Izikiɛ 15:2 - Yálá laawoo hɛɓɛ (dc)

² «Hulɔnu lon, lə ɓə a viɲə wulu hviɛla ɓo yɛ tɛɛ la wulu ta kpɛliɠaa diɛ; yɛ nwonwo hviɛla ɓo lɔwɔ wulu ta kpɛliɠaa wonwo ɓa?

Yálá laawoo hɛɓɛ

² «Hulɔnu lon, lə ɓə a viɲə wulu hviɛla ɓo yɛ tɛɛ la wulu ta kpɛliɠaa diɛ; yɛ nwonwo hviɛla ɓo lɔwɔ wulu ta kpɛliɠaa wonwo ɓa?

Bible

² “Núu-kpune ǹóŋ, yâ pɔri kpɔmɔ kɔɔ̂ŋ ni léŋ wolâai wuru woŋo ma?

Izikiɛ 15:2 Referans Kwoze

Osia 10:1

Israɛlə ə kɛ a viɲə lɛlɛɛ, yɛ ɓa kpɔ kɛnɛ̨. Kɛlaa, ma ə kɛi lɔ tamą, yɛ hali kɔ́iɠaa tamą; Hɛn gɔw ə kɛi lɔ kɛnɛ̨ nwɔ lɔi hu, yɛ nwɔ hali kɔ́iɠaa mąąyili a ɲɛ̨i tɔɔ.

Ɉeremi 2:21

Ŋą́ ə́ kɛ a tíi lɛlɛɛ, ŋį́ hihɛn ɉuwu lɛlɛɛ hin yɛ́. Ə kɛ pələ kɛ ləi yaai, mąą aa pənə a hihɛn ɉuwu ɲɔ̨nwɔ̨ɔ̨, yii və́ gɔlɔn?

Wɛli 7:12

Nwɛ́likɛmąąmun! 'Pa! 'Pa gwəli ɲagbudɛn nwun ɉu, gu yíi laa.

Wɛli 6:11

Ŋą́ li ɉihɛn ɲɛa, ŋį́ yɛɛ ɉihɛn bɛlɛɛɠaa mɛ̨i kaa moloon ɉu, akɛ viɲəɠaa kaa kpuwun ɉii, akɛ gaani wuluɠaa daa powa.

Wɛli 2:15

Ka gɛlɛnŋaa tii hon! Ka gɛlɛn bɛlɛɛɠaa tii hon, diɛi da kɛ viɲə kalai. Mąąhɔlɔɓo, ku wɔ viɲəɠaa daa powa.

Zakari 11:2

Siprə wulu, 'ɲiŋɛ̨, mąąhɔlɔɓo, ə́ wɔ kpitiliɠaai daa too, mąąhɔlɔɓo, daa walawalanuą too. Basan hɛanŋąą, 'ka ɲiŋɛ̨, mąąhɔlɔɓo, daa nwɛla hu wiyɛɠaa mɛ̨i yali.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Wɛli 2:13

Ɓɔlaa wulu aa ɓa, viɲəɠaa daa powa mąą kun nɛ̨ɛ̨ yɛ tɛ. Nwɔ́ wɛli lɛlɛɛ, ə́ muhəɠə. Níiɓa wɛli! Pa kani.

Izikiɛ 15:1

Yai-Laa woo ə həli mą́ą́, yɛ mą́ą́:

Izikiɛ 15:3

Da kɛ mɔ̨ɔ̨ nwulu ta həɠəi diɛ kóló kɛ la? Da kɛ mɔ̨ɔ̨ da haɠai diɛ hɛnŋąą hɛlɛn mą?

Izikiɛ 19:12

Kɛlaa, di gulɔ a nwun a lii ɲąnwąną; di doo nɔi ɓa, hvaŋą ə həɠə hvóló kulɔi pələ, ə maɠaa kpala ma; nwonwo kpɛa kpɛaɠaai tii di kpala, nwɔ̨n ə di kələn.