Izikiɛ 21:25 - Yálá laawoo hɛɓɛ (dc)

²⁵ Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Yálá laawoo hɛɓɛ

²⁵ Bələ tɔ̨nɔ̨ laa, gɔ́ kɔ́ ɓɔwa yɛ ɉąŋąn a Raba pələ, Amɔn lonnii di wɔ taai, da Ɉuda lɔi hu pələ, Ɉerusalɛmə taa pɔ pələ, mąą tinɛ̨nŋąąi a mąą kɔ́nwɔ̨ hįi.

Bible

²⁵ “Kaai a Eezuɛ mɛi-ƃela wãna-lɔɔi, ká mɔ̃lɛ-laai gbɛɛ-ŋai ŋɔ tãi a seri.

Izikiɛ 21:25 Referans Kwoze

Izikiɛ 35:5

Yɛ bələi ə́ kɛi yowolaa kulɔ la a Israɛlə a yələ kəlee, yɛ́ nonnii ɲąmą pu a kɔ́ kɔ́ ɓɔwa, ɲələi kɔ́ ə kala la diɛ; a ɲələi di kɛ nɛ̨ŋɛ̨n naa ə hvɛɛ la,

Izikiɛ 21:29

Yili ɓə gɛ Yai-Laa yɛ kɛ diɛ: ka wɔ nąŋąŋąąi kili tooi ka mo ka ɲą, a ɓɛlɔwai ka wɔ kulɔ nwoo mu laa ə too la pɔ̨nɔ̨ ɲą, nuą diɛ ka wɔ nɛ̨ŋɛ̨nŋąą kaa, ka kɛ mɛ̨nįɠaa kəlee hu, ɛlɛɛ nuą ɲɛ̨́i tinɛ̨n ka mo ka pɔ pələ, yili mąą mɛ̨nį ɓa, di kaa pai ka hon ɉii gɔ́ hu lɔ poto poto.

Izikiɛ 17:19

Yili mąą mɛ̨nį ɓa, Yai-Laa woo ka, yɛ: Gáá a Mɛ̨nį kəlee ŋą Hééɓomun; nwooi ə gwɛlɛ, yɛ gaa lɛɛi bulu, yii kpɔ ə nɛɛi, ə ŋą mįnɛ̨ wooi hu kala; Gáá ɉu mɔ̨nɔ̨ heei nwuɔ̨.

Ɉeremi 52:2

Mɛ̨nįi nwɛli kpɛɛ Yai-Laa ɓa, ya ɓə Sedesiasə ə ɲee lɔ ɉu, yɛ gɛ, kpɔlɔɔ yɛ bələi Yoyakimə ə kɛi gɛ la.

Kɔlɔnikɔ Veerɛi 36:13

Yɛ nwɔ̨nɔ̨ gwɛlitee tɔɔmun Nabukodonosorə yəi, ɛlɛɛ yaan, aa kɛ gwɛla Yálá ɲɛ̨i ɓa, yili yəi. Sedesiasə ə nwun ɉuwalawala, ə kili walawala laa kulɔ, hvo kpɛli gɛ, hvo pənə hvo pa, Israɛlə nwɔ Yálá Yai-Laa pɔ.

Izikiɛ 30:3

Mąąhɔlɔɓo ɲələ aa lɛɠɛ; Yai-Laa nwɔ kuui aa lɛɠɛ. Ɲələi ti a kɛ a tulɔ kpinįn ɲələi lɔiɠaa mɛ̨i.

Izikiɛ 7:6

Mɛ̨nįɠaa kpɛɛ yələ kaa pai, gaa pai yoo; a mɛ̨nį kpɛɛ yələi tii. Gaa muhəɠəi ə́ mąą mɛ̨nį ɓa, yɛ pa.

Ɉeremi 51:13

Yɛ́i heeni yákpɛa kpɛaɠaa kwɛlɛ, ə́ yee laa hvɛɛ hɛn gɔw hu, ə́ wɔ yɛnɛ̨ɛ̨ aa kpɛɛ. Yáá ə́ tɔ̨nɔ̨ kəlee hɔlɔɓo.

Ɉeremi 24:8

Yai-Laa yɛ diɛ: «Mɔ́láá ɓá ɲɔ̨nwɔ̨ɔ̨ɠaai tii mį́i hvo diɛ, di kalaa, ɉɛn da gɛ a diɛ, ya ɓə gáá pai gɛi a Ɉuda tɔɔmun Sedesiasə da nwɔ tí nuąi, da Ɉerusalɛmə nuą gbəliɠaai lɛɛ daai, yiiɠaai kpɔ kɛ nɔi ŋɛ̨i hu da yiiɠaai kpɔ Eziptə lɔi hu.

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Mąątɛ̨nɛ̨ 37:13

Kɛlaa, Yai-Laa a kɛ yɛ́lɛ́i mą, mąąhɔlɔɓo, gaa nwɔ kuui kaa yɛ pa.

Izikiɛ 7:2

«Yɛ́, hulɔnu lon, ə́ wəli tɔɔ, mɛ̨nįi Mɛ̨nį kəlee ŋą Hééɓomun Yálá kaa moi yɛ hvilɛn na Israɛlə lɔi ɓa, ya ka: mɛ̨nį kəlee kpɛɛ li; nɔi hu mɛ̨nį kəlee aa həli gbɛlai ɓa.

Izikiɛ 7:3

Ə́ wɔ yɛnɛ̨ɛ̨ aa həli kɛa ɲąąkpɛɛi: Gáá pai níiholii ə́ pɔ, gɛ́ ə́ kiti tee yɛ bələi ə́ tuwo la, gɛ́ ə́ mąąni kɛ yɛ́ ɓowo tuwoɠaai kəlee mąą mɛ̨nį ɓa.

Izikiɛ 21:12

Da kɛ yɛ́: ‹Ə́ kaa ɲiŋɛ́i lə mɛ̨nį ɓa?› 'Kɛ́ diɛ: ‹Wɛlɛɛ ɓə aa pa; nu kəlee hvii kaa pai kpɛɛi; nu kəlee yee hu kaa pai haai; nu kəlee hu kaa pai pui mą, nu kəlee kɔ́wɔ yɛ kpɛlin mu. Ya ka ŋɛ̨i pai! Gaa kɛa kɛi. Yai-Laa, gu wɔ Yálái woo li.›»

Izikiɛ 21:24

«Hulɔnu lon, pələ hveelɛ kulɔ, a Babilonə tɔɔmun ŋą kɔ́ kɔ́ ɓɔwai tɛɛ pələ. Bələ hveelɛi ti di kɛ kulɔi lɔi tɔ́nɔ́ hu. Hɛn da tɔɔ bələ tɛi tɛi nwun na, yɛ taa ta ŋą pələ lɛ.

Mąątɛ̨nɛ̨ 48:13

'Ka hiɛ Siɔn taa mąąkpɛ hįį kpoloonŋaa mɛ̨i, 'kaa mąąkpɛ pɛlɛ́ɠaa lono.

Ɉeremi 49:1

Mɛ̨nįi Yai-Laa kaa moi yɛ hvilɛn na Amɔn lonnii diɛ, ya ka, yɛ diɛ: «Lon və mɔ̨ɔ̨ Israɛlə ɓa? Gwɛlin ɉəɠə nuą di hvo mɔ̨ɔ̨ laa? Lə mɛ̨nį ɓa kan yaai, Milkomə ə Gadə hɔlɔɓo a nwɔɔ, nwɔ nuą diɛ hee nwɔ taaɠaai hu?»

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Izikiɛ 25:5

Gáá pai Raba kɛi a ɲɔɔmɛ̨ɛ̨ laa mįi, gɛ́ Amɔn lonnii di wɔ lɔi kɛ a taatɛlɛɛ kpulu pɛlɛi. Bələ ɓə ka gili kɔ́lɔn na, kaa kɛ ɲą́ą́ ɓə gáá a Yai-Laa.

Amɔsə 1:14

Yili ɓə gaa mą, gáá pai nwɔ̨n dooi Raba daai, nwɔ̨n ə di wɔ tɔɔ pɛlɛ́ɠaai kəlee kələn. A kɛ a kɔ́ yələ, ɓɛlɔwai kɔ́ mɛ̨i wɔlɔ woo a kɛ tɔɔi la, a tulɔ hvaŋą kɛnɛ̨ tɛɛ yələ,