Izikiɛ 20:4 - Yálá laawoo hɛɓɛ (dc)

⁴ Kɛlɛi yɛ́ ɓə mąąnɛ̨ɛ̨ ə́ di kiti tee. A tɛ̨ą hulɔnu lon, di kiti tee. Di nąnni di wɔ kilikpɛɛgwəi mɛ̨nįɠaai hukulɔ diɛ.

Yálá laawoo hɛɓɛ

⁴ Kɛlɛi yɛ́ ɓə mąąnɛ̨ɛ̨ ə́ di kiti tee. A tɛ̨ą hulɔnu lon, di kiti tee. Di nąnni di wɔ kilikpɛɛgwəi mɛ̨nįɠaai hukulɔ diɛ.

Bible

⁴ “Núu-kpune ǹóŋ, ya pâi dí mɛnii ŋá-teei? A kɛ̀ ya pâi gɛi tí, gɛ ni ye dínâŋ-ni dí mɛni nyɔmɔɔ̂i lɛ́ dîa.

Izikiɛ 20:4 Referans Kwoze

Izikiɛ 22:2

Hulɔnu lon, ə́ wəli tɔɔ, akɛti, mąą hvo nɛ̨ɛ̨li mɔ̨ɔ̨ kɛ ə́ ɲąmą taai ŋɛ̨i kiti tee, mąąnɛ̨ɛ̨ kpɔ ə́ giti tee; ə́ nwɔ ɓowo mɛ̨nįɠaai kəlee lɛ mą.

Izikiɛ 23:36

Yai-Laa ə hvaa bɔ́, yɛ mą́ą́: hulɔnu lon, ə́ kaa bɔ ə́ Oholiba da Ohola di kiti tee? Di wɔ tuwɔ pələ ɲɔ̨n hu kulɔ kan diɛ.

Korɛntə dɔlɔɔ 6:2

Ka hvo gbaɠala kɔ́lɔn kaa diɛ, Yálá nwɔ nuąi ɓə pai yɛnɛ̨ɛ̨ nuą kiti teei? Akɛ, káá ɓə pai yɛnɛ̨ɛ̨ kiti teei, lə mɛ̨nį ɓa ka hva pɛli mɛ̨nį hvįikpɛɛ kiti teei ka lɔwai?

Izikiɛ 23:45

Kɛlaa, tələnmo nuą kaa pai di kiti teei yɛ bələi da wɛlikɛ nɛ̨ąą kiti tee la, da nɛ̨ąąi da ɲąmą pu; mąąhɔlɔɓo ɲąmą pɔɔ kaa di yee ɓa.

Izikiɛ 14:20

Ə mą kɛ, Noe, Daniɛlə, da Ɉobə di kaa nɔi ti hu; a tɛ̨ą, Yai-Laa woo li; di hva pɛli hulɔnon maloi, ə mą kɛ, nɛ̨ɛ̨nnon mə. Ə kulɔ lɔ nu haaɓai ti ɓə da ɓalo di wɔ tələnmolaa haa lai.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Ɉeremi 11:14

Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.

Ɉeremi 7:16

Yɛ́ Ɉeremi! Ə́ wɛi, və́ kɛ li ə́ nuą ŋɛ̨i mąą nɛɛmąą hvə mą́ą́! Və́ kɛ li ə́ di wɔ woola kɛ mą́ą́, hvo kɛ ə́ kaa wɔlɔi mą́ą́ di mąą mɛ̨nį ɓa. Mąąhɔlɔɓo, və́ pai nwəli tɔɔi ə́ wɔ nɛɛmąą hvə woo ɓa.

Azaya 5:3

Ə həli kɛa kaa, kaai Ɉerusalɛmə daai, da Ɉuda nuą, ka kwa nwɔ́ viɲə yɛai ku lɔwai mɛ̨nįi ŋɛ̨i hutɔɔ.