Izikiɛ 20:19 - Yálá laawoo hɛɓɛ (dc)

¹⁹ Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.

Yálá laawoo hɛɓɛ

¹⁹ Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.

Bible

¹⁹ Ńyãa ƃa Yâwɛɛ nyii gáa a Káɣâlai. Ka ŋátɔ̂ŋ ŋai mɛ káa. Ká sia a díwoo.

Izikiɛ 20:19 Referans Kwoze

Izikiɛ 36:27

Gáá pai gbɔ́ kpɔɔ Kilii lɔi ka hu, gáá pai gɛi, kaa hiɛ a nwɔ́ tɔ́n nwooɠaai; kaa ka yee kɛ nwɔ́ lɔi hu yíi ɓo pələ ɓa, kaa túwɔ la tii.

Dutɛrɔnome 5:32

Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Izikiɛ 11:20

Əgɛ, diɛ pɛli hiɛi a nwɔ́ tɔ́n nwooɠaai; diɛ di yee kanąn nwɔ́ lɔi hu yíi ɓo pələ ɓa, ɛlɛɛ, diɛ bɔ mɛ̨nį kɛ. Di kaa pai kɛi a ŋą́ nu huwu, ɲą́ą́n, ŋį́ ɓo a di wɔ Yálá.

Mąątɛ̨nɛ̨ 105:45

Əgɛ, di di yee kanąn lɔ nwɔ tɔ́n nwooɠaai diɛ, diɛ nwɔ tíɓoɠaai kɛ. 'Kánikookwəi!

Dutɛrɔnome 12:1

Dɔnŋąą da nɔi hu yíi ɓo pələi mąąnɛ̨ɛ̨ ka gɛ, nɔi ŋɛ̨i Yai-Laa ka nąnni di wɔ Yálá aa dɛɛ ka pɔ, kaa li heei ɉu, ka mɛ̨nįɠaa ŋɛ̨i kɛ ka yíi hvóló kəlee hu, nɔi ti mɛ̨i.

Dutɛrɔnome 11:1

Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Dutɛrɔnome 8:1

Díɓoɠaa kpɔ ŋą ka tí a gɛɛ háákələi, ka tɔɔ a ka nwąnąi ka ɉon, əgɛ, ka lɛɛ yɛnɛ̨ɛ̨, ka huwu ə ɓɛlɛ, ka tamą; nɔi Yai-Laa ə gwɛla, ə naakwɛlanmo ka nąnni diɛ, ka lɔ nɔi tii hu, ka hee laa.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Lɛɛ gbɔwɔ ɓa 6:7

Ŋą́ ka kɛ a nwɔ́ nu huwu, ŋį́ kɛ a ka wɔ Yálá. Ka gɔlɔn kaa: Ɲą́ą́ gáá a Yai-Laa, gáá a ka wɔ Yálá, yai ka kulɔ pɔlɔtɛ laa hu Eziptə.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Levetekɔ 18:4

Ka nwɔ́ tɔ́n nwooɠaa hon, ka lɛɛ nwɔ́ tíɓoɠaa pulu; ɲą́ą́ ɓə gáá a Yai-Laa ka wɔ Yálá.

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.