Izikiɛ 22:13 - Yálá laawoo hɛɓɛ (dc)

¹³ «Gáá ɲéé lɔwai gee ɓa ə́ wɔ toomɛ̨i kɛ mɛ̨nį, da ə́ wɔ ɲąmą pu mɛ̨nį ə́ pɔɔli, di mąą mɛ̨nį ɓa.

Yálá laawoo hɛɓɛ

¹³ «Gáá ɲéé lɔwai gee ɓa ə́ wɔ toomɛ̨i kɛ mɛ̨nį, da ə́ wɔ ɲąmą pu mɛ̨nį ə́ pɔɔli, di mąą mɛ̨nį ɓa.

Bible

¹³ “ ‘Ŋa pâi ńyee tôoi kâa ka-woya sãai da ká núu paa mɛni-ŋai mɛ̂ni ma.

Izikiɛ 22:13 Referans Kwoze

Izikiɛ 21:17

'Tómą, gboo təli, hulɔnu lon! Mąąhɔlɔɓo, gɔ́ kɔ́ ɓɔwa aa yamąn nwɔ́ nuąi lɔwai aa yamąn Israɛlə lɔi ɲąąwooɓo nuą kəlee mɛ̨i daa di pili gɔ́ kɔ́ ɓɔwa ɲą da nɔi lonnii, 'ə́ yee pɛlɛ ə́ la.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Izikiɛ 21:14

«Hulɔnu lon, kɛ diɛ: Ną́mu woo ka; yɛ: «Kɔ́ kɔ́ ɓɔwa, kɔ́ kɔ́ ɓɔwa ɲąąliɛ, yɛ lən mąną-mąną.

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Amɔsə 3:10

Yai-laa yɛ diɛ: «Samari hee ɓo nuą di hvo mɛ̨nį haŋąą kɛ pələ kɔ́lɔn, yiiɠaai kpɔ da ɉɔlɔɓo toomɛ̨i hu, ya ɓə da nɔ di wɔ tɔɔ pɛlɛ́ɠaai mu.»

Hanwon 28:8

Nui a nwɔ hɛn gɔw ta pɛlɛ mą a hvulu, gaa ɉɛn gɔwi tii tɛi gee mɛ̨i a mąąwɛli nuą mąąkpɔnmąą ɓomun nwɔɔ.

Lonon mo 24:10

Balakə ə níiholi kpɔ Balaamə pɔ, ə ɲee pili gee hu, yɛ mą: «Ŋą́ ə́ təli ɲówoɠaa nɛ̨ŋɛ̨n naa mɛ̨nį ɓa, ya ɓə ə́ lúwɔ́ too diɛ kpɔ gee mɛ̨i haaɓa.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Izikiɛ 21:19

Ə́ wəli tɔɔ, hulɔnu lon, gwə́i mɛ̨nį ɓo, ə́ yee lɔwa gee ɓa. Gɔ kɔ́ ɓɔwa kaa pai kɛlɛɓo kɛi gee mɛ̨i hveelɛ, gee mɛ̨i haaɓa, haa nuą di wɔ ɓɔwa kwɛaa li, haa nuą di wɔ ɓɔwa kwɛaa kɛnɛ̨i, ya ɓə ɓɔ di hu.