Izikiɛ 21:20 - Yálá laawoo hɛɓɛ (dc)

²⁰ Ŋą́ą́ gɔ́ kɔ́ ɓɔwa ɲąą hee pɛlɛ́ kəlee laaləi yɛ nuą lii kulɔ diɛ yɛ nuąi tooi di kpulu hu kɛnɛ̨. Di bɛli yɛ lən mąną mąną, di ɲąąli nuą paa mɛ̨nį ɓa.

Yálá laawoo hɛɓɛ

²⁰ Ŋą́ą́ gɔ́ kɔ́ ɓɔwa ɲąą hee pɛlɛ́ kəlee laaləi yɛ nuą lii kulɔ diɛ yɛ nuąi tooi di kpulu hu kɛnɛ̨. Di bɛli yɛ lən mąną mąną, di ɲąąli nuą paa mɛ̨nį ɓa.

Bible

²⁰ Ye pere kpɛtɛ a gɛɛ gâloŋ é tɛ́ɛ la gɛ̀ lí a ŋɔƃóa-sɔkpɔ-ŋai Amɔŋ-ŋai dítaa-lêei su Laba. Ye pere kpɛtɛ nyii-ŋai pâi liî Zuda da Zerusâlɛŋ taa-lee maa kónaŋɔɔ-ŋai sui.

Izikiɛ 21:20 Referans Kwoze

Amɔsə 1:14

Yili ɓə gaa mą, gáá pai nwɔ̨n dooi Raba daai, nwɔ̨n ə di wɔ tɔɔ pɛlɛ́ɠaai kəlee kələn. A kɛ a kɔ́ yələ, ɓɛlɔwai kɔ́ mɛ̨i wɔlɔ woo a kɛ tɔɔi la, a tulɔ hvaŋą kɛnɛ̨ tɛɛ yələ,

Ɉeremi 49:2

Yili mąą mɛ̨nį ɓa, Yai-Laa yɛ diɛ: «Hvolóɠaa kaa pai həlii, gɛ́ kɔ́ kɔ́ woo tɔɔ Raba Amɔn nuą mɛ̨i, naa a lɛɛ a lɔi pun, diɛ ɲee kɔ́nma taaɠaa kələn, ɛlɛɛ, Israɛlə yɛ pənə yɛ gwɛlin ɉəɠə nuą hɔlɔɓo a nwɔɔ.» Ɲą́ą́ Yai-Laa nwóó li!

Izikiɛ 25:5

Gáá pai Raba kɛi a ɲɔɔmɛ̨ɛ̨ laa mįi, gɛ́ Amɔn lonnii di wɔ lɔi kɛ a taatɛlɛɛ kpulu pɛlɛi. Bələ ɓə ka gili kɔ́lɔn na, kaa kɛ ɲą́ą́ ɓə gáá a Yai-Laa.

Dutɛrɔnome 3:11

Basan tɔɔmun tii kɛ a Ogə, yaa tɔ̨nɔ̨ ɓə kɛ aa lɛɛ a Refaitə nuą kpəli. Nwɔ gbin ə kɛ a kwɛli gbin, gaa Raba Amɔn nuą di wɔ taaleei hu, gwɛa yee ə kɛ a yee laa mą mɛ̨inąą, ɲąą kɛnɛ̨ yee ə ɓo a yee laa mą nąąn; yɛ bələi da hɛnŋąą kɔ́ɔn na a bɔlɔ.

Woolaa 4:12

Lɔi mɛ̨i tɔɔɓɛlaa kəlee, da yɛnɛ̨ɛ̨ ɓɛ nu kəlee, nu ta lɔpee kili hvo kɛ li mą, diɛ kɛ; Ɉerusalɛmə ɲowoɠaa da pɛli kɛ di yee pɛlɛi gbonŋaa ɓa.

Azaya 22:10

Kaa Ɉerusalɛmə pɛlɛ́ɠaa lonon, kaa pɛlɛ́ɠaa pu, kaa daa mąąkpɛ hįį huwiɛ a bɔlɔ kɔ́w.

Kɔlɔnikɔ Veerɛi 33:14

Mɛ̨nįɠaa tii tɛɛ pulu, Manase ə daa mąą kpɛ tɔɔ Davidə taa pulu, Gihɔn voló tooi pələ moloon na, yɛ li la ɉɔ̨nwɔ̨lee pɛlɛ laaləi pələ yɛ tinɛ̨n na Ofɛlə ɓa. Ə dɔɔ kpɔ a mɛ̨i kwɛa. Ə kɔlaɠa nwun nąmįną hee Ɉuda lɔi gɔ́ taaɠaa hu.

Kɔlɔnikɔ Veerɛi 32:5

Ezekiasə ə tɔɔ kpɔ a nwąnąi, ɉį́i mɛ̨i tii kɛ buɔ, ə nąą tɔɔ, ə gɔ́ pɛlɛ́ɠaa tɔɔ, ə da tɔɔ ɉį́i pulu pənə. Ə Milo pɛli Davidə taa. Ə kpala tamąą pɛli da hə́mə́ tamąą.

Kɔlɔnikɔ Veerɛi 26:9

Oziasə ə Ɉerusalɛmə taa mąąkpɛ pɛlɛ́ɠaa tɔɔ ɉįi mɛ̨i, ɉįi kpoloon kee kaai gbon gɛɛ nąą, ə da kɛ ɲa-ɓoloon bɔ gbon gɛɛ nąą, ə da kɛ Redan mɛ̨i, ə di huwalawala.

Samia Veerɛi 12:26

Ɉoabə ə kɔ́ pɛlɛ Raba taa ɓa, yai kɛ a Amɔn lonnii di wɔ tɔɔ taa, ə ɉon a kɔ́.

Samia Veerɛi 5:9

Davidə ə hee gulaa kwəlii, ə nąą laa hee a «Davidə taa.» Yili pulu, Davidə ə pɛlɛ́ɠaa tɔɔ kpɔ nąą kwɛlɛ kəlee, ə həɠə gɛɛnąą laa hvɛɛ ɓa, yɛ li la daa kwəi pələ.