Izikiɛ 20:34 - Yálá laawoo hɛɓɛ (dc)

³⁴ Gɛ́ ka kulɔ a váŋa kɛnɛ̨, a níí holiɛ nuą lɔwai, ɓɛɠaai tii ŋą́ ka taɠa taɠa laai; gɛ́ ka ɲąąkpɔn a nįnɛ̨.

Yálá laawoo hɛɓɛ

³⁴ Gɛ́ ka kulɔ a váŋa kɛnɛ̨, a níí holiɛ nuą lɔwai, ɓɛɠaai tii ŋą́ ka taɠa taɠa laai; gɛ́ ka ɲąąkpɔn a nįnɛ̨.

Bible

³⁴ Ŋa pâi ka kulâi ǹûai sama, ŋa kákula ǹɔii ŋai su ƃɛɛi ŋa ká taa-taa naai a lii-wãna su kɛtɛ ŋanaa.

Izikiɛ 20:34 Referans Kwoze

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 34:16

Daatɛlɛɛ yii aa pili, gáá pai gwɛlii; yii aa kulɔ mɛlaa pɔ, gáá pai gɛi ə pənə ə pa. Yii gɔwɔ tɔ̨nɔ̨ yaliɛ, gáá pai taɠá tɛi mą; yii ɲɔ̨n gɛi, gɛ́ vaŋa lɔ. Kɛlaa, daatɛlɛɛ yii a nwulaa, daatɛlɛɛ yii ɉuwala walaa, gáá pai ɲɛ̨́i kɛi ma a nɛlɛɛ, gáá pai nwɔ́ taatɛlɛɛ kpului ɲąąkɔn ɉii tələnmolaa hu.»

Ɉeremi 44:6

Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Woolaa 2:4

Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Mąątɛ̨nɛ̨ 107:3

yɛ di kulɔ lɔi kəlee hu, yɛ di ɲąąkpɔn, diɛ həɠə hvoló həɠəi pələ da dooi pələ, diɛ həɠə ɲá nwuɔ̨ pələ da ɉɛɠɛɛ pələ.

Azaya 31:3

Eziptə mun gaa lɔ a nu, yálá hvə li, nwɔ hooɠaai di kaa lɔ a huwɔ, malakaɠaa hvə li. Ɓɛlɔwai Yai-Laa kaa pai ɲee haŋąi la, mąąkɔ̨nwɔ̨ kɛ mun gaa pai kalin ɉii, nui di mąąkɔ̨nwɔ̨i yɛ too; di kəlee di nwun na a pili a gee.

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Izikiɛ 6:14

Gáá pai ɲee pɛlɛi diɛ; ɛlɛɛ, ɓɛi lɔpee di kaa pai kɛi laa nɔi ɲɛ̨i hu, ŋą nąą kɛ a lɔi pun mąąwɛlia; ə həɠə gbali hu kələnŋąą ɓa, ə həli la Divla. Da gili kɔ́lɔn nąąlɔwai diɛ Yai-Laa ɓaa a Ɲą́ą́.»

Ɉeremi 31:8

Gáá pai di kulɔi ɲánwuɔ̨ pələ lɔiɠaa hu, gɛ́ pənə gɛ́ pa a diɛ; gɛ́ di kulɔ lɔi kpon ɉeei, gɛ́ di ɲąąkpɔn. Ɲɛ̨ipu nuąi di lɔwai, gɔwɔ nwąną nuą, goonɛ̨ąɠaa, da gɔ̨nwɔ̨leeɠaa kəlee da pa. Nu kpulu kɛnɛ̨ ka tii pai ɓɛ.

Ɉeremi 32:37

Gáá pai di ɲąą kpɔn ɉii, gɛ di kulɔ nɔiɠaai kpɔ ŋą di taɠa taɠa ɉu, níí holi pələ ɓa, níí kələn bələ ɓa gwə́i da nwą́ną lɔ pələ ɓa, ŋą́ pənə ŋą́ pa a diɛ gɛɛnąąi ŋɛ̨i ɓa, gɛ́ di hee laa liilaa hu.

Izikiɛ 11:17

'Mo diɛ, yɛ́ diɛ: Mɛ̨nį kəlee ŋą Hééɓomun Yálá woo ka: ‹Gáá pai ka kulɔi nɔiɠaa hu, gɛɛnąąɠaai tii di ka taɠa-taɠa laa, ŋą́ ka həɠə laa ŋą́ pa a kaa kɛɛnąą tɔ̨nɔ̨ ɓa; yili pulu ŋą́ Israɛlə lɔi tɛɛ ka pɔ.