Izikiɛ 16:5 - Yálá laawoo hɛɓɛ (dc)

⁵ Nui lɔpee da hvo ə́ ɲɛ̨́i mąąwɛli kaa, yɛ pɛli mɛ̨nįɠaai ti ta kɛi yɛ́, ə mą kɛ tanɔ̨n; ə́ kəi ɓailii tɛ a nuą, ɲələi di ə́ káá lai; di ə́ pili kpomói.

Yálá laawoo hɛɓɛ

⁵ Nui lɔpee da hvo ə́ ɲɛ̨́i mąąwɛli kaa, yɛ pɛli mɛ̨nįɠaai ti ta kɛi yɛ́, ə mą kɛ tanɔ̨n; ə́ kəi ɓailii tɛ a nuą, ɲələi di ə́ káá lai; di ə́ pili kpomói.

Bible

⁵ Núu da fé ká malôŋ káa ni a gɛɛ dí mɛni ŋai ŋí da kɛ́ a káa. Tãi díka maa sɔlɔ ƃó lai, dì ká pili tuluŋ ŋa. Kpɛ́ni fêi tãi díka maa sɔlɔ ƃo lai, ká ƃɛlɛ fé kɛ́ ni núu da koi.

Izikiɛ 16:5 Referans Kwoze

Dutɛrɔnome 32:10

Yai-Laa da nwɔ nu huwui di di kee kaa nɔi pun ɉu, ɓɛi nu hvo laa, hvo kɛli lɔ lɔwɔ huwɔɠaa hvaa woo. Ə ɲee koloon gɛ diɛ, ə di mąą kwəli, ə ɲɛ̨i kɛ diɛ, yɛ di mɛ̨i kaa yɛ ɲɛ̨ilon gbɔ-kpɔɔ.

Woolaa 4:3

Pələi mąn lɔwɔ huwɔ kaa la, non mąą liihlɛn gaa mą, yɛ ɲįnį tɔɔ non na. Kɛlaa nwɔ́ nuą kaa yɛ kɔ̨nwɔ̨lee yii non mąą liihlɛn və mą. Yɛ bələi hɔ̨nwɔ̨gɔlɔn gaa la lɔi pun ɉu.

Lonon mo 19:16

Nui lɔpee a kalin a nui daa baa a ɓɔwa kwɛa kpomói, a wala kɛ tii nui aa haa gbɔwɔ ɓa, a wala kɛ tii nu kɔ́wɠaa, a wala kɛ tii kámą, tɔ́n gaa mąą nu ɓa hvóló mɛ̨ihveelɛ yee mu.

Lɛɛ gbɔwɔ ɓa 1:22

Tɔɔmun yɛ nwɔ lɔi hu nuą kəlee diɛ: «Hebreuɠaa da lon ɉinąą hɔlɔɓo, 'ka Nilə kɔ́ la, a kɛ a nɛ̨ɛ̨nu, 'ka nɛɛ a vulú.»

Zɛnɛse 21:10

ə mo Abrahamə ɓa, yɛ mą: «Nuwɔ nɛ̨ɛ̨nui ŋɛ̨i kpɛ da non. Nuwɔi ŋɛ̨i lon da Isaakə, mąą hvo nɛ̨ɛ̨li di hvo kpɔn ə́ pulu hɛn ma.»

Azaya 49:15

Nɛ̨ɛ̨nu a mɔ̨ɔ̨ pɛli lɛ̨ąi non dala ɓa? A mɔ̨ɔ̨ pɛli kpɛlai gwəi lon nwɛlila kɛɛ ɓa? Ə mą kɛ kɛ nɛ̨ąą da pɛli kɛ lɛ̨ąi, nwɛ́i və́ pai lɛ̨ąi yɛ́!

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Woolaa 4:10

Kɔnwɔleeɠaa, di lii nɛ̨ɛ̨ di kwəi, kɔ̨nɔ̨n bulu kolo ɓa, diɛ di wɛlikɛmąą lonnii yili diɛ mįi; di lonnii ɓə kɛ a di kɔ̨nɔ̨n mɔ̨nɔ̨ kɛnɛ̨i tii hu; Mąąhɔlɔɓo, nwɔ́ nu huwui, a kpɛla lɛlɛɛi, ɉu aa kala.

Woolaa 2:19

'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Ɉeremi 22:19

Di kaa pai bowa looi yɛ bələi da hoohvaalən now la, di kaa pai bowa yalai di bili Ɉerusalɛmə taa mąąkpɛ hį́i gbon bulu pələ.»

Izikiɛ 16:6

Ŋą́ kɛi tɛɛ ɓɛi ə́ kɛ laa nąą kwɛlɛ, ŋį́ ə́ kaa, yɛ́ ə́ mąą kɔ̨ŋɔ̨ ə́ ɲąmą hu; ya ɓə ŋį́ kɛ yɛ́, a ɓɛlɔwai ə́ kɛ laa ə́ ɲąmą ti hu: 'yɛnɛ̨ɛ̨ kɛ! A ɓɛlɔwai kpɔ ti ə́ kɛ laa ə́ ɲąmą hu, gɛ́ yɛ́: 'lɛɛ yɛnɛ̨ɛ̨.