Izikiɛ 2:5 - Yálá laawoo hɛɓɛ (dc)

⁵ Nąąlɔwai di di wəli tɔɔ di hvo di wəli tɔɔ, hvo gaai kulɔ nwoomu nu huwu li, da gili kɔ́lɔn diɛ kɛ Yálá kwəi mɛ̨nį hu kulɔmun gaa di lɔwai.

Yálá laawoo hɛɓɛ

⁵ Nąąlɔwai di di wəli tɔɔ di hvo di wəli tɔɔ, hvo gaai kulɔ nwoomu nu huwu li, da gili kɔ́lɔn diɛ kɛ Yálá kwəi mɛ̨nį hu kulɔmun gaa di lɔwai.

Bible

⁵ A nɛ̃ɛ ma dí díwoli tɔ́ɔ kpaa máŋ dífe díwoli tɔɔ ní, kpɛ́ni fêi díkaa a woli kpɔ̂lɔ-ƃela, da pâi gɔ́lɔnîi a gɛɛ Ɣâla ŋɔlóno kɛ́-nuu a pá dísama.

Izikiɛ 2:5 Referans Kwoze

Izikiɛ 33:33

Ɲələi, mɛ̨nįɠaai ə́ kaa moi, bɔ mɛ̨nį kaa pai kɛi la, ɛlɛɛ yaan di pɔ mɛ̨nį aa gbɛa kɛ; ɲələ ɓə da gili kɔ́lɔn na, diɛ kɛ Yálá kwəi mɛ̨nį hukulɔ mun da ə kɛ di lɔwai.»

Izikiɛ 3:27

Kɛlaa ŋą́ pa mɛ̨nį ɓoi yɛ́, ŋą́ gɛ ə́ laa ə hvaa, yɛ́ kɛ diɛ: Yai-Laa ka wɔ Yálái woo ka, yɛ; nui yɛ ə nwəli tɔɔ, ə nwəli tɔɔ; nui hvo bɔ hvo nwəli tɔɔ, hvo nwəli tɔɔ; mąąhɔlɔɓo kulɔ nwoo mu nuą li.»

Ɉaan 15:22

Ŋą́ wala kɛ pa, Və́ mɛ̨nį ɓo diɛ, nɛ̨ŋɛ̨n vəli kɛ diɛ; kɛlaa yiihu kɛa, woo hukulɔ ta lɔpee hvo di la, di wɔ nɛ̨ŋɛ̨nŋąą mąą mɛ̨nį ɓa.

Gɛlaɠaa 13:46

Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Izikiɛ 2:7

Nwóóɠaa ɓo diɛ, di mɛ̨n, di hvo mąn, kulɔ nwoomu nuą li.

Lomaŋ 3:3

Gwa pɛli kɛi lə? Akɛ nu taɠaa di hvo kulɔ li di woo ɓa da Yálá ni di lɔwai, Yálá nwɛi, a pɛli moɔ nwoo lɛɛi?

Izikiɛ 33:9

Kɛlaa, yá nu ɲɔ̨nwɔ̨ɔ̨ kilaa pɔ̨nɔ̨, ə gɛ ə həɠə nwɔ túwɔ pələ ɲɔ̨n bulu, a wala gɛ hvo həɠə bulu, a haa gɛ nɛ̨ŋɛ̨n mąą mɛ̨nį ɓa, kɛlaa ə́ wɛi, yá ə́ nii nwun mąąɓo.

Izikiɛ 3:19

Kɛlaa, yá nu ɲɔ̨nwɔ̨ɔ̨ kili ɲą pɔ̨nɔ̨, ɛlɛɛ, a wala bulu tɔɔ nwɔ kili ɲɔ̨nwɔ̨ɔ̨i ɓa, da nwɔ tuwɔ pələ ɲɔ̨n, yai ti ɓə pai haai a nwɔ nɛ̨ŋɛ̨n laa pɔɔ, kɛlaa ə́ wɛi, yá kulɔ ɉu nɛ̨ŋɛ̨kpɛlɛɛ.

Ɉeremi 36:21

Tɔɔmun ə Yehudi tɔɔ, yɛ mą: «'Li ə́ pa a ɉɛɓɛ́ yili.» Yili ə li ə ɉɛɓɛ́ həɠə ɉɛɓɛ́ kɛ mun Elisama yəi góló kɛɛnąą. Ə ɉu woo ɓo tɔɔmun ma, da nɔi kóló kɛ nuąi tii kɛ tɔɔ ni tɔɔmun gwɛlɛi.

Ɉeremi 42:19

Kaai ŋɛ̨i a Ɉuda nuą gbəli; Yai-Laa yɛ kaa: 'Ká hvo li Eziptə. Ká ɲɛ̨i ɓa li, ŋą́ą́ mo káá, gɛ gwɛla ɉu háákələi.

Izikiɛ 12:9

«Hulɔnu lon, Israɛlə nwɔ pɛlɛ́i, a gulɔ nwoo mu nu huwui tii; di hvo ə́ mąąnin kɛ?»

Izikiɛ 44:6

'Mó gulɔ nwoomu-nuąi tii diɛ, Israɛlə nwɔ pɛlɛ́i ɓa, yɛ́ mą: «Mɛ̨ni kəlee ŋą Hééɓomun Yálá woo ka, yɛ: Ká wɔ tuwɔ pələ ɲɔ̨n a tɛɛ kɛa ɲɛn ɉu, Israɛlə nwɔ pɛlɛ́i.

Tɔɔɓɛlaa veelɛ 5:8

Ɓɛlɔwai Yálá nwɔ nu Elise ə bələ mɛ̨n na, diɛ kɛ Israɛlə tɔɔmun aa mąą həɠə hu ɓɛla a liiholi, ə wɛlɛɛ tɔɔ tɔɔmun pɔɔli, yɛ mą: «Lə mɛ̨nį ɓa ə́ ə́ mąą həɠə hu ɓɛla? Naaman lɛɛ laa ə pa ə həli mą́ą́, gaa pai gɔlɔn ɉii yɛ Yálá kwəi mɛ̨nį hukulɔ mun gaa Israɛlə lɔi hu.»

Izikiɛ 3:26

Gáá pai ə́ nɛn ganąn ɉii ə́ la; ə́ kɛ a muugbɛ, 'hvó pai kɛa pai di hɔn moi diɛ; mąąhɔlɔɓo kulɔ nwoomu nuą li.

Izikiɛ 17:12

Mɛ̨nį ɓo gulɔ nwoo mu nuąi ɲɛ̨i diɛ, kɛ diɛ: Ká hvo mɔ̨ɔ̨ mu kulaa kɔ́lɔn? 'Mo, Babilonə tɔɔmun ə pa Ɉerusalɛmə; ə dɔɔmun ɉon, da nu kpɛa kpɛaɠaa, ə li a diɛ Babilonə, nwɔ lɔi hu.

Izikiɛ 24:3

«Hanwon da hɔɔ gulɔ nwoo mu nu huwui ŋɛ̨i ɓa, 'kɛ diɛ: Mɛ̨nį kəlee ŋą Hééɓomun Yálá woo ka: «Kwɛli ləɠi pɛli, 'bɛli ə́ ya pu ɉu,