Izikiɛ 14:21 - Yálá laawoo hɛɓɛ (dc)

²¹ Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Yálá laawoo hɛɓɛ

²¹ Mąąhɔlɔɓo, mɛ̨nįi Yai-Laa kaa moi ya ka: «Ə mą kɛ, ŋą́ą́ hutɔɔ hɛnŋąą nąąn dɛɠɛ Ɉerusalɛmə ɓa, diɛ ɓaa a, kɔ-kɔ-ɓɔwa, pulu, lɔwɔ huwɔ kpəɠiɛɠaa, da ɲɔ̨n, diɛ nu kanŋaa da taatɛlɛɛɠaa paa laa,

Bible

²¹ M̀ɛnii Ŋwâla-wala kélee Yâwɛɛi è mòi ǹya ƃa, “Ŋa pâi ŋá mɛni kula maa kɛ́ pere ǹáaŋ tɛɛi Zerusâlɛŋ. Dîa ƃa, kɔ́, puru, lɔɔ-fɛnɛ-sãa, da kɔlɔ-fela a gɛɛ dínûai da vɛnɛ-sãai su-kara.

Izikiɛ 14:21 Referans Kwoze

Izikiɛ 33:27

'Kɛ diɛ, Mɛ̨nį kəlee ŋą Hééɓomun Yálá woo ka: Yii kpɔ gáá a vúlu, nuąi tii daa kpoloon ɉu, di kaa pai haai a ɓɔwa kwɛa laa pɔɔ; nui a kɛ yɛɛ kɔwɔ hu, ŋą́ dɛɛ lɔwɔ huwɔɠaa pɔ a di kɔ̨nɔ̨n; nuąi kwɛni woloɠaa hu, lɔwaɠaa hu, lɔi mu, di kaa pai haai a ɲɔ̨n.

Izikiɛ 5:17

Gáá pai pulu tooi káá, ŋą́ lɔwɔ-huwɔ kpəiɛɠaa ɲąątɔɔ káá, diɛ ka lonnii kulɔ ka yəi; nu paa ɲɔ̨n da ɲąmą di kaa pai həli yɛ́; ɛlɛɛ, gɛ́ kɔ́ kɔ́ ɓɔwa ɲąątɔɔ yɛ́. Ɲą́ą́ Yai-Laa, ɲą́ą́ ɓə mo.

Izikiɛ 14:19

A wala kɛ ti, ŋą́ ɲɔ̨n bɛlɛ́ nɔi ti ɓa; gɛ́ nííholi bɔ, gɛ́ di paa; nu kanŋaa da huwɔɠaa diɛ kpɛɛ ɉu.

Izikiɛ 14:17

A wala kɛ ti, ŋą́ pa a kɔ́ kɔ́ nɔi ti hu; gɛ́ kɛ diɛ: Ə kɛ a nu, ə kɛ a huwɔ; kɔ́ kɔ́ ɓɔwa ə tɛɛ, ə gəlee paa.

Izikiɛ 14:15

Ɛlɛɛ, ŋą́ lɔwɔ huwɔ ɲɔ̨nwɔ̨ɔ̨ɠaa ɲąątɔɔ nɔi ti ɓa, di nɛɛ a lɔi pun, ɉu lon da hva lɛɛ laa; nu ta hva pɛli tɛɛi laa ɉuwɔɠaai ti mąą mɛ̨nį ɓa.

Izikiɛ 14:13

Hulɔnu lon, lɔi ta kɛ laa; a nɛ̨ŋɛ̨n ɉəɠə mą́ą́ a náá pu pələ; ŋį́ hee ɉu, gɔ̨nɔ̨n gaa ɉeei a ɲee pulu, gɛ́ gəlee hu kala, gɛ́ pulu too mą; ə kɛ a nu, ə kɛ a huwɔ, gɛ́ di paa ɉu.

Izikiɛ 5:12

Gáá yɛ́ nuąi hee kpəlina kɛi haaɓa; ɉeei tɔ̨nɔ̨ kaa pai haai a nu paa ɲɔ̨n, awala kɛ ti nwun na a pili a pulu, daa kwəi; ɉeei veelɛnąn gaa pai tooi a kɔ́ kɔ́ ɓɔwa laa pɔɔ, ə́ kwɛlɛ kəlee; ɉeei ɉaaɓanąn nwɛi, ŋą́ ɉu taɠa taɠa pələ kəlee; ɛlɛɛ, ŋą́ hvilɛn di pulu a kɔ́ kɔ́ ɓɔwa.

Samia Veerɛi 24:13

Gadə ə li Davidə pɔɔli, yɛ mą: «Ə́ hvaa mą kwɛlan ɉaaɓa púlu ə too yɛ́, awala kɛ tii, ə́ yowoɠaa yee ə tɛɛ yɛ́ kɔ́ hu ɲąnįn ɉaaɓa yee mu, hvá pɛli kulɔi di wɔɔ kɔ́ kɔ́ ɓɔwaɠaai yəi; awala kɛ tii, hvóló haaɓa ə́ gɛ Yai-Laa nwɔ kɔ́ kɔ́ ɓɔ́wai yee mu, da Yai-Laa nwɔ kɛɛ kala malaka ə pa, ə hiɛ nɔi nąą kəlee a lɔi kala ɲɔ̨n. Yili ɓa, ə́ kiliŋąhiɛ, nɛlɛ ɓə ə́ hvaa mą, woo ɓo mą́ą́, ŋą́ li, ŋą́ mo nui dɔ́ɔ́ mą.»

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 32:24

«Babilonə nuą ka, di kaa pai, di hvaŋą kɛnɛ̨, diɛ kɔlaɠa pɛlɛ daa ɓa, di kaa pai daa hon ɉii, daa gbɛa daa kwɛlɛ diɛ, gwa mo kpɔ tii, di yee yɛi tɛɛ daa ɓa, a kɔ́ kɔ́ bowa, da pulu, ɛlɛɛ da kwəi kulɔ ɲɔ̨n; yɛ́n, ə́ heɛ yɛ́ nąą kaa.

Izikiɛ 12:16

Gáá pai nu kpəli wolo tiikpə laa hɔn moi di lɔwai; a nuąi pai kulɔi kɔ́ kɔ́ ɓɔwa da pulu da ɲɔ̨n di yəi. Diɛ ɓə pai di wɔ ɓowo mɛ̨nįɠaa kəlee hukulɔi nɔiɠaai di kaa pai lii ɉu, nąą nuą diɛ. Nuą da gili kɔ́lɔn gea diɛ kɛ ɲą́ą́ ɓə gáá a Yai-Laa.›»

Izikiɛ 14:20

Ə mą kɛ, Noe, Daniɛlə, da Ɉobə di kaa nɔi ti hu; a tɛ̨ą, Yai-Laa woo li; di hva pɛli hulɔnon maloi, ə mą kɛ, nɛ̨ɛ̨nnon mə. Ə kulɔ lɔ nu haaɓai ti ɓə da ɓalo di wɔ tələnmolaa haa lai.

Azaya 51:19

Mɔ̨nɔ̨ hveelɛi daa laa ə́ mɛ̨i, gbɛɛ ɓə pai ə́ wɔ woo laa kɛi? Kɛɛ kalaa da hukala ɓo, pulu da kɔ́ kɔ́ ɓɔwa; gbɛɛ ɓə pai ə́ kpəla ɓoi?

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.