Izikiɛ 17:19 - Yálá laawoo hɛɓɛ (dc)

¹⁹ Yili mąą mɛ̨nį ɓa, Yai-Laa woo ka, yɛ: Gáá a Mɛ̨nį kəlee ŋą Hééɓomun; nwooi ə gwɛlɛ, yɛ gaa lɛɛi bulu, yii kpɔ ə nɛɛi, ə ŋą mįnɛ̨ wooi hu kala; Gáá ɉu mɔ̨nɔ̨ heei nwuɔ̨.

Yálá laawoo hɛɓɛ

¹⁹ Yili mąą mɛ̨nį ɓa, Yai-Laa woo ka, yɛ: Gáá a Mɛ̨nį kəlee ŋą Hééɓomun; nwooi ə gwɛlɛ, yɛ gaa lɛɛi bulu, yii kpɔ ə nɛɛi, ə ŋą mįnɛ̨ wooi hu kala; Gáá ɉu mɔ̨nɔ̨ heei nwuɔ̨.

Bible

¹⁹ Ŋ̀wála-wâla kélee Ɣâlai è mò ǹyɛɛi, “Tãi nɔ́ ŋ́gaa nîi la ɣele mai, tãi è voo la ńyêei vé ŋaa-see kɛ́ níi, da ŋákpanaŋ-wooi nyii è gàrai, ŋa pâi gula-maa kɛ̂i m̀aa mɛ̂ni ma.

Izikiɛ 17:19 Referans Kwoze

Ɉeremi 5:9

Túwɔ́ taalə a kɛ tii, ya ɓə mɔ̨ɔ̨ vá pɛli mɛ̨nį laai la nuą tii diɛ? Ə lɛɛ, nu huwu taaləi tii, vá mɔ̨ɔ̨ nwáná kulɔ diɛ? Ɲą́ą́ Yai-Laa nwóó li.

Ɉeremi 5:2

Nuą di mą kɛ di kwɛlai diɛ kɛ: «Kpɔ Yai-Laa laa hu.» Daa di kwɛla a lɛɛ.

Dutɛrɔnome 5:11

«'Ka hvo Yai-Laa ka wɔ Yálái laa ɓo kpɛli-kpɛli mɛ̨nį hu; mąąhɔlɔɓo, nui a Yai-Laa laa ɓo kpɛli-kpɛli mɛ̨nį hu, Yai-Laa hva nɛɛ lɔ tii, yii hvo ɉutɔɔ li.

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

Izikiɛ 16:59

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi ya ka: Gáá lɔ ə́ hon ɉii yɛ bələi ə́ túwɔ la, yɛ́i ŋɛ̨i tɛɠɛ ɓo nɛ̨ŋɛ̨n naa woo hu a mįnɛ̨ hukalai ə́ moi.

Izikiɛ 17:18

Ə nwoo lɛɛ a mįnɛ̨ həɠə-woo hu kalai ə mo, yá pa, ə ɲee hee kpɔ mu; kɛlaa ə gɛɛ kala mɛ̨nįɠaai ti kəlee kɛ; yili ɉu hva pɛli kɛ nɛ̨ɛ̨i mą.

Izikiɛ 17:20

Gáá nwɔ́ hɛlɛn ɉeei dɔwɔ; gaa pai kɔ́i la. Gɛ́ li la Babilonə, gɛ́ giti tee laa, nwooi ti ə gwɛlɛ mą́ą́, yɛ nɛɛ laa, mąą mɛ̨nį ɓa.

Tɔɔɓɛlaa dɔlɔɔ 2:32

Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Tɔɔɓɛlaa dɔlɔɔ 2:33

Nuąi tii haa, di wulu ə lɛɛ Ɉoabə nwuɔ̨, da ɉuwuhu nuą kəlee; kpɛɛ hvo kɛ mą. Yii ɓaa Davidə da ɉuwuhu nuą, ɲəi bɛlɛ́n nuą ə mą kɛ dɔɔ kpəlin, Yai-Laa ə ɲɛ̨i lɛlɛɛ hee diɛ kpɛɛ hvo kɛ mą.»

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?