Izikiɛ 18:25 - Yálá laawoo hɛɓɛ (dc)

²⁵ Yili ɓə ka tɔɔ, káá kɛ diɛ: Yai-Laa nwɔ pələi hvo haŋą li. Ka ka wəli tɔɔ Israɛlə nwɔ pɛlɛ́i mu nuą; ɲą́ą́ ɓə mɔ̨ɔ̨ nwɔ́ pələi hvo haŋą li, kɛlaa kaa mun mə ka wɔ pələɠaii di hvo haŋą li?

Yálá laawoo hɛɓɛ

²⁵ Yili ɓə ka tɔɔ, káá kɛ diɛ: Yai-Laa nwɔ pələi hvo haŋą li. Ka ka wəli tɔɔ Israɛlə nwɔ pɛlɛ́i mu nuą; ɲą́ą́ ɓə mɔ̨ɔ̨ nwɔ́ pələi hvo haŋą li, kɛlaa kaa mun mə ka wɔ pələɠaii di hvo haŋą li?

Bible

²⁵ “Kɛ́lɛ, ká mò kâai, ‘M̀ɛnii ǹuu-namui è gɛ̀i vé lɛ́lɛ ní.’ Káai a Eezuɛ-ƃelai, ka káwoli tɔ́ɔ. Ńdûa-pere fé lɛ́lɛ ní? Káa fé kátua-pere nyɔmɔɔi?

Izikiɛ 18:25 Referans Kwoze

Izikiɛ 33:17

«Ə́ wɔ lɔi hu nuą da kɛ kɛi diɛ: Yai-Laa nwɔ pələi hvo haŋą li, kɛlɛi diɛ mun mə di wɔ pələi hvo haŋą li?

Malasi 2:17

Ka wɔ woo hukulɔ tamąą a kɛ Yálá hvįikpɛɛi. Kɛlaa, a kɛ lɔi tii, kaa kɛ mą: «Lə mɛ̨nį ɓə kwa kɛ viikpɛɛi ɉu?» Kɛi ŋɛ̨i ka mo mą: «Yálá ɲɛ̨i lɛlɛɛ hee mɛ̨nį, mɛ̨nį ɲɔ̨n gɛ mun ma, yɛ nu taaləi tii mąątɛ̨nɛ̨.» Káá kɛ nwɔ̨nɔ̨ mą: «Tələnmo Yálá wɔɔ?»

Sofoni 3:5

Bələi mąn gaa la tii, Yai-Laa kaa daa kwəi, dəlimoɔ, yələwala kəlee, a nwɔ kiti wooi ɓo, yələɓɔi lɔwai, hva ɉəɠə mą. Kɛlaa, nui hvo Yálá kɔ́lɔn, nwumɛ̨ hvo mą.

Izikiɛ 33:20

Ya ɓə ka kɛ kɛi diɛ; Yai-Laa nwɔ pələi hvo haŋą li; gáá pai ka kiti teei yɛ bələi ka tɛi tɛi ka túwɔ la, kaai a Israɛlə nwɔ pɛlɛ́i mu nuą.»

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Izikiɛ 18:29

Ya ɓə Israɛlə nwɔ pɛlɛ́i mu nuą da kɛ diɛ: Yai-Laa nwɔ pələi hvo haŋą li. A kɛ ti Israɛlə nwɔ pɛlɛ́i mu nuą, nwɔ́ pələi ɓə mɔ̨ɔ̨ hvo haŋą li? Kɛlɛi kaa mun mə ka wɔ pələɠaai di hvo haŋą li.

Lomaŋ 10:3

Dələnmolaai a həɠə Yálá pɔ gɔlɔn di hvo mo li, ɛlɛɛ, diɛ kpinįi diɛ di wɛi kwɛli, yili ɓə gɛ di hvo lɛɛ la Yálá nwɔ tələnmolaai mu.

Lomaŋ 9:20

Kɛlaa, yɛi ŋɛ̨i ə́ kaa a nu, lə ɓaa yɛ́, yaai ya Yálá laa hɛatoo? Ləɠi hva kɛ dɔɔmun ma: Ə́ kɛ ŋɛ̨, lə mɛ̨nį ɓa?

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Lomaŋ 3:5

Akɛ gwa wala tələnmolaa kɛ, yili ɓə Yálá a nwɔ tələnmolaa lɛ lai, gwa pɛli kɛi lə yili hu? Yálá aa kɛli gu hutoo a lííholi, nu nwɔ kiliŋąhiɛ hu, gwa kɛ mą: hvo haŋąn ni.

Mąątɛ̨nɛ̨ 145:17

Yai-Laa haŋąąi gɛ mɛ̨nį kəlee hu, a kulɔ nwoo ɓa gɛ mɛ̨nį kəlee hu.

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Mąątɛ̨nɛ̨ 50:6

Yələkɔlɔn gaa nwɔ tələnmolaa loloɓoi, Yálá ɓə a kiti teemun.

Zôo 40:8

Hvo gɔlɔn yɛ́ kiti tee mun mąą ɲą́ą́? Ə́ kaa bɔ ə́ tɛ̨ą tɛɛ ə́ kpɔwɔ pɔ, ə́ gɛ́ a hɔn mąąmun?

Zôo 35:2

Ɉobə, gaa ə́ kwəi tɛ̨ą kaa ə́ pɔ, kɛi ə́ kaa moi diɛ: «Nwɔ́ mɛ̨nį haŋąą Yálá nwɛi ɓa,

Zôo 32:2

Nąąlɔwai, Elihu yii gaa a Buzə mun Barakeɛlə lon, ə ɓo a Ramə huwuhu mun da, nii ə holi. Ə níiholi Ɉobə pɔ, mąąhɔlɔɓo, yili ə kɛi gbɔwɔ kɛ a tələnmomun, dɛɛ Yálá ɓa.

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Izikiɛ 18:26

Tələnmomun a bulu tinɛ̨n nwɔ tələnmo yíi ɓa, yɛ hulu mɛ̨nį kɛ, a haa yili mąą mɛ̨nį ɓa; vulu mɛ̨nįi tii ə gɛ, yili mąą mɛ̨nį ɓə a haa la.

Zôo 15:13

Yɛ́ ə́ liiholi Yálá pɔ, woo kpɛa kpɛa diɛ kulɔ ə́ la?

Hanwon 19:3

Nu nwɔ ɓowo ɓə a nąn, a kɛ tii Yai-Laa ɓə mąą nu a níiholi bɔ.