Izikiɛ 16:39 - Yálá laawoo hɛɓɛ (dc)

³⁹ Gáá pai ə́ tooi di yee ɲą, di ə́ wɔ haláá kulɔiɠaai ɓuwɔ, diɛi ə wɔ hali kɔ́iɠaai wolo, diɛ ə́ mąą həɠəɠaa kulɔ yɛ́; diɛ ə́ mąąyili hɛnŋą́ą́ həɠə, diɛ ə́ lɛɛ a ə́ kpuwulu, həɠə hva kɛ yɛ́.

Yálá laawoo hɛɓɛ

³⁹ Gáá pai ə́ tooi di yee ɲą, di ə́ wɔ haláá kulɔiɠaai ɓuwɔ, diɛi ə wɔ hali kɔ́iɠaai wolo, diɛ ə́ mąą həɠəɠaa kulɔ yɛ́; diɛ ə́ mąąyili hɛnŋą́ą́ həɠə, diɛ ə́ lɛɛ a ə́ kpuwulu, həɠə hva kɛ yɛ́.

Bible

³⁹ Ŋa pâi ká tɛɛ̂i ká wɛ̂li-ŋai pɔ́ díka wulu-wulu kɛ kwaa ŋai m̀â da káɣâla-pɔɔkɔŋ fɛli kwaa-ŋai m̀â wólo. Da pâi ká maa ɣiri sãa-sɔ̃ɔ kpanaŋɔɔi kulâi kâa. Díka maa-ɣiri-kɔyɛŋ-ŋai siɣe díka lɛɛ a kákaŋ.

Izikiɛ 16:39 Referans Kwoze

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»

Izikiɛ 23:26

Di kaa pai ə́ mąą həɠəɠaa kulɔi yɛ́, diɛ ə́ mąą yilihɛnŋąą həɠə.

Izikiɛ 23:29

Di kaa pai ə́ hon ɉii a yowolaa, diɛ ə́ tɔ̨nɔ̨ kəlee kulɔ ə́ yəi; diɛ ə́ lɛɛ a ə́ kpuwulu, həɠə hva kɛ yɛ́, ə́ wɔ tuwɔ pələ ɲɔ̨nŋąi diɛ kulɔ pɔ̨nɔ̨ ɲą, yili yɛ kɛ a ə́ nwumɛ̨ mɛ̨nį.

Izikiɛ 16:31

Ɓɛlɔwai ə́ ɉaláá kulɔi pɛli la bələ taŋan na kəlee ɓa, yɛ́ hali kɔ́i pɛli gwəli hą́ą́ kəlee ɓa, hvo kpɛli kɛi gɛ yɛ wɛlikɛ nɛ̨ɛ̨nu leelee, yai nwɛi a wali hon nuą́ yəi.

Azaya 27:9

Bələ ɓə Ɉakɔbə nwɔ nɛ̨ŋɛ̨n kaa pai waai laa mą; mąąhvaalɛɛi di mo, bələ ɓə dɔlɔ kaa pai kɛi la, gaa pai ɉaláá kulɔi kwɛniɠaa hon ɉii, yɛ kwɛni a kɛ a gələn ŋąą da ya pu mą; di hva kɛa ɉaláá wuluɠaa da hvóló mąą nįnįnŋąą haŋą di hvo dɔɔ.

M̀ɛni-lɛɛi 17:16

Mįnɛ̨ powi tii ə́ gaa, ɛlɛɛ, da ɉuwɔi tii, di kaa pai wɛlikpɛɛmąą laa kulɔi a nwɛlikɛ nɛ̨ɛ̨nui, di kaa pai mąą hɛnŋąa kəlee kulɔi mą, di nɛɛ a gbuwulu. Di kaa pai ɉuwɔ mįi, ɛlɛɛ, di gələn a nwɔ̨n.

Levetekɔ 26:30

Gɛ́ ka wɔ hali kɔ́iɠaai taɠa, ɉaláá kulɔi ka kɛ lansan kələn ɉi laa, gɛ́ nąą kala, gɛ́ ka powaɠaa tiɛ̨ ka wɔ haliɠaai mɛ̨i, gɛ́ yowolaa kulɔ la tii a kaa.

Osia 2:5

A wala gɛ tii, gáá pai həɠə kulɔi mą, ə lɛɛ a gbuwulu, gɛ́ nɛɛ lɔ yɛ bələi wɔlɔ ə kɛ la a gaa yələ. Ŋį́ gɛ yɛ lɔi pun, ŋį́ gɛ yɛ gbali a kələn, gɛ́ gɛ, yɛ haa la a kpələ wɛli.