Izikiɛ 2:3 - Yálá laawoo hɛɓɛ (dc)

³ yɛ mą́ą́: «Hulɔnu lon, gáá ə tɔɔi Israɛlə lonnii pɔ, a gulɔ nwoomu nu huwui tii, a nuąi daa tɔɔ ná a kɔ́, diɛ mąn di nąnni mąn, aa lɛɛ ɉu háákələi aa həli.

Yálá laawoo hɛɓɛ

³ yɛ mą́ą́: «Hulɔnu lon, gáá ə tɔɔi Israɛlə lonnii pɔ, a gulɔ nwoomu nu huwui tii, a nuąi daa tɔɔ ná a kɔ́, diɛ mąn di nąnni mąn, aa lɛɛ ɉu háákələi aa həli.

Bible

³ È mò ḿâ ǹyɛɛi, “Núu-kpune ǹóŋ, ŋa ítɛɛ̂i Eezuɛ-ŋai pɔ́ naa. Ǹûai ŋí díkaa a tɔɔ mâ-ƃela nyii-ŋai da tɔɔ ḿâi, nyii-ŋai dínâŋ ni da ŋátɔ̂ŋ kara ǹyaŋ dia máŋ díkaa nɔ́ nîi ŋátɔ̂ŋ-ŋai karâi tãi-ŋai ŋí yée mui.

Izikiɛ 2:3 Referans Kwoze

Ɉeremi 3:25

Ka gu pɛlɛ, mąąhɔlɔɓo, gwaa nwumɛ̨! Ka guɔ ɓɛlɛkpɛɛmąą túwɔ́ aa gu ɲɛ̨i paa! Hvo gaai, kwaa nɛ̨ŋɛ̨n ɉəɠə Yai-Laa kuɔ Yálái ɓa; kuɔ mąn, ku nąnni mąn, ə həɠə ku muhəɠə yələ ɓa, ə həli la háákələi ɓa. Ku hvo ku wəli tɔɔ li Yai-Laa kuɔ Yálái woo ɓa.

Dutɛrɔnome 9:24

Ə həɠə kpɔ ɲələi ŋį́ ka kɔ́lɔn na ma, ə həli la yiihu ɓa, ka kɛi lɔ ka kwɛli tee Yai-Laa ɓa.

Lomaŋ 10:15

Nu ta a pɛli naa həlii ləi, akɛ, di hvo dɔɔ li? Yɛ bələi Yálá lawoo hɛɓɛ́ ə mo la, yɛ diɛ: «Nuąi nwɛlɛɛ lɛlɛɛ laa həli, di kɔ́wɔ lɛlɛɛi di mu.»

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Ɉeremi 44:21

«Ɉalááɠaa ka kɛi gulɔ Ɉuda taaɠaa hu, da Ɉerusalɛmə kwəliɠaa pɔ, kaa, ka kálaɓɔlɔni, ka wɔ tɔɔɓɛlaa, ka ɲɛ̨itɔwɔ nuą, da nɔi nąmįną kəlee, kɛlɛi yili ɓə a giliŋąhiɛ mą, yɛ yali niiɓa-ee?

Ɉeremi 36:2

«Hɛɓɛ́ ta həɠə, mɛ̨nįi kpɔ ŋį́ mo yɛ́, yɛ hvilɛn na Ɉuda da Israɛlə diɛ, ə mą kɛ, lɔiɠaa kəlee; ə həɠə kpɔ ɲələi ŋį́ mɛ̨nį ɓoɔ kpala tɔɔ la yɛ́, Ɉosiasə kɛɛ yɛnɛ̨ɛ̨, ə lɛɛ ɉu, ə həli la háákələi ɓa, gəlee pɛ̨ɛ̨ ɉɛɓɛ́i tii hu.

Ɉeremi 7:2

Tɔɔ Yai-Laa nwɔ pɛlɛ́i laaləi, ə́ nwoo ŋɛ̨i laa həli diɛ a lolo; yɛ diɛ: Ɉuda nuą! Kaai kpɔ ka lɔ bɛlɛ́ laaləi ŋɛ̨i ɓa, kaa kwɛli hvilɛn Yai-Laa ɓa; ka ka wəli tɔɔ!

Ɉeremi 1:7

Kɛlaa, Yai-Laa yɛ mą́ą́: «'Hvó kɛ diɛ: ‹Gáá a lokolo›; mąąhɔlɔɓo, ɓɛi lɔpee ŋį́ ə́ tɔɔlaa, 'lí. Yii lɔpee ŋį́ ə́ tí la, 'mó.

Mąątɛ̨nɛ̨ 106:28

Yili pulu, di hvilɛn Baalə Peɔrə pulu, diɛ ɲąmuą kɔ́ haláá hɛn mįi.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Dutɛrɔnome 9:27

Ə́ kiliŋąhiɛ kani ə́ vilɛn ə́ wɔ tínuąi a: Abrahamə, Isaakə da Ɉakɔbə diɛ. Hvó ə́ kili lɛɛ nu huwui ŋɛ̨i nwɔ wəlii kpɔlɔ ɓa, da di wɔ túwɔ́ pələ ɲɔ̨n, ə mą kɛ di wɔ nɛ̨ŋɛ̨n;

Lonon mo 20:10

Moisə da Aarɔn di nu kpulu ɲąąkpɔn gwɛni kpuwulu lííla, diɛ diɛ: «Ka ka wəli tɔɔ, wɛa nuą, kwa pɛli mɔ̨ɔ̨ ya kulɔi gwɛni kpuwului ŋɛ̨i hu kuɔ dɛɛ ka pɔ?»

Izikiɛ 17:12

Mɛ̨nį ɓo gulɔ nwoo mu nuąi ɲɛ̨i diɛ, kɛ diɛ: Ká hvo mɔ̨ɔ̨ mu kulaa kɔ́lɔn? 'Mo, Babilonə tɔɔmun ə pa Ɉerusalɛmə; ə dɔɔmun ɉon, da nu kpɛa kpɛaɠaa, ə li a diɛ Babilonə, nwɔ lɔi hu.

Izikiɛ 24:3

«Hanwon da hɔɔ gulɔ nwoo mu nu huwui ŋɛ̨i ɓa, 'kɛ diɛ: Mɛ̨nį kəlee ŋą Hééɓomun Yálá woo ka: «Kwɛli ləɠi pɛli, 'bɛli ə́ ya pu ɉu,

Izikiɛ 40:4

Ɉulɔnui tii yɛ mą́ą́: Hulɔnu lon, ə́ ɲɛ̨i hee kpɔ laa a nɛlɛɛ; ə́ ə́ wəli tɔɔ kpɔ a nɛlɛɛ, mɛ̨nįɠaai kpɔ gáá pai nɛi yɛ́, ə́ kili lɛɛ gəlee hu. Maahɔlɔɓo, di lɛ yɛ́ mɛ̨nį ɓə gɛ diɛ pa a yɛ́ ɓɛ. Mɛ̨nįɠaai kpɔ ə́ kaa pai gaai, a kɛ ə́ gəlee hukulɔ Israɛlə nwɔ pɛlɛ́i mu nuą diɛ.

Amɔsə 7:15

Kɛlaa, nwɔ́ taatɛlɛɛɠaa pulu ɓə ŋį́ lɛɛ laa, Yai-Laa yɛ də́li, də́lii tii ə mo, yɛ mą́ą́: ‹'Li! Ə́ mą́ą́ mɛ̨nį hu kulɔ nwɔ́ nuą ŋɛ̨i a Israɛlə nu huwu diɛ.›

Tɔɔɓɛlaa veelɛ 17:14

Kɛlaa, di hvo mɛ̨nįi tii mɛ̨n, di di kili walawala lɔ yɛ di nąnni, diɛi wɔlɔ lənə Yai-Laa di wɔ Yálái ɓa.

Tɔɔɓɛlaa veelɛ 17:15

Yai-Laa nwɔ tíɓoɠaa, da mįnɛ̨i da di nąnni di ɉəɠə, di tɛɠɛɓo ɉu, diɛ kpɛli-kpɛli mɛ̨nį mąą gilɛ həɠə, diɛ ka kɛa, di hu aa kala. Nɔiɠaa kɛ di kwɛlɛ, di hvilɛn di túwɔ́ pələ pulu, ɛlɛɛ yaan, Yai-Laa ə mo diɛ, yɛ diɛ: 'Ka hvo túwɔ́ yɛ diɛ.

Azaya 30:1

Kpalo ɓɛlaai gulɔ nwoo mu nuąi ŋɛ̨i diɛ! Yai-Laa woo li. Da kɛ kóloɠaa kɛi, kɛlaa di hva di kɛ mą́ą́ mɛ̨nį ɓa, diɛ ɓɛlan naa kɛ, ɛlɛɛ nąą wɛli hva kɛ mą́ą́, diɛ nɛ̨ŋɛ̨n diɛ̨ tii gee mɛ̨i.

Ɉeremi 44:20

Nąąlɔwai Ɉeremi yɛ nɔi nuą kəlee diɛ, ɉinąą mąn, nɛ̨ąą mąn, diɛ kpɔ nwoo pulu pənə pələ kɛ tii, yɛ diɛ:

Malasi 3:7

Ə həɠə kpɔ ka kalaɓɔlɔni diɛ, ə həli la káá, kaa ká pulu tɔɔ nwɔ́ liɛwooɠaai diɛ, ka hvo ɉon ni. 'Ká pənə ka pa bɔ́, ŋą́ pənə ŋą́ pa ka pɔ. Ɲą́ą́ Yai-Laa Mɛ̨nį Kəlee ŋą Hééɓomun nwóó li. Kɛlaa, yii ka kɛ moi, ya ka, káá kɛ mą: «Kwá pa pələ kɛ ləi?»