Izikiɛ 2:8 - Yálá laawoo hɛɓɛ (dc)

⁸ «Hulɔnu lon, ə́ wəli tɔɔ, mɛ̨nį gáá moi yɛ́ mą, 'hvó kɛ a nui a nwun gulɔ mɛ̨nį mu, yɛ gulɔ nwoo mu nukan ŋɛ̨i, ə́ laa taɠa, ɉɛn gáá dɛɠɛi ə́ pɔ, 'ə́ mįi.»

Yálá laawoo hɛɓɛ

⁸ «Hulɔnu lon, ə́ wəli tɔɔ, mɛ̨nį gáá moi yɛ́ mą, 'hvó kɛ a nui a nwun gulɔ mɛ̨nį mu, yɛ gulɔ nwoo mu nukan ŋɛ̨i, ə́ laa taɠa, ɉɛn gáá dɛɠɛi ə́ pɔ, 'ə́ mįi.»

Bible

⁸ “Kɛ́lɛ núu-kpune ǹóŋ, íwoli tɔ́ɔ m̀ɛnii ŋa pâi m̀ôi yâi í mɛni. Ífe kɛ̀ yɛ̂ɛ dɔɔ mâ kɛ́-ƃelai tí. Íla táa, í zɛŋ míi ŋá dɛɛ̂i ípɔi.”

Izikiɛ 2:8 Referans Kwoze

M̀ɛni-lɛɛi 10:9

Ŋą́ lɛɠɛ malaka ɓa, ŋą́ mąąnɛ̨ɛ̨ gɛ́ kɛ ə ɉɛɓɛ́ lon tɛɛ bɔ́. Yɛ mą́ą́: «Ɉon, ə́ mįi. Gaa pai kɛi a nwąnąą ə́ kwəi, kɛlaa, gaa pai kɛi a nɛ̨ɛ̨ ə́ la, yɛ kwɛin nwulɔ.»

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Azaya 50:5

Nąmu Yai-Laa, ə nwə́li wolo laa ɓo, ɛlɛɛ ɲą́ą́n və́ gwɛli tee ɲəi, və́ bulu tɔɔ mą.

Piɛrə dɔlɔɔ 5:3

Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.

Izikiɛ 3:10

Yɛ mą́ą́: «Hulɔnu lon, nwooɠaai kpɔ gáá moi yɛ́, ə́ wə́li tɔɔ diɛ, di lɛɛ ə́ kili pɔ.

Lonon mo 20:24

«Aarɔn kaa pai kulɔi ka pɔ, yɛ laŋąn nąnni diɛ. Hva pɛli lɔi nɔi ŋą dɛɛ Israɛlə lonnii pɔ ɉu. Mąąhɔlɔɓo, ka kulɔ nwóó mu Meriba yá nwun gulɔi.

Levetekɔ 10:3

Moisə yɛ Aarɔn ɓa: «Yai-Laa ə mo kpɔ, yɛ: Bələi Mą́ą́həɠɛɛ la, mąąnɛ̨ɛ̨ nwɔ́ kóló kɛ nuą di yili kɔ́lɔn, ɛlɛɛ di mą́ą́wiɛ nɔi nuą kəlee ɲɛ̨i ɓa». Aarɔn ə tɔɔ lɔ tin.

Azaya 8:11

A tɛ̨ą, Yai-Laa ə mɛ̨nįi ŋɛ̨i ɓo mą́ą́, ɓɛlɔwai ə ɲee pɛlɛ la mɛ̨́i, ə gíli ɲą pɔ̨nɔ̨, ə gɛ və́ hvilɛn nu huwui ɲɛ̨i túwɔ pələ pulu; yɛ mą́ą́:

Ɉeremi 13:2

Ŋą́ ɉąą yili kɔ́lɔ ya yɛ bələi Yai-Laa ə mo la mą́ą́. Ŋą́ dɔɔ ɉą́ą́.

Izikiɛ 12:2

«Hulɔnu lon, ə́ kaa kulɔ nwoo mu nuą lɔwai; ɲɛ̨i kɔ́w kaa diɛ, kɛɛ kaa mɛ̨nį ɓa, kɛlaa di hva kɛɛ kaa; wəli kaa diɛ mɛ̨nį mɛ̨n mɛ̨nį ɓa, kɛlaa di hva mɛ̨nį mɛ̨n; mąąhɔlɔɓo kulɔ nwoo mu nu huwu li.

Izikiɛ 33:7

Yɛ́ hulɔnu lon, yɛ́ ɓə ŋą́ ə́ tɔɔ a Israɛlə bələi mąąkpɛɛ mun, wooi a kulɔ ná, ə́ wəli tɔɔ mą; yili pulu ə́ mo diɛ a nwɔ mɛ̨nį ɓoɔ.

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Mąątɛ̨nɛ̨ 105:28

Ə kpinį tɛɛ, nɔi ə lɛɛ kpinį hu, nu hvo hɔlɔɓo hvo naa hɛa too.

Izikiɛ 12:7

Ŋą́ gɛ yɛ bələi di mo la mą́ą́, ŋą́ díɛ̨ kulɔ hvóló ŋą; yɛ nui di kaa líí la luwɔlaa hu, nwɔ tiɛ̨. Ɛlɛɛ, ŋą́ wolo ɓɔ ɉį́i hu a ɲéé yələ wilii pɔ; kpinį pɛlɛɛ kɛa, ŋą́ nwɔ́ tiɛ̨ɠaai kulɔ ŋą́ di laa gálan ŋą, ɲą́ą́ dɔ̨nɔ̨, di ɲɛ̨i ɓa.

Zôna 1:3

Ɉonasə ə pu, ə tɛɛ yɛ li Tarsisə daai pələ, ə gɛ, ə now Yai-Laa ɓa. Ɉonasə ə li Ɉafa daai, ə kələn da kaa laa gɛ pələ pɛliɛ kɛa yɛ li Tarsisə daai pələ. Ɉonasə ə gələn ɉala tɛɛ, ə tɛ diɛ li, ə gɛ ə now Yai-Laa ɓa.