Izikiɛ 21:31 - Yálá laawoo hɛɓɛ (dc)

³¹ Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Yálá laawoo hɛɓɛ

³¹ Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Bible

³¹ Ŋa pâi ńii ŋwânai kâa. Ŋa pâi ńii ŋwânai kâa nyii pâi kɛ̂i yɛɛ ŋɔŋ-sôŋ. À kɛ̀ tí, ŋa pâi ká tɛɛ̂i ŋwana-lɔ̂ɔ-ƃela pɔ́ nyii-ŋai dítii ƃa núu su karáa.

Izikiɛ 21:31 Referans Kwoze

Egaa 1:9

Ə kɛ ka kwəi, ka káá pai hɛn gɛnɛ̨ hɔlɔɓoi ka yəi ɲɛa, kɛlaa, diikpə lɔ ɓə ka ɉɔlɔɓo, kaa paa la ka yəi bɛlɛ́n. Yii woloi nwɔ̨nɔ̨ ka paa la, ŋį́ hvaŋą hee ɉu, ɉu ə taɠa taɠa. Lə mɛ̨nį ɓa yili a kɛ tii? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ kaa: Nwɔ́ pɛlɛ́i ŋɛ̨i aa pu, mąą mɛ̨nį ɓə gɛi. Kɛlaa, kaa ka kpɔwɔ pɛlɛ́ɠaa pɛli a nɛlɛɛ.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Izikiɛ 14:19

A wala kɛ ti, ŋą́ ɲɔ̨n bɛlɛ́ nɔi ti ɓa; gɛ́ nííholi bɔ, gɛ́ di paa; nu kanŋaa da huwɔɠaa diɛ kpɛɛ ɉu.

Izikiɛ 7:8

Yiihu, a yiihu kpɔlɔ; ŋą́ liiholii ɓɛla hiɛ li ə́ mɛ̨i. Gáá nwą́ną kulɔi yɛ́, vá kpəla pələi. Ŋą́ ə́ kiti tee, yɛ bələi ə́ túwɔ la, gɛ́ ə́ wɔ ɓowo túwɔɠaaai kəlee gələ kulɔ.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Mąątɛ̨nɛ̨ 18:15

Ə nwɔ mɛ̨ɛ̨kɔwɠaai pili pələ kəlee pɔ, yɛ mąlą-mąlą kulɔ kɛɛnąą kəlee.

Azaya 40:7

Kala tiliin a haa, bowa a yohva, ɓɛlɔwai Yai-Laa nwɔ hvaŋąi a tɛɛ la; bələ kpɔlɔ ɓə nu kanŋaa kɛ pələ kaa la.

Azaya 37:7

Mɛ̨nįi gáá pai bui nwəlii ya ka: «Di kaa pai wɛlɛɛ ta ɓoi mą, gaa pai pənəi ə li nwɔ lɔi hu, gáá pai gɛi di baa laa a ɓɔwa kwɛa, gbɔ-kpɔɔ lɔi hu.»

Mąątɛ̨nɛ̨ 79:6

Nɔiɠaai di hvo ə́ kɔ́lɔn, ə́ wɔ liiɲąnwąnąi yɛɛ di mɛ̨i, ə mą kɛ dɔɔɓɛlaai di hva ə́ mąąwiɛ.

Izikiɛ 7:24

Lɔiɠaai di ɲɔ̨nwɔ̨ɔ̨ di ɓɛlaa diɛ, diɛ ɓə gáá pai a diɛ, diɛ di wɔ pɛlɛ́ɠaai həɠə. Gáá pai yeewalawala nuą di wɔ kpɔwɔ ŋąą kɛnɛ̨ mąąyɛɛi, gɛɛnąąɠai di kɛi di mąąhəɠə laa, da nąą laa pu.

Izikiɛ 25:7

Yili mąą mɛ̨nį ɓa, gáá pai hee ə́ mɛ̨i, gáá pai ə́ tɛɛi lɔiɠaa pɔ, diɛ too ə́ hu, gɛ́ ə́ kulɔ lɔiɠaa lɔwai; gáá pai ə́ hukalai, yɛ bələi da lɔi hukala la, gɛ́ ə́ lɛɛ a kpɛli. Bələ ɓə yá gili kɔ́lɔn na, yɛ́ kɛ, ɲą́ą́ ɓə gáá a Yai-Laa.

Mąątɛ̨nɛ̨ 89:40

Mįnɛ̨i ká ə́ wɔ tímun ka ɉəɠə, yáá lənə mą; yáá nwɔ tɔɔ ɓɔlɔi too lɔi ɓa, yaa mɛlɛkpɛɛ mą.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.