Izikiɛ 23:26 - Yálá laawoo hɛɓɛ (dc)

²⁶ Di kaa pai ə́ mąą həɠəɠaa kulɔi yɛ́, diɛ ə́ mąą yilihɛnŋąą həɠə.

Yálá laawoo hɛɓɛ

²⁶ Di kaa pai ə́ mąą həɠəɠaa kulɔi yɛ́, diɛ ə́ mąą yilihɛnŋąą həɠə.

Bible

²⁶ Da pâi íseɣe-ŋai kulâi yâ dí íkɔyɛ̂ŋ lɛ́lɛɛ-ŋai kélee sóŋ íyêei.

Izikiɛ 23:26 Referans Kwoze

Izikiɛ 16:39

Gáá pai ə́ tooi di yee ɲą, di ə́ wɔ haláá kulɔiɠaai ɓuwɔ, diɛi ə wɔ hali kɔ́iɠaai wolo, diɛ ə́ mąą həɠəɠaa kulɔ yɛ́; diɛ ə́ mąąyili hɛnŋą́ą́ həɠə, diɛ ə́ lɛɛ a ə́ kpuwulu, həɠə hva kɛ yɛ́.

Ɉeremi 13:22

Akɛti, ya ə́ kpɔɔ mąąni kɛ, yɛ kɛ diɛ: «Mɛ̨niɠaa ŋɛ̨i kaa laai mą́ą́ lə mɛ̨nį ɓa?» Ə́ wɔ lii ɲɔ̨n gwəi laa ɓə gɛi, diɛ həɠə tee la yɛ́, di yee tɔɔ ə́ kwąną.

Izikiɛ 23:29

Di kaa pai ə́ hon ɉii a yowolaa, diɛ ə́ tɔ̨nɔ̨ kəlee kulɔ ə́ yəi; diɛ ə́ lɛɛ a ə́ kpuwulu, həɠə hva kɛ yɛ́, ə́ wɔ tuwɔ pələ ɲɔ̨nŋąi diɛ kulɔ pɔ̨nɔ̨ ɲą, yili yɛ kɛ a ə́ nwumɛ̨ mɛ̨nį.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»

Izikiɛ 16:37

Yili mąą mɛ̨nį ɓa, gáá ə́ wɔ wɛliɠaai kəlee ɲąąkpɔn ɉii; diɛi ə́ wɛli ə too diɛ, yiiɠaai di wɛli ə kɛ yɛ́, da yiiɠaai di wɛli hvo kɛ yɛ́; gáá pai di ɲąąkpɔn ɉii, diɛ həɠə kɛɛnąą kəlee, diɛ pa ə́ pɔ, ŋą́ ə́ kpuwulu ɓo di ɲɛ̨i ɓa, di kaa pai ə́ kpuwulu kəlee kaai.

Izikiɛ 16:16

Ə́ ə́ mąą həɠəɠaa həɠə, yɛ́ ɉalə kɔ́iɠaa mąą yili la, yɛ́ túwɔ pələ ɲɔ̨nŋąą kulɔ ɉu, ɉuwu ta hvo ta kɛ li, ɛlɛɛ da hvo pai kɛi.

Tɔɔɓɛlaa veelɛ 24:13

Ə li a Yai-Laa yəi bɛlɛ́n ɉɛnŋąą kəlee da tɔɔmun ɲəi bɛlɛ́n ɉɛngu kəlee. Ɉaláá kulɔ hɛnɠaa kpɔ Israɛlə tɔɔmun Salomɔn ə di pɛli, ə gəlee kala. Mɛ̨nį Yai-Laa ə mo, nąą ə hvɛɛla.

Azaya 39:6

Lɔwai taɠaa kaa pai həlii, ɉɛnŋąąi kpɔ ə yəi bɛlɛ́n, yai kpɔ ə́ nąnni di diɛ̨ gee mɛ̨i, ə həɠə kpɔ di wɔ lɔwai ɓa ə lɛɛ ɉu háákəlee, di kaa pai lii a gəlee Babilonə lɔi hu, hɛn lɔpee ta hvo pai lɛɛi; Yai-Laa woo li.