Izikiɛ 16:60 - Yálá laawoo hɛɓɛ (dc)

⁶⁰ Nwɛ́i, mįnɛ̨i gwa yɛ́ gu ɉəɠə a ə́ muhəɠə yələ, gáá pai nąą kili tooi ə́ ŋą; gwa yɛ́ guɔ mįnɛ̨ həɠə la, a yələ kəlee mɛ̨nį.

Yálá laawoo hɛɓɛ

⁶⁰ Nwɛ́i, mįnɛ̨i gwa yɛ́ gu ɉəɠə a ə́ muhəɠə yələ, gáá pai nąą kili tooi ə́ ŋą; gwa yɛ́ guɔ mįnɛ̨ həɠə la, a yələ kəlee mɛ̨nį.

Bible

⁶⁰ Kɛ́lɛ ŋa pâi gbanaŋ-wooi ŋa wɔ́lɔ gɛ̀ íyêei a íloloŋ tãi mɛi kaai. Ǹyaŋ ŋa pâi kpanaŋ-woo kɛ̂i íyêei wɔlɔ-wɔlɔ.

Izikiɛ 16:60 Referans Kwoze

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Ɉeremi 50:5

Bələi a li Siɔn, di ka mąą mąąni kɛ kɛi, ɛlɛɛ, Siɔn pɔ pələ ɓə di ɲɛ̨i tinɛ̨nŋaa la. Di kaa pai, da Yai-Laa ni, di tɔɔi ə kɛ tɔ̨nɔ̨, diɛ mįnɛ̨ həɠə a yələ kəlee mɛ̨nį. Di hva kɛa lɛ̨ą mą, a yələ ta.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Levetekɔ 26:42

Ŋą́ gíliŋąhiɛ kɛa mįnɛ̨i kwa Ɉakɔbə ku ɉəɠə mą, yai kwa Isaakə ku ɉəɠə, yai lɔ nwɔ̨nɔ̨ kwa Abrahamə ku ɉəɠə; Gɛ́ gíliŋąhiɛ nɔi ɓa.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Lukə 1:72

Mąąhɔlɔɓo, Yálá ə naakwɛlan mo ku kalaɓɔlɔni diɛ, yɛ diɛ: Ŋą́ nwɔ́ mɛ̨inɛ̨ɛ̨ lɛ kaa ponoŋą, yaan, əgɛ tii. Yaan mįnɛ̨i Yálá ə ɉəɠə diɛ, ə gili lɛɛ ɉu.

Osia 2:15

Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Ɉeremi 2:2

'Lí! Ə mɛ̨nįi ŋɛ̨i ɓo Ɉerusalɛmə daai a lolo, yɛ́ diɛ: Yai-Laa yɛ: Ə́ kpəla yələ, mɛ̨nįi ə́ gɛ, gaa gili tooi ə́ ŋą; yɛ bələi Nɛ̨ɛ̨non daa ɉilɛtaai kɛ, nwɔ wɛlikɛmąą a kɛ la. Ə́ hvilɛn ŋąą kɛ búlu nɔi pun ɉu; kpomó hu;

Mąątɛ̨nɛ̨ 105:8

A gili lɛɛ nwɔ mįnɛ̨i hu, a yələ kəlee, a nwooi ə gwɛlɛ a yələ kəlee mɛ̨nį.

Samia Veerɛi 23:5

Kɛlɛi bələ ɓə Yálá ə gɛ la a nwɔ́ pɛlɛ́i! Mąąhɔlɔɓo, mįnɛ̨i kwa yaa ku ɉəɠə, ga ma a yələ kəlee da nwɔɔ, da bɔ liɛwooɠaai a mɛ̨i kaa. Mɛ̨nįi lɔpee gəlee hu, a yee tɛɛ mąą tɛɛ bɔ́, ə mą kɛ nííɓa mɛ̨nį hu, ya ɓə a gəlee hu nɛɛ mą́ą́.

Levetekɔ 26:45

Mįnɛ̨i kwa di nąnni ku ɉəɠə, a diɛi tii ŋį́ di kulɔ Eziptə lɔi hui, nu huwu takpɛliɠaa ɲɛ̨i ɓa, gɛ́ kɛ a di wɔ Yálá; ŋą́ gíliɲą lɛlɛɛ hiɛ mįnɛ̨i tii ɓa, di mąą mɛ̨nį ɓa, ɲą́ą́ Yai-Laa.»

Zɛnɛse 9:15

mįnɛ̨i gaa gwa kaa ni gu lɔwai, kwa nɔ̨ɔ̨-nɔ̨ɔ̨ hɛn gəlee, ŋį́ giliŋąhiɛ yili ɓa; yánwąną tɔ̨nɔ̨ kpɛli hvo kɛa pai kulɔi, hvo yɛnɛ̨ɛ̨ nwun na pili.

Izikiɛ 34:25

«Kwa nwɔ́ taatɛlɛɛ kpului, ku kaa pai liilaa mįnɛ̨ həɠəi; gáá pai nɔwɔ huwɔ ɲɔ̨nwɔ̨ɔ̨ɠaa kulɔi nɔi, nwɔ́ taatɛlɛɛɠaai diɛ kɛ liilaa hu, nɔi pun ɉu; Diɛ yii gbomoɠaa hu.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Azaya 61:8

Mąąhɔlɔɓo, ɲą́ą́ Yai-Laa, tɛ̨ą ɓə nwɛli kaa mą́ą́, nwuɔ̨, da kɛɛ kala mɛ̨nį wɛli hvo mą́ą́, gáá pai ka hvɛla kulɔi a tələnmolaa, kwa kaani guɔ yələ kəlee mįnɛ̨ həɠə.