Ku kaa haláá kulɔi yələkɔlɔn ɉu tɔɔ-nɛ̨ɛ̨nui ɓa, kuɔ gɔ́ a lɔɔ, yɛ bələi ku kɛi gɛ la Ɉuda taaɠaa hu da Ɉerusalɛmə daai; kuɔ-o, ku nąnni-o, kuɔ tɔɔɓɛlaai-o, da ku ɲɛ̨itɔwɔ nuą, gɛi ku kɛi mo tii, ku kɛ ku nɛ̨ɛ̨ hu, ku hvo kɛi ɲɔ̨nwɔ̨ɔ̨ kaa.

Azaya 65:11

Kɛlaa, kaai kpɔ ɲɛ̨i lənə Yai-Laa ɓa, kaa lɛa nwɔ́ yee mąąhəɠɛɛi ɓa, kaa kɔ̨nɔ̨n bɛli Gadə laa hu, kaa lɔɔ humɔ̨ɔ̨ɠaa hee a Meni nwɔɔ.

Azaya 57:7

Ya ə́ laa gbin bɛli yee tɔɔɠaa nwuɔ̨, nąą ɓə ya tɛ laa, yɛ́ hɛlaa kulɔ laa.

Malasi 1:7

Kɔ̨nɔ̨n mąąliɓiɛ ɓə ka naa ɲə́i ɉaláá kulɔi. Ɛlɛɛ, kaa kɛ mą́ą́: ‹Kwa kɛ ɲɛ̨itɛ kulɔ pələ kɛi ləi a yɛ́?› Káá kpįnįi, káá nwɔ́ haláá kulɔi kɔ́hɔɓo.»

Amɔsə 2:8

Da biliɉu kulɔ nu ta yəi a tolaa, yili lɔ ɓə da doo di kwąną diɛ ɓo la di wɔ Yáláɠaai hvɛli pɛlɛ́ mu, ɓɛi da kwɛli hvilɛn naa diɛ. Da li ɓɛi da kwɛli hvilɛn na mą́ą́, da tɔ́n bili nu ɓa, a pa a nɔɔ, yili ɓə da kɛ gbələi laa bɛlɛ́n.

Samuɛlə dɔlɔɔ 28:23

Saulə hvo gɛ, yɛ mą və́ hɛn da mįi. Kɛlaa, ɓɔ nuą di hɔlɔ ma, ə mą kɛ nɛ̨ɛ̨nui tii. Ə hvaa di woo ɓa, ə muhəɠə nɔi ɓa, ə hee gbəli mɛ̨i.

Izikiɛ 41:22

haláá kulɔi, ə ɓo a wulu, mɛ̨i kwɛa yee ə ɓo a yee tɔɔɉu haaɓa, gwɛa yee ə ɓo a yee tɔɔɉu hveelɛ. Nwəli laɠaa di kɛ mą, gbonoɠaa di ɓo laa, di ɓo a wulu. Ɉulɔnui tii yɛ mą́ą́: «Ɉaláá konwolon Yai-Laa lííla, ya ka tii.»

Izikiɛ 6:13

Ká gili kɔ́lɔn nąąlɔwai kaa kɛ Yai-Laa ɓaa a ɲą́ą́; di wɔ nu pɔwaɠaai da pa kɛi pilinin di wɔ haliɠaai lɔwai, di kɔ́iɠaa kwɛlɛ, yee kpu kpu kəlee nwuɔ̨, yee tɔɔ kəlee nwuɔ̨, wulu laa huwiaa kəlee mu; gɛɛnąąɠaai kpɔlɔ ti di kɛli halaa kulɔ laa di wɔ haliɠaai diɛ.