Izikiɛ 16:11 - Yálá laawoo hɛɓɛ (dc)

¹¹ Ŋį́ ə́ mąą yili hɛnŋą́ą́ kɛ yɛ́; ŋį́ da too ə́ yee kwąną; ŋį́ da too ə́ kɔ́nma.

Yálá laawoo hɛɓɛ

¹¹ Ŋį́ ə́ mąą yili hɛnŋą́ą́ kɛ yɛ́; ŋį́ da too ə́ yee kwąną; ŋį́ da too ə́ kɔ́nma.

Bible

¹¹ Ŋá kɔyɛ̂ŋ tôo yâ. Ŋá yée-kwana-kɔli tòo íyee mâ. Ŋá yɔlɔ tòo íkɔŋ mâ.

Izikiɛ 16:11 Referans Kwoze

Zɛnɛse 24:22

Yii kɛa ɲɔ̨nwɔ̨mɛ̨ɛ̨ɠaa kəlee di di kpələ, ɉulɔnui tii ə gbono tɛɛ Rebeka pɔ ə ɓo a hɛni, mu wiaa, ɛlɛɛ, da yeeɓa kwɛli hveelɛ di ɓo a hɛni, gəlee hveelɛi mu wiɛ yee ə ɓo tanɔ̨n.

Azaya 3:19

Wəlii kwɛliɠaa, yee kwąną kwɛlii a yɔwɔn bɛlɛɛ, da nu nwun mɛ̨i kpulu həɠə ɓɛla pɛlɛɛ,

Zɛnɛse 41:42

Tɔɔmun ə nɛɛmą, ə nwɔ tɔɔ gbonoi kulɔ ɲee ɓa, ə doo Ɉosɛfə yee ɓa. Ə tɔɔ həɠə too Ɉosɛfə kwąną, ə hɛni kwɛɛn doo gwąną.

Zɛnɛse 24:47

Ya ɓə ŋą́ kɛ mą: ‹Gbɛɛ lon maa a yɛ́?› Yɛ mą́ą́: ‹Betuɛlə lon nɛ̨ɛ̨nu ɓaa a ɲą́ą́, Betuɛlə kaa a Nahɔrə da nɛ̨ą Milka di lon ɉulɔnu.› Nąąlɔwai ɓə ŋą́ kwɛli too la ɉunwɛ̨i, ŋį́ kwɛli too ɲee kwaną.

Hanwon 1:9

Mąąhɔlɔɓo, da kɛ ə́ nwun ma a nwun nanɛ̨ɛ̨ ɓɔlɔ, diɛ ɓo ə́ kɔn ma a kwɛɛn.

Izikiɛ 23:42

Di kɛi nu kpulu kɛnɛ̨ tin mąn, diɛ kwəinɛ̨ɛ̨ kulɔ, mɛ̨nį hvo kɛ di wəli pulu; nu kpulu kɛnɛ̨ ta kpɛli ə pa ə pɛlɛ yiliɠaai diɛ, diɛ həɠə nɔi pun ɉu pələ kəlee pɔ; di kɛi yee kwąną kwɛli too nɛ̨ąą yee ɓa, diɛ tɔɔɓɔlɔ lɛlɛɛɠaa lɔ di nwuɔ̨.

Lonon mo 31:50

Yili mąą mɛ̨nį ɓa, ɉɛnŋąąi kpɔ ku di kaa a hɛni, ku kaa pai a diɛ a Yai-Laa kɔ́ hɛn, ku mąąhəɠə mɛ̨nį ɓa Yai-Laa yəi, ə kɛ a yee kwaną kwɛli, ə kɛ a gbono, ə kɛ a kɔ́wɔ ɓa kwɛli, ə mą kɛ a wəlii kwɛli.»

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

M̀ɛni-lɛɛi 4:4

Dɔɔkpəlin tii kwɛlɛ, tɔɔkpəlin pɔw-hveelɛ-kɔw nąąn ə kɛ laa, ɛlɛɛ, kalanɉon pɔw-hveelɛ-kɔw nąąn ɉəɛ dɔɔkpəlinŋaa tii hu, həɠə kwɛlɛɛ ə ɓo di kwąną, ɛlɛɛ, hɛni ɓɔlɔ pɛlɛɛ di nwuɔ̨.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Osia 2:13

Gáá pai nwɔ kwəinɛ̨ɛ̨ mɛ̨nįɠaa kəlee kpɛlai, da nwɔ hɛliɠaa, da nwɔ ɲąnįn ninɛ̨ hɛliɠaa, da nwɔ hvįįtɔɔ yələɠaa, da nwɔ hɛli kpɛa-kpɛa kɛ yələɠaa kəlee.

Danîa 5:29

Ɲąąɓa, Bɛlsasarə ə mo, yɛ diɛ: «Di nini kɔ́lɔ həɠə too Daniɛlə kwąną, di hɛni kwɛan doo gwąną, ə lɛɛ, di noloɓo kɛɛnąą kəlee, diɛ mą: ‹Dɔɔlaa nwɔ ŋaawooɓo ɉaaɓa kɛɛnąą kaa ɲəi.›»

Danîa 5:16

Ŋą́ą́ mɛ̨n diɛ, ya pɛli mą ə́ ɉukulɔ, ə lɛɛ, yɛ́ mɛ̨nį walawalaɠaa hon bələ kpaɠala lɛ. Yiihu kɛa, akɛ ya pɛli ə́ ɉɛɓɛ́i ŋɛ̨i ɓo, ə́ ɉukulaa lɛ mą́ą́, ŋą́ nini kɔ́lɔ həɠə too ə́ kwąną, ŋą́ hɛni kwɛan doo ə́ kwąną, ŋą́ nwɔ́ tɔɔlaai ɲąąwooɓo ɉaaɓa kɛɛnąą tɛɛ ə́ pɔ.»

Danîa 5:7

Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Izikiɛ 23:40

Yili pulu di nuą təli diɛ həɠə kwɛa la, di nu tɔɔ kpɔ di pɔɔli, mąą nuą ka ti daa pa, diɛi ə́ ə́ waa di mąą mɛ̨nį ɓa, yɛ́ pə́ną́ laa ə́ ɲɛ̨i kɔ́n bulu; yɛ́ ə́ mąą yili.

Woolaa 5:16

Ku wɔ tɔɔlaai aa pu. Oo kə! Kpalo aa ɓɛla kuɔ, Mąąhɔlɔɓo, kwaa nɛ̨ŋɛ̨n ɉəɠə.

Azaya 28:5

Mąą yələi tii, Yai-Laa Mɛ̨nį Kəlee ŋą Hééɓomun, a kɛ a ɓɔlɔ ɲɛ̨i tɔɔ, ya ɓə a kɛ a nwɔ nu huwui gbəli nwɔ tɔɔ ɓɔlɔ, da mąąyili hɛn;

Azaya 3:21

yee kpuɔ ɓa kwɛli, hunwɛ̨i kwɛli,

Wɛli 4:9

Nwɛli! Ə́ ɲɛ̨i heei mą́ą́ tanɔ̨n a níi ɓɛla mą́ą́, ŋą́ ɲɛ̨i hee lɔ ə́ kɔ́n mįnįin ma, va gbɔ́wɔ́ hɔlɔɓo.

Wɛli 1:10

Ə́ kumɔ̨ lɛlɛɛi, nwəli kwɛliɠaa lɔwai, gbɛɛgɔw kwɛɛn ŋɛ̨i ə́ kɔ́nma aa ə́ kɔ́n mąą hon.

Hanwon 25:12

Kilimąą mun a nu hɔn doo, yá ə́ nwəli tɔɔ mą a nɛlɛɛ, gaa yɛ hɛni gbono da hɛni kwɛɛn.

Hanwon 4:9

A hee ə́ nwun ma a nwun na nɛ̨ɛ̨ kalan. Ə kɛ ə́ yəi yɛ tɔɔɓɔlɔ.

Zôo 42:11

Niɛni hinąą, da mąąhalani, da gɔlɔn nuą kpɔ tii kɛ tɔlɔɔ-tɔlɔɔ, di pa di woo pilii ma. Da diɛni di hɛli pu ɲəi bɛlɛ́n, diɛ di woolaa mɔ̨nɔ̨ kɛnɛ̨i tii Yai-Laa ə naa mą, mąą mɛ̨nį ɓa. Yili pulu nu tɛitɛi ə mɛ̨inɛ̨ɛ̨ kɛ mą a wali kpuwuluɠaa, da hɛni gbonoɠaa.

Nwun mąąɓo 8:24

Yili pulu, Zedeɔn yɛ nwɔ̨nɔ̨ diɛ: «Mɛ̨nį tɔ̨nɔ̨ ɓə gáá ɉu hvɛli kaa, ya ɓaa: Gɔ́ honŋaai tii ka ɉɔlɔɓo, nu kəlee ə gbono tɛitɛi kulɔ ɉu, ə dɛɛ bɔ́.» Ə mo tii diɛ, mąąhɔlɔɓo, nuąi tii də li gɔ́ pɛlɛi diɛ, di kɛ a Ismaɛlə nu huwu, hɛni gbono ə kɛ gəlee yee ɓa.

Levetekɔ 8:9

Ə mɔlɔ lɔ nwuɔ̨, ə nwulu powa mąą nįnįn tii a ɉɛni, ə ɉee mɔlɔ ɓa dɔwɔ pələ. Bələ ɓə da gɔlɔn na, diɛ kɛ gaa a Yálá nwɔ nu mąąhəɠɛɛ, yɛ bələi Yai-Laa ə Moisə tí la.

Lɛɛ gbɔwɔ ɓa 35:22

Hinąą da nɛ̨ąąi kɛ di kwəinɛ̨ɛ̨, di kɛi pa a di wəlii kwɛliɠaa, gbonoɠaa da kwɛɛnŋąą, gəlee di ɓo a hɛni, diɛ Yai-Laa kɔ́ la.

Lɛɛ gbɔwɔ ɓa 32:2

Aarɔn yɛ diɛ: «Nwəlii kwɛliɠaa tii ka nɛ̨ąni, ka lonnii hinąą da ka lonnii nɛ̨ąą wəlii a hɛni, ka pa a diɛ bɔ́.»

Zɛnɛse 35:4

Nu kəlee di di yee kulɔ di wɔ haliɠaai hu, di dɛɛ Ɉakɔbə pɔ, da di wəlii kwɛliɠaai kəlee. Ɉakɔbə ə ɉɛnŋąąi tii kəlee loo wulu kɛnɛ̨ ta mu Sisɛmə daa kpala.

Zɛnɛse 24:53

Yili pulu, ə nwɔ tiɛ̨ɠaai laa hvólóon, mąąyili hɛnŋąą di kɛ ɉu a wali kwɛli, hɛni ɛlɛɛ, da həɠəɠaa; ə gəlee tɛɛ Rebeka pɔ. Ə hɛn gɔw kɛnɛ̨ tɛɛ Rebeka nee da niɛ hulɔnu di pɔ.

Izikiɛ 16:17

Ə́ mąą yili hɛnŋąą lɛlɛɛi ŋį́ dɛɛ ə́ pɔ a hɛni da wali, ə́ di həɠə yɛ́ di kɛ a hinąą hɛn mąąnįnįn, yɛ́ túwɔ pələ ɲɔ̨n gulɔ la.