Izikiɛ 19:3 - Yálá laawoo hɛɓɛ (dc)

³ Ə non dɔ̨nɔ̨ ɲąą kɔ́n, yili ə kɛ a yala laŋa lon, ə ɲąątɔɔ a huwɔ hon ŋąą, yɛ kɛ nuą mįi.

Yálá laawoo hɛɓɛ

³ Ə non dɔ̨nɔ̨ ɲąą kɔ́n, yili ə kɛ a yala laŋa lon, ə ɲąątɔɔ a huwɔ hon ŋąą, yɛ kɛ nuą mįi.

Bible

³ A ǹóŋ dɔnɔ ŋáa kɔ̀ŋ é berei lɛ́ m̀a a pɔ̂ri gɔ́nɔŋ kɔ̂rii lai. A núu mii pêre maa kɔ̂ri.

Izikiɛ 19:3 Referans Kwoze

Izikiɛ 22:25

Nwɔ Yálá kwəi mɛ̨nį hukulɔ nuąi daa daa laahvɛɛ a ɲaba mɛ̨nį, di kaa nuą mįi, yɛ bələi yala a kɛ nuą mįi la; yɛ huluun. Diɛ hɛn gɔwɠaa da waliɠaa həɠə; diɛ kalanənŋaa tamą daa kwəi.

Izikiɛ 19:6

Yili ə kɛi tɛɛ ɲalaɠaa lɔwai, ə kɛ a yala huwala walaa, ə pɛli huwɔ hon ŋąą ɓa; yɛ nuą mįi.

Dutɛrɔnome 33:22

Yɛ Dan nwɛi ɓa: «Dan kaa yɛ yala hilɛ gbɔn, yii gaa kwəi-kwəi kulɔi Basan lɔi hu.»

Tɔɔɓɛlaa veelɛ 23:34

Yili pulu, Eziptə tɔɔmun Neko ə Ɉosiasə lon Ɛliakimə hee a tɔɔmun a nąn mąąhvalin. Eziptə tɔɔmun Neko ə Ɛliakimə laa mąąhvalin a: Yoyakimə. Yii ɓaa Yoakazə nwɛi, aa kɛ doo gaho ŋą, ə lɛɛ gaho ŋą ə dɛɛ Eziptə lɔi hu, nąą ɓə ə haa laa.

Izikiɛ 19:2

Yá kɛ ə́ lee ɓa: Gbɛɛ ɓaa a yɛ́, yala haa, yɛ́i kɛ laani yala hilɛɠaa lɔwai, ə́ lonnii tinanŋąą yɛ́, diɛ ɲįni kpələ.

Izikiɛ 19:4

Lɔiɠaa di mɛ̨i woo mɛ̨n, di lowa tee dɔwɔ di ɉo ɉu, di kwɛli too ɉunwɛ̨i, də li la Eziptə lɔi hu.

Izikiɛ 32:2

Hulɔnu lon, gɔwɔ tɔɔ yɛ́ haa mɛ̨i wələ too, Eziptə tɔɔmun Faraɔn mɛ̨i; yɛ́ kɛ diɛ: «Ə́ kɛ yɛ lɔiɠaa di wɔ yala lon, ə́ kɛ yɛ hvalə kɛnɛ̨ gboloyá hu, ə́ kɛi yáɠaa pili yələi; yɛ́ yá kɛ tukpu tukpu a ə́ kɔ́wɔɠaa, yɛ́ tɛɛ ya kpɛa kpɛa kala.

Zakari 11:3

'Ə́ wəli tɔɔ daatɛlɛɛ pulu nuą ɲiŋɛ̨ woo ɓa, mąąhɔlɔɓo, daa di ɲɛ̨i pɔ̨nɔ̨ hɛn ɉukala, ɲala gbɔnŋaa tómą woo kaa tɔɔi, mąąhɔlɔɓo, daa Ɉurdɛn nwɔ kpɔwɔ ɲąąkɛnɛi nwun ɲɛɛ,