Izikiɛ 18:7 - Yálá laawoo hɛɓɛ (dc)

⁷ Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Yálá laawoo hɛɓɛ

⁷ Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Bible

⁷ vé núu da kélee fili ni, kɛ́lɛ é ǹûai nyii è kpa soŋ diai dí kpa-ŋai kélee tee, va ŋuma kɛ, gɛ mii-sɛŋ tɛɛ diai puru káa diai pɔ, gɛ seɣe tɛɛ diai seɣe fé diai pɔ,

Izikiɛ 18:7 Referans Kwoze

Izikiɛ 18:16

hva ɲee pənə nu ta hu, hva kanąn tolaa hɛn ma; hva nwuɔ̨ kɛ, yɛ gɔ̨nɔ̨n dɛɛ nui pulu kaa mą bɔ; Yɛ həɠə tɛɛ nui gaa a gbuwulu bɔ,

Izikiɛ 18:12

yɛ ɲee pənə mąąwɛli mun da yeehvowolomun di hu, yɛ nwuɔ̨ kɛ, da tolaa heemą, hva kɛa pənə hvo ɉɛn tii tɛɛ nąmu pɔ; hali mɛ̨nį wɛli ə ɓo mą, yɛ ɲee to ɓowo mɛ̨nį hu,

Lɛɛ gbɔwɔ ɓa 22:26

Mąąhɔlɔɓo, ɲii həɠə lɔ ka tii; ɉəɠəi tii ɓə a gɔlɔ mąą kpulu la. Ya ɉəɠə ɲəi, lə ɓə a bɛlɛ mɛ̨i? A wɔlɔ mą́ą́, ŋą́ nwə́li tɔɔ nwɔlɔ woo ɓa, mąąhɔlɔɓo, nwɛ́i, ŋą́ nu ɲɛ̨imąąwɛli kaa.

Izikiɛ 33:15

ɉɛn di dolaa hee mą, a pənə a dɛɛ, yɛ nwuɔ̨ hɛn bənə yɛ dɛɛ, yɛ túwɔ a yɛnɛ̨ɛ̨ nwɔ tɔ́nŋaa, yɛ túwɔ pələ ɲɔ̨n maa laa, mąą nu a lɛɛ yɛnɛ̨ɛ̨, hea hvo ɉu, hvo pai haai.

Lukə 3:11

Ə di woo pulu pənə yɛ diɛ: «Nui həɠə hveelɛ kaa ɲei, ə dɔ̨nɔ̨ tɛɛ nui da hvo ɲei bɔ; nui kɔ̨nɔ̨n gaa ɲei, ə mɛlaa kɔ́.»

Amɔsə 3:10

Yai-laa yɛ diɛ: «Samari hee ɓo nuą di hvo mɛ̨nį haŋąą kɛ pələ kɔ́lɔn, yiiɠaai kpɔ da ɉɔlɔɓo toomɛ̨i hu, ya ɓə da nɔ di wɔ tɔɔ pɛlɛ́ɠaai mu.»

Amɔsə 2:8

Da biliɉu kulɔ nu ta yəi a tolaa, yili lɔ ɓə da doo di kwąną diɛ ɓo la di wɔ Yáláɠaai hvɛli pɛlɛ́ mu, ɓɛi da kwɛli hvilɛn naa diɛ. Da li ɓɛi da kwɛli hvilɛn na mą́ą́, da tɔ́n bili nu ɓa, a pa a nɔɔ, yili ɓə da kɛ gbələi laa bɛlɛ́n.

Izikiɛ 18:18

Nąn nwɛi ə wea mɛ̨nį kɛ, yɛ gaayɔwɔ nwuɔ̨, hvo túwɔ a nɛlɛɛ nwɔ́ nuąi lɔwai; gaa pai haai ɉɔn ɉu.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Sofoni 1:9

Ɲələi tii, nuąi da tɛɛ bɛlɛ́ laaləi, nuąi da di nąmu nwɔ pɛlɛ́i laa hvɛɛ a nwąnąlɔɔ mɛ̨nį, da nwuɔ̨ mɛ̨nį, ŋą ɲéé pɛlɛ gəlee diɛ.

Mise 3:2

A kaa ŋɛ̨i, mɛ̨nį lɛlɛɛ wɛli kpɛɛ kaa, kaa mɛ̨nį ɲɔ̨nwɔ̨ɔ̨ wɛlilakɛ, kaa nuą kɔ́lɔɓo, kaa di luwu kalaan di kɔ́w ɓa.

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Amɔsə 6:3

Gaa ka kwəi kaa, ka káá mɛ̨nį ɲɔ̨n mąą kwɛai kaa, kɛlaa, kaa toomɛ̨i maa kpuɔ kaa.

Izikiɛ 7:23

Yɔwɔn bɛli, mąąhɔlɔɓo nɔi laahvɛɛi a nu paa kili, daa laahvɛɛ a wea mɛ̨nį.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Hanwon 28:27

Nui a mąąwɛlimun gɔ́, hɛn da mąąkanąn va hee mą. Nui hvo bɔ hvo ɲɛ̨i lɛlɛɛ hee mąąwɛli nuą diɛ, nɛ̨ŋɛ̨n naa kaa mą.

Hanwon 28:8

Nui a nwɔ hɛn gɔw ta pɛlɛ mą a hvulu, gaa ɉɛn gɔwi tii tɛi gee mɛ̨i a mąąwɛli nuą mąąkpɔnmąą ɓomun nwɔɔ.

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Hanwon 3:31

Ə́ ɲɛ̨i hvo kulɔ mɛ̨nį ɲɔ̨n gɛmun bɔ, 'hvó kpɛli dúwɔ́ pələ ta pɔɔkɔɔn.

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Mąątɛ̨nɛ̨ 112:4

Ə mą kɛ kpinįi ɓə, kɛɛ a pono kwəi kwələ nuą mɛ̨i, a nu mąąwɛli kaa, nii nɛ̨ɛ̨ gwəi, dələnmoɔ.

Mąątɛ̨nɛ̨ 41:1

Nwələ ɲɛ̨itɔwɔ mun. Davidə nwɔ wələ.

Zôo 24:9

Da ɲįnį kulɔ təliɠaa la, diɛ tolaa həɠə yeehvowolo nuą yəi,

Zôo 24:3

Təliɠaa di wɔ hoohvaalənŋąą ɓə daa ɉəɠə diɛ li la, kalanin ɲəi nįŋɛ̨ ɓə da ɉəɠə a tolaa.

Zôo 22:6

Ə́ kɛi tolaa hɛn ɉəɠə ə́ kaayɔwɔɠaa yəi nwun və kɛ mą, yɛ́ di mąą hɛnŋąą kulɔ diɛ, ə́ di lɛɛ a di kpuwulu.

Dutɛrɔnome 24:17

Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Levetekɔ 19:15

«'Hvó kiti tee a hulu, 'hvo tɔɔ nu ta pulu nwɔ mąąwɛlilaa ɓa, nu kɛnɛ̨ ta hvo ə kilimąą pənə, kɛlaa, nuą kiti tee a tələnmolaa.

Lɛɛ gbɔwɔ ɓa 23:9

«‹Hvó hee nwɛ̨ą mɛ̨i. Kaa kpinįi, mɛ̨nįi a laa nwɛ̨ą ɓa, ka gɔlɔn. Mąąhɔlɔɓo, kaa kpinįi ka kɛ a nwɛ̨ą Eziptə lɔi hu.

Amɔsə 2:6

Yai-Laa ə mo yɛ diɛ: Mɛ̨ni tɔ̨nɔ̨ hvəi gɛi gɛ́ haŋą Israɛlə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, daa tələnmomun dɔ̨nɔ̨ lɔwɔ́tɔɔ, ə gɛ, di wali hɔlɔɓo. Diɛ mąąwɛli mun nɔwɔtɔɔ, di kɔ́wɔ ŋą kɔ́lɔ tɔ̨nɔ̨ gbən hɔlɔɓo mɛ̨nį ɓa. Di yili kɛ tii, mąąhɔlɔɓo, yili hvo pɛli li maa kwələ kulɔi.

Levetekɔ 25:14

Ka kɛi nɔi tii ta ya, a wala kɛ tii, kaa nɔwɔtɔɔ nɔi lon da ɓa, mąą hvo nɛ̨ɛ̨li ka ta hvo gaayɔwɔ hvulu.

Levetekɔ 19:13

«Hvó ə yee pənə ə́ ɓɛlan gaa lon ɉu, hvo too mɛ̨i. Kóló kɛ mun vɛla hvo lɛɛ ə́ yəi yələ hvo ɓɔ.

Izikiɛ 16:49

Ə́ ləɠə Sodomə nwɔ nɛ̨ŋɛ̨n ka: Ɓələn da bilaa kɛ hɛn gəlee hu, liihɛlɛn və kɛ mą da non nɛ̨ąą; di hvo kɛi mąąwɛli mun da yeehvowolomun di mąąkpɔn mąąɓo,

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Lɛɛ gbɔwɔ ɓa 22:25

«‹Ya ə́ heeyɔwɔ ta ŋią biliɉu hon ɲəi a tolaa, pənə ə́ dɛɛ bɔ, gɛɛ yələ hvo wulu.

Nehemi 5:10

Ɲą́ą́ gbɛli mąn, kwa ną́n nonnii, ku wɔ kwələ kaa diɛ, kɛlaa, ku kaa nɛɛi diɛ a mɛ̨inɛ̨ɛ̨.