Izikiɛ 23:16 - Yálá laawoo hɛɓɛ (dc)

¹⁶ Ə di kaa lɔ di wɛli ə too mą, ə nuąą tɔɔ di pɔɔli Kalde lɔi hu.

Yálá laawoo hɛɓɛ

¹⁶ Ə di kaa lɔ di wɛli ə too mą, ə nuąą tɔɔ di pɔɔli Kalde lɔi hu.

Bible

¹⁶ Tãi è díkàa lai, ǹíi è kùla dímɛni ma. Nya ƃe è worɛ̂ɛ tɛ̀ɛ dí pɔ́ naa Babelɔŋ.

Izikiɛ 23:16 Referans Kwoze

Izikiɛ 16:29

Ə́i wɔ túwɔ pələ ɲɔ̨n hu wiɛ yɔwɠaa pɔ taai Kalde lɔi hu, yili hvo kpɛli ə́ pilɛ.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Izikiɛ 16:17

Ə́ mąą yili hɛnŋąą lɛlɛɛi ŋį́ dɛɛ ə́ pɔ a hɛni da wali, ə́ di həɠə yɛ́ di kɛ a hinąą hɛn mąąnįnįn, yɛ́ túwɔ pələ ɲɔ̨n gulɔ la.

Hanwon 23:33

Ə́ ɲɛ̨i a hɛnŋąą tamąą kaa a gɔwɔɓɛɛ, yɛ́ hvaa poto-poto.

Hanwon 6:25

Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.

Mąątɛ̨nɛ̨ 119:37

Ɲɛ̨́i həɠə ɲą́ą́koloon mɛ̨nįɠaa pulu! 'Pənə ə́ dóó nwų́nų kɔ́lɔi, əgɛ, ŋį́ ə́ liiɓa kɛ.

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Tɔɔɓɛlaa veelɛ 24:1

Nąąlɔwai tii hu, Babilonə tɔɔmun Nabukodonosorə ə Ɉuda lɔi hon a kɔ́. Yoyakimə ə lɛɛ ɲee mu, kwɛlan ɉaaɓa yee mu. Gwɛlan ɉaaɓa kpɛɛi lɔwai, Yoyakimə ə pənə ə Babilonə tɔɔmun yee mɛ̨i yali.

Samia Veerɛi 11:2

Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Zɛnɛse 39:7

Yələ ta, Ɉosɛfə nwɔ mɛ̨nį nąmu nɛ̨ą ɲɛ̨i ə kulɔ bɔ, yɛ mą: «'Pa gu láá.»

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Azaya 57:9

Ə́ kɛi li a gilɛ tɔɔmun bɔ pələ, wulɔ lɔɔ yɛ́, yɛ́ ə́ wɔ mąąti wulɔ kunnɛ̨ɛ̨ɠaa lɔ yɛ́ pɔlɔɔ pɔlɔɔ, yɛ́ nuą tɔɔ kpɔ kwɛala, bələ ɓə ə́ ə́ kpɔwɔ mąą yɛɛ la, kpɔ yɛ́ həli la ɲąmuą taa pələ.

Izikiɛ 23:15

Hąąyili kɔ́lɔ tɔɔ di hąą, həɠə ɓɛla kpinįŋąą di nwun ma. Gəlee di kɛ yɛ tɔɔɓɛlaa lonnii; di kɛ yɛ Babilonə nuąi kɛ Kalde lɔi hu; yai a di kaa lɔi.

Izikiɛ 23:20

Da nwɔ wɛliɠaa da too di kee ɓa, da ɲąąnɛ̨ɛ̨i kaa; kɛlaa di woo laa kulɔi a kɛ yɛ wɛlɛhooɠaa da kɛi tɛ, awala kɛti hooɠaa da kɛi tɛ.