Izikiɛ 16:40 - Yálá laawoo hɛɓɛ (dc)

⁴⁰ Di kaa pai nu kpulu ɲąątɔɔi yɛ́, diɛ ə́ hɔɔ a kwɛni. Diɛ ə́ ɓɛla ɓɛla a di wɔ ɓɔwa kwɛa kwɛaɠaai.

Yálá laawoo hɛɓɛ

⁴⁰ Di kaa pai nu kpulu ɲąątɔɔi yɛ́, diɛ ə́ hɔɔ a kwɛni. Diɛ ə́ ɓɛla ɓɛla a di wɔ ɓɔwa kwɛa kwɛaɠaai.

Bible

⁴⁰ “Da pâi ǹûai líi mu-siɣei dítɔɔ kâa, díka sɔ́ɔ a kɔni, díka tée-tèe a gbùa-kpûa a díƃoa-sɔkpɔ-ŋai.

Izikiɛ 16:40 Referans Kwoze

Izikiɛ 23:47

Ɲąąkpɔn ɉu nuą di di hɔɔ a kwɛni, di di paa a ɓɔwa kwɛaa; di di lon ɉinąą da di lon nɛ̨ąą paa; di di wɔ pɛlɛ́ɠaai kələn.

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Izikiɛ 23:10

Lɛani di gbuwulu ɓo; di non ɉinąą da non nɛ̨ąą həɠə; yai ti nwɛi, di baa a kɔ́ kɔ́ ɓɔwa; ə kɛ a kɔ́ɔnmąą mɛlaa nɛ̨ąą ɲɛ̨i ɓa; yii ə gwɛli, di naa mą.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Kɔlɔnikɔ Veerɛi 36:17

Yai-Laa ə Kalde tɔɔɓɛlaa ŋąątɔɔ diɛ a kɔ́. Kalde nuą di di wɔɔ hilɛlɛaɠaa paa gɛɛnąą mąąhəɠɛɛ ɓa a kɔ-kɔ ɓɔwa; di hvo kpɛli ɉilɛlɛaa da nɛ̨ɛ̨lɛaa mąąwɛli kaa, ə mą kɛ, a ɉulɔgoloɠaa da nu mąąpɔlɔɔɠaa. Yálá ə di kəlee di lɔ Kalde nuą yee ŋą.

Izikiɛ 23:25

Ŋą́ tóló kulɔ a yɛ́, diɛ ə́ hɔɔ a líiholi. Di kaa pai ə́ huŋɔ̨ teei yɛ́, da ə́ wəliɠaa. Ə́ hu nuą gbəlii a lɛɛ, ɓɔwa kwɛaa yɛ di paa; di kaa pai ə́ lon ɉinąą da ə́ lon nɛ̨ąą həɠəi, ɛlɛɛ, ə́ kpəlii pai lɛɛi nwɔ̨n ə gələn.