Bib sou entènèt

Izikiɛ 20:26 - Yálá laawoo hɛɓɛ (dc)

²⁶ Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Gade chapit la Kopi

Yálá laawoo hɛɓɛ

²⁶ Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Gade chapit la Kopi

Bible

²⁶ Ŋá ǹɛɛ naa dí díkpîŋ maa-tĩ̂a kara a dísâla kulaai. Ŋá ǹɛɛ naa a gɛɛ dí dínîa-pɛlɛɛi duɛ-tuɛi kula a sala. Ŋá gɛ ti a gɛɛ ŋá yao ŋánaa pú díkɔlɔi a gɛɛ dí gɔ́lɔŋ ńyãa ƃa Yâwɛɛ.

Gade chapit la Kopi

tounen moute ⬆

Izikiɛ 20:26
22 Referans Kwoze

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Levetekɔ 18:21

«Hvó ə́ lon da tɛɛ, diɛ Molɛkə hali kɔ́ la, hvo ə́ wɔ Yálái laa pu a dúwɔ́ pələ yili, Ɲą́ą́ ɓə gáá a Yai-Laa.

Izikiɛ 20:31

Ka kɛi li kɛ a ka wɔ haláá hɛnŋaai, kaa ka lonnii pili nwɔ̨n ɉu, ka kɛi ka mąąliɓi ɉaliɠaai tii pɔ, aa lɛɛ ɉu, aa həli la háákələi ɓa. A kɛ ti, gáá pai gbɔ́wɔ́ lɛɛi laa káá mą́ą́nin kɛ, kaai a Israɛlə nuąi? Yii kpɔ gáá a vúlú, vá tí ka hvo mą́ą́nin kɛ, Mɛ̨nį kəlee ŋą Hééɓomun Yálá woo li.»

Azaya 63:17

Yai-Laa, lə ɓə kɛ yaai, ya ku lɛɛ laa, kuɔ lia li ku nwun mą? Kuɔ ku mąą kwɛa ə́ wɔ pələɠaai diɛ? Ɛlɛɛ yɛ́ ku kili wala wala, hva mą kɛa ɲɔw yɛ́? Ə́ wɔ tínuąi mąą mɛ̨nį ɓa, 'pənə ə́ pa, nu kanŋaai a ə́ pɔɔ, 'pa di mąą mɛ̨nį ɓa.

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Lukə 2:23

Mąąhɔlɔɓo, bɛɛi dɔ́n ɉɛɓɛ́ hu Ną́mu yəi, yɛ diɛ: «Lon ɉulɔnu tɔlɔɔ yii lɔpee a hɔlɔɓo gaa a Yálá nwɔɔ.»

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Ɉeremi 19:9

Ŋą́ di lon ɉinąą da di lon nɛ̨ąą huwɔ lɔ di la, diɛ di kee mįi. Di yowoɠaa ŋɛ̨i di hvilɛn ŋąą di wɔ yɛnɛ̨ɛ̨ pulu, mąąwɛli mɛ̨nįi da liikələn gwəi, di kaa pai naai Ɉuda da Ɉerusalɛmə taa diɛ, a hee di hu.

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.

Kɔlɔnikɔ Veerɛi 28:3

Yaa kpįnįi yɛ lansan haláá kulɔ Bɛn-Hinɔmə ɓoloon ɉu, yɛ nonnii kələn, vilɛn ŋąą la tii, gɛɛ kalaa túwɔ́i tii pulu, a yaai nu huwu ŋɛ̨i Yai-Laa ə nɔi kulɔ di yəi, yɛ dɛɛ Israɛlə pɔ, di kɛi gɛ.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Lɛɛ gbɔwɔ ɓa 13:12

Ka lon ɉinąą dɔlɔɔɠaa kəlee tɛɛ Yai-Laa pɔ, ə mą kɛ a ka yəi taatɛlɛɛ lon dɔlɔɔɠaai a ɉilɛ, nwɔɔ li.

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Ɉeremi 7:31

Daa hvaaiɠaa kulɔ Bɛn-Hinɔmə ɓoloon ɉu Tofɛtə, naa ɓə da kɛ di lon ɉinąą da di lon nɛ̨ą kələn ɉii laa. Ya pa, ɲą́ą́ hvəi di tɔɔ a yili, yili gili hvo ta too li gwə́i.

Ɉeremi 19:4

Yii daa lənə mą́ą́, diɛ gɛɛnąą ŋɛ̨i laa pu, a halááɠaa kulɔi di kaa moi haliɠaa diɛ, yá pa yaan, ɉaliɠaa tii ta hvo ta di ta mąą mɛ̨nį ɲɛ̨i kulɔ li, ə kɛ a di nąnni, ə kɛ a diɛ kpinįi, ə kɛ a Ɉuda tɔɔɓɛlaa; daa gɛɛnąą ŋɛ̨i laahvɛɛ a lɛapɛlɛɛi di hvo ta mɛ̨nį ɲɔ̨n gɛ li di ɲąmą.

Izikiɛ 20:12

Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Izikiɛ 20:30

Yili mąą mɛ̨nį ɓa, 'mo Israɛlə nwɔ pɛlɛ́i mu nuą diɛ, yɛ́ diɛ: Mɛ̨nį kəlee ŋą Hééɓomun Yálá woo ka, yɛ; A kɛ ti, kaa ka mąąliɓi a hvilɛn ka mo ká nąnni hiɛ pələ pulu, kaa túwɔ pələ ɲɔ̨n gulɔ a di wɔ kilikpɛɛgwəi mɛ̨nįɠaai tii?

Izikiɛ 23:37

Mąąhɔlɔɓo daa di hilɛ hvulu, daa wəli hon, ɛlɛɛ, ɲąmą pɔɔ kaa di yee ɓa; di too wəli mɛ̨nį hu da di wɔ haliɠaai, di hvo nɛɛ li a yili; lonŋąąi kwa diɛni ku gaai, di di tɛɛ ɉaliɠaai ti pɔ, yiliɠaai diɛ di mįi.

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Swiv nou:

Lyen patwone

Piblisite

Piblisite