Izikiɛ 17:12 - Yálá laawoo hɛɓɛ (dc)

¹² Mɛ̨nį ɓo gulɔ nwoo mu nuąi ɲɛ̨i diɛ, kɛ diɛ: Ká hvo mɔ̨ɔ̨ mu kulaa kɔ́lɔn? 'Mo, Babilonə tɔɔmun ə pa Ɉerusalɛmə; ə dɔɔmun ɉon, da nu kpɛa kpɛaɠaa, ə li a diɛ Babilonə, nwɔ lɔi hu.

Yálá laawoo hɛɓɛ

¹² Mɛ̨nį ɓo gulɔ nwoo mu nuąi ɲɛ̨i diɛ, kɛ diɛ: Ká hvo mɔ̨ɔ̨ mu kulaa kɔ́lɔn? 'Mo, Babilonə tɔɔmun ə pa Ɉerusalɛmə; ə dɔɔmun ɉon, da nu kpɛa kpɛaɠaa, ə li a diɛ Babilonə, nwɔ lɔi hu.

Bible

¹² “Woo-pîli ƃela, ká fé zã́ŋ ŋí su-kulâi kɔ́lɔŋ? Babelɔŋ kaloŋ è wɔ́lɔ pà Zerusâlɛŋ é ǹaa kaloŋ da ŋɔtíi kɛ́-ƃelai síɣe é lí a dia Babelɔŋ.

Izikiɛ 17:12 Referans Kwoze

Izikiɛ 24:19

Nuą diɛ mą́ą́: «Dúwɔi ŋɛ̨i ə́ kaa moi, hvá mɔ̨ɔ̨ nwun nɛ kuɔ?»

Izikiɛ 17:3

'Kɛ diɛ: Yai-Laa woo ka, yɛ: «Guwɔ kɛnɛ̨i, goon ɲąą kpɛa kpɛa, nɛɠaɠaa ɲąą kɛnɛ̨, gɔlɔɓa lɛɠaɠaa ɲɛ̨́i pɛ̨ɛ̨ a damąą, ə pa Liban, ə kpitili da ton ɲali mɛ̨i,

Izikiɛ 1:2

Tɔɔmun Yoyakin liɛ gɔ́ luwɔlaa hu, gwəlan nɔɔli nąą, ɲąnįn nwɔ hvóló lɔɔli yələ;

Gɛlaɠaa 8:30

Filipə ə gilɛ həɠə ə mąą lɛɠɛ laa, ə Etiopi mun ti woo mɛ̨n yɛ Yálá kwəi mɛ̨nį hukulɔ mun Esai nwɔ hɛɓɛ́ nąą ta ɓo, ə mąąni kɛ yɛ mą: «Ɉɛɓɛ́i ŋɛ̨i ə́ kaa moi, ə́ kaa ɲąą kaai?»

Lukə 9:45

Kɛlaa, di hvo nwoo tii kpaɠala kaa, mąąhɔlɔɓo, nwoo tii mukulaa loɔi kɛ diɛ, ə lɛɛ, di kɛi ɲɔw Jesus mąąni kɛi yili mąą mɛ̨nį ɓa.

Markə 4:13

Yili pulu, Jesus ə mo diɛ yɛ diɛ: «Ka hvo moɔ ɉanwon ŋɛ̨i mukulaa kɔ́lɔn? Akɛti, ka pɛli kani ka hanwon da kpɛli mukulaa kɔ́lɔn nəi?

Maafîu 16:11

Akɛti, lə mɛ̨nį ɓa ka hvo gbaɠala kaa li kaa kɛ diɛ: Lɛɠɛ yii gaa a kɔ̨nɔ̨n, mąą mɛ̨nį hvəə gáá yili ɓoi la kaa. Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Maafîu 13:51

Jesus ə mo nwɔ kalan nɛai diɛ yɛ diɛ: «Kaa mɛ̨nįɠaa tii kəlee ŋąą ka?» Di nwoo ŋąąpənə diɛ mą: «Kwaa ŋąą kaa!»

Izikiɛ 3:9

Gáá ə́ nwun ɉu wala walai yɛ kúwɔ-kwɛni, ŋą́ nwala wala ə tɛɛ kwɛni ɓa; 'hvó ɲɔw diɛ, ə́ mąą hvo kpɛlin di ɲɛ̨i ɓa; kulɔ nwoo mu nuą li.»

Izikiɛ 2:8

«Hulɔnu lon, ə́ wəli tɔɔ, mɛ̨nį gáá moi yɛ́ mą, 'hvó kɛ a nui a nwun gulɔ mɛ̨nį mu, yɛ gulɔ nwoo mu nukan ŋɛ̨i, ə́ laa taɠa, ɉɛn gáá dɛɠɛi ə́ pɔ, 'ə́ mįi.»

Azaya 39:7

Di kaa pai lii a ə́ lonnii tamąą, yiiɠaai a ə́ kwəi lonnii, diɛɠaai ə́ kaa di kaai; di kaa pai daɠaai ɓɛlai di ɓo Babilonə tɔɔmun ɲəi gwəlii.»

Azaya 1:2

Yələkɔlɔn! Ə́ wəli tɔɔ! Lɔi! Nwóó mɛ̨n. Yai-Laa, ka tii mɛ̨nį ɓoi, yɛ diɛ: Ŋą́ą́ lɛapɛlɛɛ kulɔ ɉu, Ŋą́ą́ di hutɔɔ, Kɛlaa, daa di kwɛlitee ɲə́i.

Zasua 4:21

Yili pulu ə mo Israɛlə lonnii diɛ yɛ diɛ: «Ka lonnii da ka mąąni kɛ tinąą diɛ kɛ kaa gwɛnii ŋɛ̨i mąą mɛ̨nį mukulaa ɓaa a lə?

Zasua 4:6

Mɛ̨nįi tɛɛ ɓɛ, gwɛniɠaai tii ɓə pai kɛi a nąą kili too ŋą hɛn. Akɛ ka lonnii da ka mąąni kɛ tinąą, diɛ kaa; yii mukulaa ɓaa a lə?

Dutɛrɔnome 6:20

Tinąą, ka lonnii da ka mąąni kɛ diɛ kaa: «Díɓoɠaa, dɔ́nŋąą da ɲɛnɛ̨ɛ̨ hon bələɠaa ŋɛ̨i Yai-Laa gu wɔ Yálá ə naa ka nwuɔ̨i, nwun mąą lə?»

Lɛɛ gbɔwɔ ɓa 12:26

«Ka lonnii da pa kɛi kaa: ‹Ɉɛlii ŋɛ̨i mukulaa ɓaa lə?›

Azaya 3:2

Yɛ ə kɛ a huwalawalamun, yɛ ə kɛ a kɔ́ kuláa; ə mą kɛ, kiti teemun da Yálá kwəi mɛ̨nį hu kulɔ mun; ɛlɛɛ, tɔlu kpɛmun, da hulɔgolo.

Ɉeremi 37:1

Tɔɔmun Sedesiasə, Ɉosiasə lon mə kɛ a tɔɔmun, a Yoyakimə lon Koniahu mąą hvalin, Babilonə tɔɔmun Nabukodonosorə ɓə ɉee tii a Ɉuda tɔɔmun.

Ɉeremi 52:3

Mɛ̨nįi di kɛi gɛ Ɉerusalɛmə daai da Ɉuda lɔi hu, ə Yai-Laa liiholi, yili ɓə gɛ, yɛ di pili, yɛ di həɠə ɲɛ̨i mu. Sedesiasə ə tɔɔ Babilonə tɔɔmun na.

Izikiɛ 17:11

Yai-Laa woo ə həli mą́ą́, yɛ mą́ą́:

Izikiɛ 37:18

Ɓɛlɔwai ə́ wɔ lɔi hu nuą da kɛ la yɛ́; mɛ̨nįi tii ə́ kaa gɛi mukulaa ɓaa ləi?

Tɔɔɓɛlaa veelɛ 24:20

Mɛ̨nįɠaa tii di laa Ɉerusalɛmə da Ɉuda diɛ, mąąhɔlɔɓo, Yai-Laa ə niiŋanwana diɛ, ə di pili kwɛaa la, ə di həɠə ɲɛ̨i mu. Sedesiasə ə muhəɠə Babilonə tɔɔmun nąą ɓa a kɔ́.

Ɉeremi 34:21

Ɉuda tɔɔmun Sedesiasə da nwɔ kalanɉonŋaa di wɛi, gáá di tooi di yowoɠaa yee kɔ́nma, Babilonə tɔɔmun nwɔ kɔlaɠai yee ɲą; diɛi ŋɛ̨i daa gɔ́ mąą kwɛa daa ɓa.