Izikiɛ 18:23 - Yálá laawoo hɛɓɛ (dc)

²³ Mɛ̨nį kəlee ŋą Hééɓomun Yálá yɛ nwɔ̨nɔ̨ diɛ: Gaa ka kwəi nu ɲɔ̨nwɔ̨ɔ̨ haa mɛ̨nį kaa a gwə́nɛɛ mɛ̨nį? Kɛlaa yaamun bulu tɔɔ mɛ̨nį dúwɔ hɔnŋaa diɛ ɓə, əgɛ, ə lɛɛ yɛnɛ̨ɛ̨.

Yálá laawoo hɛɓɛ

²³ Mɛ̨nį kəlee ŋą Hééɓomun Yálá yɛ nwɔ̨nɔ̨ diɛ: Gaa ka kwəi nu ɲɔ̨nwɔ̨ɔ̨ haa mɛ̨nį kaa a gwə́nɛɛ mɛ̨nį? Kɛlaa yaamun bulu tɔɔ mɛ̨nį dúwɔ hɔnŋaa diɛ ɓə, əgɛ, ə lɛɛ yɛnɛ̨ɛ̨.

Bible

²³ Ká lâai la a lii-nɛ̃ɛ mɛni a gɛɛ ŋá zɔnyɔ̂ŋ-ƃelai káa díkɛ sáa. Kɛ́lɛ ńii a nɛ̃̂ɛ à kɛ̀ ŋa díkàa díkɛ dílii maa fâleŋ a gɛɛ dí lɛ́ɛ ɣele ma.”

Izikiɛ 18:23 Referans Kwoze

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Timote dɔlɔɔ 2:4

yai niiɓa ɓaa, nu kəlee di ɓalo, di tɛ̨ą kɔ́lɔn.

Piɛrə veelɛ 3:9

Ną́mu Yálá nwɔ mįnɛ̨ həɠɛɛ hu hvo kwɛa li yɛ pələi nu taɠaa da kɛ di kiliŋąhiɛi la, diɛ kɛ mą: Hvo pai ɉa. Kɛlaa, nii ɓə aa naa nuą pɔ, hvo bɔ nu tɔ̨nɔ̨ kpɛli nwun na hvo pili, kɛlaa, gaa bɔ nu kəlee di tinɛ̨n di həɠə mɛ̨nį ɲɔ̨n bulu.

Izikiɛ 18:32

Gwə́inɛ̨ɛ̨ mɛ̨nį hvaa nu ta haa mɛ̨nį, ɲą́ą́ Mɛ̨nį kəlee ŋą Hééɓomun Yálá, nwóó li. 'Ka pənə kani ka pa, kaa pɛli lɛɛi yɛnɛ̨ɛ̨.»

Lukə 15:32

Kɛlaa, ə́ ləɠəi ŋɛ̨i, mąąnɛ̨ɛ̨ gu kwəinɛ̨ɛ̨ kɛnɛ̨ kulɔ mąą mɛ̨nį hu. Mąąhɔlɔɓo, ɉaai kɛ, aa nwun, ɛlɛɛ, aa kɛ pili, ŋą́ą́ pənə ŋą́ą́ gaa!›»

Lukə 15:10

Gáá moi kaa, akɛ nɛ̨ŋɛ̨n ɉəɠəmun dɔ̨nɔ̨ kpɛli a hvaa mą ə bulu tɔɔ gɛ nɛ̨ŋɛ̨n ma, pələ kpɔlɔɔ ɓə kwəinɛ̨ɛ̨ a kɛ la Yálá nwɔ malakaɠaa yəi.»

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Osia 11:8

Ŋą́ ə́ hon bələ kɛ ləi Ɛfraimə, Ə́ hu kala ɓə mɔ̨ɔ̨ ŋą́ mo, Israɛlə? Ŋą́ ə́ hukala pələ kɛ yɛ Adma taa, yɛ bələi ŋą́ Sevoimə taa kala la? Yáá gwə́i pili mą́ą́! Ə́ ɲɛ̨imąąwɛli aa ɉón!

Zĩi 2:13

A tɛ̨ą, gitii laa, nui a wala nu ɲɛ̨imąąwɛli kaa, hva mąą nu ɲɛ̨imąąwɛli kaa. Ɲɛ̨imąąwɛli yee tɛɛi kiti ɓa.

Woolaa 3:33

Yai-Laa kwəinɛ̨ɛ̨ mɛ̨ni hvaa yɛ a nuą nwumɛ̨ɛ̨, ɛlɛɛ, yɛ mɔ̨nɔ̨ laa di mɛ̨i.

Ɉeremi 31:20

Ɛfraimə aa kɛ mɔ̨ɔ̨ a nwɛ́li kɛ mąą lon. A lón mąą mɛ̨nį kaa níí mɛ̨i? Mąąhɔlɔɓo, ŋį́ kɛ lɔ mąą mɛ̨nį ɓoi, mąą kiliŋąhiɛ yɛ too mą́ą́, ɛlɛɛ, nii yɛ kulɔ mą́ą́ mąą mɛ̨nį hu. Nwɔ wɛlikɛmąą kaa pai kɛi níí hu kpɔ a nwalawalaa. Yai-Laa woo li.

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Samia Veerɛi 14:14

A kɛ tii gu kaa mɔ̨ɔ̨ pai haai a hvoló tɔ̨nɔ̨, yɛ yai daa bu lɔi ɓa hva pɛli kɛa yɛɠɛi. Kɛlaa, Yálá hva giliŋąhiɛ a ɲɔ̨nwɔ̨ɔ̨ nu ɓa, ə lɛɛ, aa gɛ pələ kwɛli mą, nui di gbɛ, mąą hvo kwɛa ma a mɔlɔɔ.