Izikiɛ 16:54 - Yálá laawoo hɛɓɛ (dc)

⁵⁴ Ə́ wɔ nwumɛ̨i kaa pai yɛɛi a ə́ nwun, mɛ̨nįɠaai kpɔ ə́ di kɛ, ə́ ɲɛ̨i yɛ paa ɉu. Yili kaa pai di kwəinɛ̨ɛ̨i.

Yálá laawoo hɛɓɛ

⁵⁴ Ə́ wɔ nwumɛ̨i kaa pai yɛɛi a ə́ nwun, mɛ̨nįɠaai kpɔ ə́ di kɛ, ə́ ɲɛ̨i yɛ paa ɉu. Yili kaa pai di kwəinɛ̨ɛ̨i.

Bible

⁵⁴ Í kpîŋ ƃaa kula maai a pâi kɛ̂i yâ kpîŋ yâ. Ǹyaŋ ŋumɛ a pâi í kɛ̂i í kpîŋ tua perei mɛni ma í leɣe-nɛyãai sama. Yâ pâi gaai ƃɛɛi dítɔɔi naai.

Izikiɛ 16:54 Referans Kwoze

Ɉeremi 2:26

Da nwuɔ̨mun ɉon nwuɔ̨ kɛi, nwumɛ̨ a tɛ la, bələ kpɔlɔɔ ɓə, Yələ ta, nwumɛ̨ kaa pai tɛi la a Israɛlə nuą, diɛ-o, di wɔ tɔɔɓɛlaai-o, di wɔ nwun nąmįną o, ɉaláá laa həli nuą-o, da nuąi da mɛ̨nį ɓo diɛ Yálá laa hu.

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Izikiɛ 16:52

A kɛ ti 'hvaa mą nwumɛ̨ ə hee yɛ́, mąąhɔlɔɓo ə́ wɔ nɛ̨ŋɛ̨ŋaai ɲɔ̨nwɔ pələ tɛɛi ə́ leelonnii di wɛi ɓa. Di túwɔ pələ aa lɛlɛ aa tɛɛ yɛ́. Di tələnmoɔi di tɛɛ yɛ́.

Izikiɛ 16:53

Gáá pai di wɔ yɛnɛ̨ɛ̨ dɔwɔ pələ mąąhvalin ɉii, Sodomə da non nɛ̨ąą di wɔ yɛnɛ̨ɛ̨ dɔwɔ pələ. Samari da non nɛ̨ąą di wɔ yɛnɛ̨ɛ̨ dɔwɔ pələ; ə mą kɛ yɛ́ kpɛli, mɛ̨nįi ɉeɛ ə́ tɔwɔ di lɔwai, gáá pai mąąhvɛn ɉii.

Izikiɛ 16:55

Ə́ ləɠə Nɛ̨ɛ̨nu Sodomə da non nɛ̨ąą, di kaa pai pənəi di kɛ yɛ bələi di kɛ la tɔlɔɔ; ə́ liɛ nɛ̨ɛ̨nu Samari da non nɛ̨ąą, di kaa pai pənəi di kɛ yɛ bələi di kɛ la tɔlɔɔ. Yɛ́ kpɛli ma ka ə́ lon nɛ̨ąą ka káá pai pənəi ka kɛ yɛ bələi ka kə la tɔlɔɔ.

Izikiɛ 32:24

«Elamə kaa laa, da nwɔ nu kpulu kɛnɛ̨ɛi, di tinɛ̨nŋaa di kámą ɓa diɛi di kəlee daa too a kɔ́ kɔ́ ɓɔwa laa pɔɔ. Di lɛɛ a kɛ́nɛ̨ kpolɔwaɠaa, diɛ yɛɛ nɔi mu pələ; a diɛi tii kɛi ɲɔw too yɛnɛ̨ɛ̨ nuą hui. Di wɔ nwumɛ̨i aa lɛɛ diɛ, da nuą daa yɛɛ la nɔwai.

Izikiɛ 5:7

Yili ɓə gɛi, Yai-Laa gu wɔ Yálái yɛ diɛ: ka tɛɠɛɓoɉuɔi dɛɛ nɔiɠaai ka kwɛlɛ diɛ; ka hvo lɛɛ li nwɔ́ tiɓoɠaai pulu; ka hvo nííɓa mɛ̨nįɠaa kɛ li; ka hvo mąn tɔ́wú li yɛ bələi ka kwɛlɛ lɔiɠaa da túwɔ́ la