Izikiɛ 16:45 - Yálá laawoo hɛɓɛ (dc)

⁴⁵ Nɛ̨ɛ̨nui ɉilɛ da nonnii di wɛli ə kpɛɛ mą, mąą nɛ̨ɛ̨nui lon nɛ̨ɛ̨nu ɓaa a yɛ́. Ə́ liɛnii tii, di hilɛni da di lonnii di wɛli kpɛɛ diɛi, di ləɠə ɓaa yɛ́. Ka lee ə kɛ a Hɛtə nɛ̨ɛ̨nu; ka nąn ə ɓo a Amɔrə mun.

Yálá laawoo hɛɓɛ

⁴⁵ Nɛ̨ɛ̨nui ɉilɛ da nonnii di wɛli ə kpɛɛ mą, mąą nɛ̨ɛ̨nui lon nɛ̨ɛ̨nu ɓaa a yɛ́. Ə́ liɛnii tii, di hilɛni da di lonnii di wɛli kpɛɛ diɛi, di ləɠə ɓaa yɛ́. Ka lee ə kɛ a Hɛtə nɛ̨ɛ̨nu; ka nąn ə ɓo a Amɔrə mun.

Bible

⁴⁵ Íkaa a ílee ǹóŋ nɛnî, nyii a ŋɔsurɔ̂ŋ da ǹônii kpɔarâi. Íkaa yɛ̂ɛ ílîa nɛyãai dílîa-nɛnî, nyii ŋai da dísinaai da dínîa-pɛlɛɛi kpɔarâi. Kálee ƃe kɛ a Ita, kánâŋ kɛ ƃo a Amɔŋ.

Izikiɛ 16:45 Referans Kwoze

Zakari 11:8

Yili pulu, ŋį́ daatɛlɛɛ pulu nuą haaɓai yee kulɔ ɲąnin dɔ̨nɔ̨ yeemu. Ɛlɛɛ, níí hvo kɛa lɛɛ a naa daatɛlɛɛɠaa pɔ, diɛ kpɛli mąn, di hvii ə kpɛɛ mą́ą́ mɛ̨nį hu.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Izikiɛ 23:2

Hulɔnu lon, nɛ̨ąą hveelɛ di kɛ laa, diɛ ɓo a lee lon dɔ̨nɔ̨.

Izikiɛ 16:15

«Kɛlaa ə́ ə́ kili lɛɛ ə́ lɛlɛ pələi ti ɓa; ɛlɛɛ, bələi ə́ laa ə taɠa la, bələ lɔ ɓə ə́ túwɔ pələ ɲɔ̨n gulɔ la. Ə́ nu kəlee ɲɛ̨i kwɛli, wɛli mɛ̨nį hu; ə́ ɓo di yəi.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Dutɛrɔnome 12:31

Ka hvə di pɔɔ kɔ́ɔn, Yai-Laa ka wɔ Yálái mąąwiɛ mɛ̨nį hu. Mąąhɔlɔɓo, mɛ̨nįɠaa kpɔ da ɓaɠi lii tɛ a Yai-Laa, mɛ̨nįɠaa kpɔ di wɛli kpɛɛi mą, ya ɓə nu huwui tii ə kɛi gɛ di wɔ hali mąąwiɛ pələ hu; diɛ di lon ɉinąą da di lon nɛ̨ąą kələn di wɔ haliɠaa diɛ.

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Lonon mo 21:5

Nuą diɛ Yálá da Moisə di laa ɲɔ̨nwɔ̨ɔ̨ ɓo, diɛ kɛ diɛ: «Lə ɓə kɛ yai, ka ku kulɔ Eziptə lɔi hu, kaa pa a kuɔ ɓɛ ku nwun na pili mɛ̨nį ɓa? Kuɔ haa nɔi pun ɉu ɓɛ? Kɔ̨nɔ̨n və lɛɠɛ li ɓɛ, yá hvo lɛɠɛ li ɓɛ? Gɔ̨nɔ̨n mąą laɠiɛ ŋɛ̨i kun aa hee ku hu.»

Izikiɛ 16:3

'Kɛ́ diɛ: mɛ̨nįi Yai-Laa, gu wɔ Yálá kaa moi Ɉerusalɛmə ɓa, ya ka: ə́ huwu mɛ̨nį hu, da ə́ káá pələ hu, Kanaan lɔi kaa a ə́ kalaɓɔlɔ ni di wɔ lɔi; ə́ nąn ə kɛ a Amɔrə mun, ə́ lee ə ɓo a Hɛtə nɛ̨ɛ̨nu.