Bib sou entènèt

Izikiɛ 20:12 - Yálá laawoo hɛɓɛ (dc)

¹² Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Gade chapit la Kopi

Yálá laawoo hɛɓɛ

¹² Ŋą́ nwɔ́ hvįįtɔɔ yələɠaai lɛ diɛ, da kwa diɛni ku lɔwai mɛ̨nį kili too la di ŋą. Diɛ gbaɠala kaa, diɛ kɛ ɲą́ą́ Yai-Laa, ɲą́ą́ ɓə ŋą́ di mąąhəɠə.

Gade chapit la Kopi

Bible

¹² Ǹaa pôlu ma, ŋá ŋáfii-tɔɔ ɣelei tɛɛ dí pɔ a ŋ̀ɛi-kɛ maa é kɛ ku loai a gɛɛ dí gɔ́lɔŋ a gɛɛ ńyãa ƃa Yâwɛɛ nyii dí maa waai.

Gade chapit la Kopi

tounen moute ⬆

Izikiɛ 20:12
28 Referans Kwoze

Izikiɛ 20:20

'Ka nwɔ́ hvįįtɔɔ hvólóɠaai kaa a hvoló mąąhəɠɛɛɠaa. Gwa kaani gu lɔwai mɛ̨nį kili too mɛ̨nį ɓə ka ŋą. Kaa pɛli gbaɠala kaai, kaa kɛ, ɲą́ą́ ɓə a Yai-Laa ka wɔ Yálá.

Izikiɛ 37:28

Bələ ɓə hįį lɔi takpɛliɠaa da gili kɔ́lɔn na, diɛ kɛ ɲą́ą́ ɓə gáá a Yai-Laa, yai a Israɛlə kɛ a hɛn mąąhəɠɛɛ; a ɲələi gáá pai nwɔ́ pɛlɛ́ mąąhəɠɛɛi tɔɔi la di lɔwai, yɛ lɛɛ laa a yələ kəlee.»

Tɛsalonikə dɔlɔɔ 5:23

Liilaa Yálá yaa kpinįi, ə ká mąąhəɠə kpɔ tɛ̨ɛ̨tɛ̨ɛ̨, ɛlɛɛ, ká kili, ká nįį, ká kɔlɔ, ə lɛɛ kpɔ a nɛlɛɛ, mąąkulɔi hvo kɛ mą, ə lɛɛ ɉu gu Nąmu Jesus Kristə pa yələ ə ɉəli mą.

Levetekɔ 21:23

Kɛlaa, mąą hvo nɛ̨ɛ̨li di hvo həli ɉəɠə ɓɛla ɓa, di hvo həli ɉaláá kulɔ kəhi ɓa; mąąhɔlɔɓo, gbɛɠii gaa mą, hvo gɛɛnąą mąąhəɠɛɛ mąąliɓi, da mu hɛnŋąą, mąąhɔlɔɓo, ɲą́ą́ Yai-Laa, ɲą́ą́ ɓə nwɔ́ nuąi tɔɔ nwɔ́ kólói ɓa.»

Nehemi 9:14

Ə́i wɔ hvįįtɔɔ yələ mąąhəɠɛɛ lɛ diɛ, ə́ di hiɛ pələ lɛ diɛ da yɛnɛ̨ɛ̨ kɛ pələ, da ə́ wɔ tɔ́n. Ə́ wɔ kɛla Moisə pɔ pələ.

Levetekɔ 25:4

Gwɛlan mɛ̨ihveelɛnąą, a kɛ a nɔi nwɔ hvįįtɔɔ kwɛlan Yai-Laa nwɔ hvįįtɔɔ kwɛlan ni; ka hva tíi kɛ la, ka hva viɲəɠaa mąą kulɔ.

Levetekɔ 23:39

«Ɲąnin mɛ̨ihveelɛnąą nwɔ hvóló pow kɔ́w lɔɔli yələ, ka kpɛɛ kɛa a ka pɔ yɛa hihɛnŋąą kəlee ɓa kulaa, mąąnɛ̨ɛ̨ ka hiɛ mąąhəɠɛɛ kulɔ a hɛli Yai-Laa ɓa hvóló mɛ̨ihveelɛ yee mu. Voló tɔlɔɔ a kɛ a hvįįtɔɔ hvóló; voló mɛ̨ihaaɓa yələ ə ɓo a hvįįtɔɔ hvóló.

Levetekɔ 23:32

Túwɔ́ yələ li ka yəi a hvįįtɔɔ yələ, ka hin nɔ a mąą yələ; ə həɠə ɲąnin nwɔ hvóló mɛ̨inąąn ɲələ ɓa, ə həli la bulu ɓa yələ laaɓoɔ ɓa, ka hva kóló lɔpee ta kɛ.»

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Levetekɔ 21:15

mąą hvo nɛ̨ɛ̨li hvo huwu takpɛli lɔ ɉuwu hu, mąąhɔlɔɓo, ɲą́ą́ ɓə gáá a Yai-Laa, ɲą́ą́i ɉəɠə ɉu.»

Levetekɔ 21:8

Hvo kɛli nuą di gaa a nu mąąhəɠɛɛ, mąąhɔlɔɓo, ya ɓə gaa a Yálá kɔ̨nɔ̨n naa həli mun. Gaa a nu mąąhəɠɛɛ, mąąhɔlɔɓo, ɲą́ą́ Yai-Laa, ɲą́ą́i ŋą́ ka mąąhəɠə, mą́ą́ həɠɛɛi.

Levetekɔ 20:8

«Ka ka yee kanąn nwɔ tɔ́nŋaai diɛ, ka bɔ túwɔ́ ɓo. Ɲą́ą́ ɓə gáá a Yai-Laa, yai a ka mąąhəɠə.

Lɛɛ gbɔwɔ ɓa 35:2

Hvoló mɛ̨ida yee mu, nuą da di mąą kóló kəlee kɛ, voló mɛ̨ihveelɛ yələ, a kɛ ka yəi a hvóló mąąwiaa, a Sabatə, a Yai-Laa nwɔ hvįįtɔɔ yələ. Nui lɔpee a kóló kɛ a mąą yələi, da baa.

Lɛɛ gbɔwɔ ɓa 16:29

Mąąnɛ̨ɛ̨ ka gɔlɔn kaa Yai-Laa aa túwɔ́ hvoló tɛɛ ka pɔ, ə gɛ ka ka hvįįtɔɔ. Yili ɓə gɛ, voló mɛ̨ida yələ, a hvóló hveelɛ kɔ̨nɔ̨n dɛɛ ka pɔ. Yili ɓa, nu kəlee ə lɛɛ ɉeei, nu ta hvo kulɔ bɔɔli a voló mɛ̨ihveelɛ yələ.»

Zɛnɛse 2:3

Ə lúwɔ́ too voló mɛ̨ihveelɛ yələ ɓa, ə ɉəɠə ɉu a nwɔɔ. Mąąhɔlɔɓo, volói ti ɓə, ə ɲee laa kulɔ la gɛ koló kəlee ɓa.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

Kolosə 2:16

Ə həɠə kɛa yiihu ɓa, nu ta hvo kɛa ɲɛ̨i hvala: kɔ̨nɔ̨n mɛ̨nį ɓa, ə mą kɛ, a kpələ hɛn mɛ̨nį, hɛli mɛ̨nį, ɲąnįn nįnɛ̨ mɛ̨nį, awala kɛ tii, túwɔ́ yələ mɛ̨nį.

Azaya 56:2

Nu a túwɔ tii a ganąn bələ mą́ą́, mąą nu kaa a lúwɔ lon, yai hva vitɔɔ yələ mąą kala, Kɛlaa yɛ mąąhəɠə, ɛlɛɛ, hva ɲee too mɛ̨nį ɲɔ̨n lɔpee da hu.»

Ɉeremi 17:22

Nu ta hvo nwɔ̨nɔ̨ tiɛ̨ həɠə hvo kulɔ la ɲəi pɛlɛ́n a vįitɔɔ yələ, nu ta hvo kóló lɔpee ta kɛ, kɛlaa, ka vįitɔɔ yələi tii kɛ a hvoló mąąhəɠɛɛ, yɛ bələi ŋį́ ka nąnni tí la.

Izikiɛ 20:26

Ŋą́ di mąąliɓi a di wɔ haláá hɛnŋaai, a di lonnii dɔlɔɔ tɔlɔɔɠaai di kɛi gulɔ a ɉaláái; ə gɛ ŋą́ di hutɔɔ, diɛ pɛli gbaɠala kaai diɛ kɛ, ɲą́ą́ ɓə gáá a Yai-Laa.

Izikiɛ 44:24

Kiti mɛ̨nį a kulɔ, diɛ ɓə a giti tee nuą; mąąnɛ̨ɛ̨ di kiti tee, yɛ bələi ŋą́ mąą tɔ́n naa la. Mąą nɛ̨ɛ̨ di nwɔ́ tiɓoɠaa da gwə́i mɛ̨nįɠaa kəlee pɔ mɛ̨nį kɛ nwɔ́ hɛliɠaai kəlee hu; diɛ nwɔ́ hvitɔɔ yələɠaa kaa a hvoló mąąhəɠɛɛɠaa.

Swiv nou:

Lyen patwone

Piblisite

Piblisite