Izikiɛ 15:7 - Yálá laawoo hɛɓɛ (dc)

⁷ Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Yálá laawoo hɛɓɛ

⁷ Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Bible

⁷ Ŋa pâi díkula maa kɛ̂i. Berei máŋ díkula la ŋɔŋ sui, ŋɔŋ a pâi dí kereni. Ǹyaŋ tãi ŋa pâi díkula maa kɛ̂i lai, ka pâi gɔlɔni a gɛɛ ńyãa ƃa Yâwɛɛ.

Izikiɛ 15:7 Referans Kwoze

Izikiɛ 14:8

Ŋą́ hee mąą nu hu, yɛ kɛ a nui da mɛ̨nį kɔ́ɔn mą, ɛlɛɛ ŋį́ gulɔ nwɔ́ nu huwui lɔwai; ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Azaya 24:18

Nui pai pui mąąɲɔw woo tɔwɔ, a too nowa hu, nui pai kulɔi nowa hu, a kɔ́ a maalə. Yələ kpon aa tee, lɔi kɔ́wɔ hvilɛn ɉiiɠaa diɛ kpɛlin.

Mąątɛ̨nɛ̨ 34:16

Yai-Laa a ɲɛ̨i lɛlɛɛ hee tələnmo nuą diɛ, nwəli tɔɔ di woo ɓa.

Izikiɛ 6:7

Nuą kaa pai kɛi tooi ka lɔwai a di pɔwa; bələ ɓə ka ɉu kɔ́lɔn na kaa kɛ, Yai-Laa ɓaa a ɲą́ą́.

Ɉeremi 21:10

Yai-Laa yɛ diɛ: A tɛ̨ą, gáá pɛlɛi daa ŋɛ̨i ɓa, gɛ́ mɛ̨nį nwąnąą laa mą, və́ nɛlɛɛ laai mą. Gáá dooi Babilonə tɔɔmun yee ŋą, ə gələn.»

Tɔɔɓɛlaa dɔlɔɔ 19:17

Nui lɔpe pai kulɔi Hazaɛlə nwɔ ɓɔwai yee wolo ɓa, Ɉehu a baa, nui lɔpee pai kulɔi Ɉehu yee wolo ɓa, Elise a baa.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Amɔsə 5:19

Volói tii kaa yɛ: nu aa kɛi gilɛ həɠə Yala tɔwɔ, ə li ə kwiɛn a Kwɛ́li. Gaa yɛ: nu a lɔ pɛlɛ́n, aa kɛi kɛ ə ɲee pɛlɛ bɛlɛ ɓa, kaalə ə ɲin.

Izikiɛ 20:44

Ka gili kɔ́lɔn kaa kɛ, ɲą́ą́ ɓə gáá a Yai-Laa; a ka hon gáá pai moi, a nɛlɛɛ, náá mąą mɛ̨nį ɓai. Vá gíli lɛɛ ka túwɔ pələ ɲɔ̨nwɔ̨ɔ̨, da ka yíi pələ mąąliɓiɛ hu. Mɛ̨nį kəlee ŋą Hééɓomun Yálá woo li.»

Izikiɛ 20:42

Ka gili kɔ́lɔn kaa kɛ ɲą́ą́ ɓə gáá a Yai-Laa, a pai gáá pai moi a kaa Israɛlə lɔi hu, a nɔi ŋɛ̨i ŋą́ gwɛ́la ɲéé tɛɛ yələi, gɛ́ kɛ ŋą́ dɛɛ ka nąnni pɔ.

Izikiɛ 20:38

Nuąi di kwɛli tee, diɛ kulɔ nwóó mui, ŋą́ di kulɔ ka lɔwai; ɓɛi dəli di mąą kilɛi laa, ŋą́ di kulɔ laa, kɛlaa di hva lɔ Israɛlə lɔi hu, bələ ɓə ka gili kɔ́lɔn na kaa kɛ ɲą́ą́ ɓə gáá a Yai-Laa.

Izikiɛ 11:10

Ka káá pai haai a kɔ́ kɔ́ ɓɔwa laa pɔɔ, gáá pai ka kiti teei ɓɛ Israɛlə lɔi hu. Ɲələ ka gili kɔ́lɔn kaa kɛ diɛ, ɲą́ą́ ɓə gáá a Yai-Laa.

Mąątɛ̨nɛ̨ 9:16

Hį́i takpɛliɠaa di wɔ lɔwai di dee, diɛ kpinįi, daa too ɉu, maaləi di dɛ, di kɔ́wɔ ɓə kɔ́ la.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Izikiɛ 7:4

Və́ pai ə́ ɲɛ̨imąąwɛli kaai; və́ pai ə́ mąąhvaalɛɛi; gáá pai ə́ hɔn dooi yɛ́; yɛ́ ɓowo tuwoɠaai kaa lɔ pai lɛɛi nɔi hu; ɛlɛɛ, ka gili kɔ́lɔn a mąą yələ kaa kɛ Yai-Laa ɓaa a ɲą́ą́.»

Izikiɛ 5:8

Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.

Izikiɛ 15:6

«Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ diɛ: Bələi lɔ ti ŋą́ viɲə too la nwɔ̨n ɉu, və́ gɛli a lɔwɔ kwɛi ta kpɛli, bələ lɔ ɓə gáá Ɉerusalɛmə kələn ɉi la.

Izikiɛ 19:12

Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.

Izikiɛ 33:29

Di kaa pai gili kɔ́lɔn ɉii, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai nɔi kɛi laa a lɔi pun, mąąwɛliɛ; di wɔ kɛɛ kala mɛ̨nįɠaai kpɔ di gɛ, gəlee mąą mɛ̨nį ɓa.