Izikiɛ 16:52 - Yálá laawoo hɛɓɛ (dc)

⁵² A kɛ ti 'hvaa mą nwumɛ̨ ə hee yɛ́, mąąhɔlɔɓo ə́ wɔ nɛ̨ŋɛ̨ŋaai ɲɔ̨nwɔ pələ tɛɛi ə́ leelonnii di wɛi ɓa. Di túwɔ pələ aa lɛlɛ aa tɛɛ yɛ́. Di tələnmoɔi di tɛɛ yɛ́.

Yálá laawoo hɛɓɛ

⁵² A kɛ ti 'hvaa mą nwumɛ̨ ə hee yɛ́, mąąhɔlɔɓo ə́ wɔ nɛ̨ŋɛ̨ŋaai ɲɔ̨nwɔ pələ tɛɛi ə́ leelonnii di wɛi ɓa. Di túwɔ pələ aa lɛlɛ aa tɛɛ yɛ́. Di tələnmoɔi di tɛɛ yɛ́.

Bible

⁵² Ǹyaŋ fɛ̂ɛ nɔ ka káyee see ká ƃaa-kulai maai mu, kpɛ́ni fêi ka mɛni-ŋa tée kásaaƃɔlɔ-nɛyãai m̀i a kásɔnyɔ̂ŋ kɛɛi nyii dɛɛi díwɔi mai. Dí mɛnii lɛ́lɛɛi é tɛɛ káwɔi mâ. M̀ɛni ma ŋumɛ é kɛ́ kâa ka káyee see ká ƃaa kula maai mu. Ka gɛ kásaaƃɔlɔ nɛyãai da kɛ́ yɛ sɛŋ ƃe dí maa waai.”

Izikiɛ 16:52 Referans Kwoze

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Lomaŋ 2:10

Nuąi da mɛ̨nį lɛlɛɛ kɛ, di wɔ ɓaa a: Mąąwiɛ, ɲɛ̨ipono da liilaa, ə gɔwɔ tɔɔ Ɉuifəɠaa diɛ, yili pulu, nuą di hvo a Ɉuifəɠaa.

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Lukə 6:37

«Ka hvo nui lɔpee ta kiti tee. Əgɛ, Yálá hvo pa ka kiti tee. Ka hvo nui lɔpee ta kɛ a hɔn mąą mun, əgɛ, Yálá hvo pa ka kɛ a hɔn mąą nuą. Ka nuą mąąhvaalɛɛ, əgɛ, Yálá ə pa ka mąąhvaalɛɛ.

Osia 10:6

Nįŋɛ̨ lon gbɛli mąn, di kaa pai líi la Asiri, a nąą tɔɔmun gɛnɛ̨ hamą. Yili a kɛ a Ɛfraimə nwumɛ̨ mɛ̨nį, Israɛlə ɲɛ̨i yɛ paa nwɔ lɔ giliiɠaa mąą mɛ̨nį ɓa.

Izikiɛ 44:13

Di hvo pai lɛɠɛi mą́ą́, diɛ kɛ a nwɔ́ haláá laa həli nuą ta, di hvo pai lɛɠɛi nwɔ́ hɛn mąąhəɠɛɛɠaai diɛ; diɛi tii a ɉɛn mąąhəɠɛɛ kpɛa kpɛai mɛlɛkpɛɛmą. Di kaa pai di wɔ kilikpɛɛgwəi mɛ̨nįɠaai tii ɉu mɔ̨nɔ̨ mįi

Izikiɛ 39:26

Nwumɛ̨i di mo, da di wooɠaai kpɔ di gala mą́ą́ mɛ̨nį hu, ɓɛlɔwai di kɛ laa di wɔ lɔi hu, nu ta hvo kɛi di mąą kpɛlin, da lɛ̨ą yili kəlee ɓa.

Izikiɛ 36:15

Ə́ ɓɛlɛ too wooɠaai lɔiɠaa da kɛ moi, vá kɛa ə́ lɛɛ laa, da hvo too ə́ wəlii; hvo kɛa pai ə́ nwun ɉeei nuą di wɔ lalan nwooɠaa mu. Hvo kɛa pai ə́ wɔ lɔi hu nuą tooi nɛ̨ŋɛ̨n mɛ̨nį hu, Mɛ̨nį kəlee ŋą Hééɓomun Yálá woo li.»

Izikiɛ 16:63

Yá ə́ kiliŋąhiɛ kɛa ma yɛ́ nwumɛ̨ la, ɛlɛɛ nwumɛ̨ pələ, hvaa hvo kpɛli pai lɛɛi ə́ la, a ɲələi ŋą́ ə́ túwɔ pələ kəlee mąąhvaalɛɛ la; Yai-Laa woo li.»

Izikiɛ 16:56

Kɛlɛi ə́ kɛi ə́ laa pu ə́ ləɠə Sodomə hu, ɓɛlɔwai ə́ kɛi ə́ wɔ ɓələn kulɔ la,

Izikiɛ 16:54

Ə́ wɔ nwumɛ̨i kaa pai yɛɛi a ə́ nwun, mɛ̨nįɠaai kpɔ ə́ di kɛ, ə́ ɲɛ̨i yɛ paa ɉu. Yili kaa pai di kwəinɛ̨ɛ̨i.

Ɉeremi 51:51

Kwaa nwumɛ̨ ku lalan bələ ɓa, nwumɛ̨ aa ku ɲɛ̨i paa. Nwɛ̨ąą daa lɔ Yai-Laa nwɔ pɛlɛ́i mu, gɛɛnąą mąąhəɠɛɛ ɓa.

Ɉeremi 31:19

Ŋą́ búlu tɔɔ kɛ yɛ́, kɛlaa, ŋą́ą́ ɉɔ́n mąą hvalin: Pənəi ŋą́ mo gɛ́ gbɔ́ɔ́ kɛ pələ kaa, ŋą́ kɛi níí pɔ kɛlɛ. Kwəi pili mąą da nwumɛ̨ daa ɉón. Mąąhɔlɔɓo, gáá nwɔ́ hulɔnon naai ŋį́ gulɔ, bulu mɔ̨nɔ̨ mįi.

Ɉeremi 23:40

Ŋą́ nwumɛ̨ tɛ a kaa, ŋį́ ka ɓɛlɛ too a yələ kəlee, nąą kili hva kpɛɛ nuą ŋą.»

Tɔɔɓɛlaa dɔlɔɔ 2:32

Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Samuɛlə dɔlɔɔ 24:17

Kpɛɛi Davidə ə mo, a mɛ̨nįɠaa tii ɓoɔ Saulə ɓa, Saulə yɛ Davidə ɓa: «Ə́ woo li nón Davidə!» Yili pulu, Saulə ə pola a wɔlɔ.

Zɛnɛse 38:26

Ɉuda ə ɉɛnŋąąi tii kɔ́lɔn, ya ɓə a kɛ diɛ: «Nɛ̨ɛ̨nui tii aa tɔ́n ɉon aa tɛɛ mą́ą́; ɲą́ą́ ɓə gáá a hɔn mąąmun. Tɛ̨ą li, mąąnɛ̨ɛ̨ kɛ ŋį́ pa ŋį́ tɔɔ dɔwɔ, ŋį́ dɛɛ nón Sela pɔ a nɛ̨ą, ɲą́ą́ ɓə gɛ a ɲɔ̨nwɔ̨ɔ̨.» Nɛ̨ɛ̨nui tii da Ɉuda di hvo kɛa laa yili pulu.

Ɉeremi 3:11

Yai-Laa yɛ nwɔ̨nɔ̨ diɛ: Akɛ, da Ɉuda ŋɛ̨i nwoo hvo na, ɉiɛ pələ kɔ́ɔn Israɛlə ŋɛ̨i aa nɛ́ɛ́ ɉiɛ pələ ɓa; Israɛlə hiɛ pələ ta wolo hviɛla a ɓo Ɉuda nwɛi ɓa.

Izikiɛ 16:47

Hvo di pɔɔ kɔ́ɔn ni a yola, yɛ́ ə́ yee too di wɔ ɓowo mɛ̨nįɠaai tii hu; ə́ ɲɔ̨nwɔ̨ɔ̨ ə́ yee tɛɛ diɛ pələ kəlee hu.

Izikiɛ 16:48

A tɛ̨ą, Mɛ̨nį kəlee ŋą Hééɓomun Yálá ɓə moi yɛ: Ə́ ləɠə nɛ̨ɛ̨nu Sodomə da nonnii nɛ̨ąą di yee hvo kpɛli həli ka ə́ lonnii ka wɛi pɔ.

Izikiɛ 16:53

Gáá pai di wɔ yɛnɛ̨ɛ̨ dɔwɔ pələ mąąhvalin ɉii, Sodomə da non nɛ̨ąą di wɔ yɛnɛ̨ɛ̨ dɔwɔ pələ. Samari da non nɛ̨ąą di wɔ yɛnɛ̨ɛ̨ dɔwɔ pələ; ə mą kɛ yɛ́ kpɛli, mɛ̨nįi ɉeɛ ə́ tɔwɔ di lɔwai, gáá pai mąąhvɛn ɉii.

Izikiɛ 32:24

«Elamə kaa laa, da nwɔ nu kpulu kɛnɛ̨ɛi, di tinɛ̨nŋaa di kámą ɓa diɛi di kəlee daa too a kɔ́ kɔ́ ɓɔwa laa pɔɔ. Di lɛɛ a kɛ́nɛ̨ kpolɔwaɠaa, diɛ yɛɛ nɔi mu pələ; a diɛi tii kɛi ɲɔw too yɛnɛ̨ɛ̨ nuą hui. Di wɔ nwumɛ̨i aa lɛɛ diɛ, da nuą daa yɛɛ la nɔwai.