Izikiɛ 16:32 - Yálá laawoo hɛɓɛ (dc)

³² Ə́ kaa yɛ wɛlikɛ nɛ̨ɛ̨nu, yai a nwɛ̨ą wɛli la kɛ ə́ tɛɛ ɉilɛ ɓa.

Yálá laawoo hɛɓɛ

³² Ə́ kaa yɛ wɛlikɛ nɛ̨ɛ̨nu, yai a nwɛ̨ą wɛli la kɛ ə́ tɛɛ ɉilɛ ɓa.

Bible

³² Kákaa nɔ yɛ̂ɛ wulu-wulu kɛ nuu nyii a wulu-wulu kɛ a ŋɔyâ é tée ŋɔsurɔ̂ŋ pôlu.

Izikiɛ 16:32 Referans Kwoze

Ɉeremi 2:28

Israɛlə! Ɉaliɠaai ə́ di pɛli, di kaa mį? Mo diɛ, di di muhəɠə, akɛ da pɛli ə́ kulɔi ə́ wɔ mąąwɛli laa hu. Ékə́ Ɉuda! Hvo gaai, ə́ wɔ haliɠaa daa tamą lɔ yɛ Ɉuda taaɠaa.

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Osia 2:2

Ɉuda lonnii da Israɛlə lonnii di kaa pai pɛlɛi di kee ɓa, nu tɔ̨nɔ̨ ə ɓo di yəi a di ɲąąwooɓomun, diɛ hee lɔi kəlee mɛ̨i; mąąhɔlɔɓo, Izreɛlə nwɔ hvólói a kɛ a hvóló kɛnɛ̨.

Izikiɛ 23:45

Kɛlaa, tələnmo nuą kaa pai di kiti teei yɛ bələi da wɛlikɛ nɛ̨ąą kiti tee la, da nɛ̨ąąi da ɲąmą pu; mąąhɔlɔɓo ɲąmą pɔɔ kaa di yee ɓa.

Izikiɛ 23:37

Mąąhɔlɔɓo daa di hilɛ hvulu, daa wəli hon, ɛlɛɛ, ɲąmą pɔɔ kaa di yee ɓa; di too wəli mɛ̨nį hu da di wɔ haliɠaai, di hvo nɛɛ li a yili; lonŋąąi kwa diɛni ku gaai, di di tɛɛ ɉaliɠaai ti pɔ, yiliɠaai diɛ di mįi.

Izikiɛ 16:8

Gɛ́ɛ́ tɛɛi ə́ kwɛlɛ, ŋą́ ə́ kaa yáá kpɛla kɛa. Ŋą́ nwɔ́ həɠə wəlii ta pɛlɛ ə́ mɛ̨i; ŋą́ ə́ kpuɠulu loo; ŋį́ nwóó kwɛlɛ yɛ́, gwa yɛ́ gu mįnɛ̨ həɠə, ə́ kɛ kɛa a nwɔ́ɔ́. Yai-Laa gu wɔ yálái woo li.

Ɉeremi 3:20

Kɛlaa, a tɛ̨ą, bələi lɔ wɛlikɛ nɛ̨ɛ̨nu a nwoo kala la mąą mun ma, bələ kpɔlɔɔ ɓə kaa ka woo kala la mą́ą́; kaai ɓaa Israɛlə lonni. Ɲą́ą́ Yai-Laa nwóó li!

Ɉeremi 2:25

Gɛ a nɛlɛɛ Israɛlə! Yáá kɛi gilɛ taaləi ŋɛ̨i həɠə, ə́ kaa pai ə́ kɔ́wɔ teei; ə́ kwąną kaa pai kpalai. Kɛlaa, ya ka tii, yɛ́ diɛ: «Máá kpaan və ɉu, nwɛ̨ąą ɓə di wɛli kaa mą́ą́, diɛ ɓə vílɛn ŋąą di pulu a gilɛ.»

Ɉeremi 3:1

Yai-Laa woo ka, yɛ diɛ: Hulɔnu a nɛ̨ą kulɔ lɔwɛi, mąąnɛ̨ɛ̨nui ə həɠə ɉilɛ pɔ, ə li ə hee hulɔnu takpɛli nwuɔ̨, akɛti, ɉulɔnu dɔlɔɔ tii a mɔ̨ɔ̨ pənə yɛ li Nɛ̨ɛ̨nui tii pɔ? Kpaa-o! Kɛlaa, yɛ́ Israɛlə; yɛ́i ŋɛ̨i yáá hvilɛn nu tamąą pulu, yɛ́ nwɔ̨nɔ̨ ə́ pənə ə́ pa bɔ́? Ɲą́ą́ Yai-Laa nwóó li!

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Izikiɛ 16:31

Ɓɛlɔwai ə́ ɉaláá kulɔi pɛli la bələ taŋan na kəlee ɓa, yɛ́ hali kɔ́i pɛli gwəli hą́ą́ kəlee ɓa, hvo kpɛli kɛi gɛ yɛ wɛlikɛ nɛ̨ɛ̨nu leelee, yai nwɛi a wali hon nuą́ yəi.

Izikiɛ 16:33

Wɛli hon nɛ̨ąą kəlee da kɛ di hala hɔlɔɓoi, kɛlaa ə́ wɛi, ə́ kɛi gɛ ə́ wɔ wɛliɠaai diɛ a mɛ̨inɛ̨ɛ̨; ə gɛ, diɛ həɠə kɛɛnąą kəlee, diɛ pa ka diɛni kaa laa.

Hanwon 7:19

Mąąhɔlɔɓo, ɉílɛ hvo bɛlɛ́ laaləi, aa li hiɛ kwɛa ɓa.