Izikiɛ 16:16 - Yálá laawoo hɛɓɛ (dc)

¹⁶ Ə́ ə́ mąą həɠəɠaa həɠə, yɛ́ ɉalə kɔ́iɠaa mąą yili la, yɛ́ túwɔ pələ ɲɔ̨nŋąą kulɔ ɉu, ɉuwu ta hvo ta kɛ li, ɛlɛɛ da hvo pai kɛi.

Yálá laawoo hɛɓɛ

¹⁶ Ə́ ə́ mąą həɠəɠaa həɠə, yɛ́ ɉalə kɔ́iɠaa mąą yili la, yɛ́ túwɔ pələ ɲɔ̨nŋąą kulɔ ɉu, ɉuwu ta hvo ta kɛ li, ɛlɛɛ da hvo pai kɛi.

Bible

¹⁶ Í íseɣe-ŋai da siɣe íkɛ íɣâla fɛli kwaa-ŋai mâ m̀aa-ɣiri la íkɛ íkpîŋ tɛɛ wulu-wulu kɛ́ɛ su nyii da fé taa kɛ ni, kpaa máŋ nyii da fé pâi wɔ́lɔ kɛ̂i.

Izikiɛ 16:16 Referans Kwoze

Tɔɔɓɛlaa veelɛ 23:7

Ɉaláá wɛli kɛ nuą di wɔ pɛ́lɛ́i kɛ Yai-Laa hee pɛlɛ́ kwɛlɛ, Ɉosiasə ə nwolo; ɓɛi nɛ̨ąą di kɛi Asera nwɔ haláá həɠə pala laa.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Izikiɛ 7:20

Di kɛi di nwun dɛ di mąą yili hɛnŋaa hu, ya ɓə di di wɔ hɛn mąąnįnįn ɲɔ̨nwɔ̨ɔ̨ɠaai pɛli la, a gili kpɛɛ ɲəi hɛŋaai tii. Yili mąą mɛ̨nį ɓa, gáá pai di kɛi a di mąąluwu hɛn.

Kɔlɔnikɔ Veerɛi 28:24

Akazə ə Yálá nwɔ pɛlɛ́i mu hɛnŋąą ɲąąkpɔn, ə nwolo, ə Yai-Laa nwɔ pɛlɛ́i laakpulu, ə nɛɛ mą ə haláá kulɔiɠaa pɛli Ɉerusalɛmə bələ taŋąnŋąą kəlee la.

Azaya 57:7

Ya ə́ laa gbin bɛli yee tɔɔɠaa nwuɔ̨, nąą ɓə ya tɛ laa, yɛ́ hɛlaa kulɔ laa.

Izikiɛ 16:15

«Kɛlaa ə́ ə́ kili lɛɛ ə́ lɛlɛ pələi ti ɓa; ɛlɛɛ, bələi ə́ laa ə taɠa la, bələ lɔ ɓə ə́ túwɔ pələ ɲɔ̨n gulɔ la. Ə́ nu kəlee ɲɛ̨i kwɛli, wɛli mɛ̨nį hu; ə́ ɓo di yəi.

Izikiɛ 16:17

Ə́ mąą yili hɛnŋąą lɛlɛɛi ŋį́ dɛɛ ə́ pɔ a hɛni da wali, ə́ di həɠə yɛ́ di kɛ a hinąą hɛn mąąnįnįn, yɛ́ túwɔ pələ ɲɔ̨n gulɔ la.

Ɉeremi 2:10

Ka li Kitimə ɲa lɔwai lɔiɠaa hu, ka kɛɛ mąąkpɛɛ, ka tiɓo kə mun Kedarə Arabə lɔi hu, ka kɛɛ mąąni kɛ, ka naa kaa, akɛ mɛ̨nį taaləi tii aa ta kɛ;

Izikiɛ 23:1

Yai-Laa woo ə həli mą́ą́, yɛ mą́ą́:

Osia 2:10

Hvo kɛ gbaɠala kɔ́lɔn yɛ kɛ mɔ̨nun, wulɔ, lɔɔ nɛ̨ɛ̨, ɲą́ą́ ɓə kɛi di tɛɛ bɔ, ŋį́ kɛi wali tiɛ̨ mą, ɛlɛɛ, ɉɛni nwɛi, di kɛi Baalə mąą mɛ̨nį kɛ la.