Izikiɛ 16:23 - Yálá laawoo hɛɓɛ (dc)

²³ «Hééɓo kəlee Nąmu woo ka, yɛ: Mɛ̨nį ɲɔ̨nŋaai tii kəlee kɛɛ pulu, ə́ nwun na ɲɔ̨nwɔ̨ɔ̨i, kpalo ɓɛlaai yɛ́.

Yálá laawoo hɛɓɛ

²³ «Hééɓo kəlee Nąmu woo ka, yɛ: Mɛ̨nį ɲɔ̨nŋaai tii kəlee kɛɛ pulu, ə́ nwun na ɲɔ̨nwɔ̨ɔ̨i, kpalo ɓɛlaai yɛ́.

Bible

²³ Ŋ̀wála-wâla kélee Yâwɛɛi è mò ǹyɛɛi, “Kpalo ƃelaai yâ a maa pɔlɔ-pɔlɔɔ, m̀ɛni-ŋai ní mɛ̂ni ma.

Izikiɛ 16:23 Referans Kwoze

M̀ɛni-lɛɛi 12:12

Yili ɓə gaa mą, yələkɔlɔn, 'ká kwəinɛ̨ɛ̨ kulɔ, ə mą kɛ, káái laa heeni. Kpalo aa ɓɛla lɔi da gboloyá diɛ, mąąhɔlɔɓo, nąnį aa yɛɛ di pɔ, niikələnŋąą gwəi, gili aa pu ɉu, yɛ kɛ, ŋą lɔwai hu hvo kwɛa li.»

M̀ɛni-lɛɛi 8:13

Ya ɓə, ŋą́ ɲɛ̨́i hee, ŋį́ kúwɔ ta koon ɉu tin mɛ̨n kpɔ ɲələi kwɛa la, yɛ mo kpɔ a nwoo kɛnɛ̨, yɛ kɛ: «Kpalo-o, kpalo-o! Kpalo-o, aa ɓɛla lɔi da ɉu heeɓo nuą diɛ, malaka haaɓai daa lɛɛ pulu, diɛ pai di wɔɔ tuluɠaa hvɛɛi mąą mɛ̨nį ɓa!»

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Sofoni 3:1

Kpalo ɓɛlaai gulɔ nwoo mu taa ŋɛ̨i ɓa, a yaa ŋɛ̨i gɔhɔɓoɔ, yɛ nwąnąlɔɔ kulɔ!

Izikiɛ 24:6

Mąąhɔlɔɓo, Mɛ̨nį kəlee ŋą Hééɓomun Yálá yɛ: Ɲąmą pu taa nɛ̨ŋɛ̨n naai, gɛ pələ kaa yɛ kwɛli ləɠi yii ɓɛ̨nɛ̨ aa hee mą, ɛlɛɛ, di hva pɛli gulɔi ma. Ɉuɓo, yɛ́ ɉuwɔ kpuwulu kulɔ ɉu tɛi tɛi, hvo da lɛɛ ɉu, mąąhɔlɔɓo, hu yɛɠɛ hvo ɉu.

Izikiɛ 13:18

Yá kɛ diɛ: Mɛ̨nį kəlee ŋą Hééɓomun Yálá woo ka: Kpalo ɓɛlaai nɛ̨ąąi ti diɛ; diɛi da həɠə-ɓɛlaɠaa hɔlɔɔn nu a yeekwąną kəlee nwɔɔ; diɛ nɛ̨ąą nwuɔ̨-ɓɔlɔ pɛli a nu tɔɔ nwun ɲą kəlee nwɔɔ; ə gɛ, diɛ pɛli nuą nį́į́ɠaa hon ɉi; ka káá bɔ ka nwɔ́ nu huwui nį́į́ hon? Ɛlɛɛ ka ka wɔɔ nį́į́ɠaai laa hɔnmo yɛnɛ̨ɛ̨?

Izikiɛ 13:3

Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Izikiɛ 2:10

Ə volóon ɲɛ̨́i ɓa, hɛɓɛ́ pɛ̨ɛ̨i kɛ bələ kəlee hveelɛi, woolaa wooɠaa ɓə kɛ bɛ̨ɛ̨ ɉu, nu ɲiŋɛ̨ woo da tomą wooɠaa.

Ɉeremi 13:27

Əkə́! Ə́ wɔ wɛli hon mɛ̨nįɠaa, ə́ tomą pələ a wɛli ɲąŋą kulaa, ə́ kpɔɔ tɛɛ mɛ̨nį hinąą pɔ, hvá mąn nwumɛ̨ ɉu, ɲeeɠaa nwuɔ̨, da ɲɛa kɔ́ɔɠaa hu, ŋą́ą́ yili kəlee naa kaa. Ə́kə Ɉerusalɛmə! Nwumɛ̨ aa tɛ yɛ́. Hvó bɔ, hvó ə́ gbɔwɔ mąąhəɠə, hvó hvilɛn búlú! Ə́ kaa pai lɛɛi yili hu ə lɛɛɉu lə yələ?

Izikiɛ 16:22

Ə́ wɔ ɓowo mɛ̨nįɠaai ti kəlee hu, da ə́ wɔ túwɔ pələ ɲɔ̨nŋąą, hvo kɛi ə́ kiliŋąhiɛ ə́ muhəɠə yələ ɓa, a ɓɛlɔwai ə́ kɛ laa a ə́ kpuwulu, həɠə hvo kɛ yɛ́, ə́ ɲąmą lɔɔ yɛ́ hɔwɔ hɔwɔ.

Izikiɛ 16:24

Ə́ haláá kulɔi tɔɔ, ə́ hali kɔ́i pɛli kwəli hą́ą́ kəlee ɓa.