Izikiɛ 14:16 - Yálá laawoo hɛɓɛ (dc)

¹⁶ Akɛ hu haaɓai ti di mą kɛli kɛ nɔi ti hu, Mɛ̨nį kəlee ŋą Hééɓomun Yálá woo li; ə kɛ a hulɔnon, yɛ ə kɛ a nɛ̨ɛ̨nnon, di hva pɛli dɔ̨nɔ̨ kpɛli ɓalo; kɛlaa diɛ tɔ̨nɔ̨ lɔ ɓə da ɓalo; nɔi ə lɛɛ a lɔi pun.

Yálá laawoo hɛɓɛ

¹⁶ Akɛ hu haaɓai ti di mą kɛli kɛ nɔi ti hu, Mɛ̨nį kəlee ŋą Hééɓomun Yálá woo li; ə kɛ a hulɔnon, yɛ ə kɛ a nɛ̨ɛ̨nnon, di hva pɛli dɔ̨nɔ̨ kpɛli ɓalo; kɛlaa diɛ tɔ̨nɔ̨ lɔ ɓə da ɓalo; nɔi ə lɛɛ a lɔi pun.

Bible

¹⁶ A ǹɛɛ ma kpîŋ Nôa, Dãya da Zôo díkɛ nâa, dífe pâi pɔrii dínîa-pɛlɛɛi kula yêei kɛ̂i, tãi nɔ ńyãai a Ŋ̀wála-wâla kélee Yâwɛɛi nyii gáa a gɛ ɣele m̀a Ɣâlai ŋ́gaa ɣele mai. Dîi pɔri nɔ́ díkpîŋ ŋuŋ mâ ƃoi. Kɛ́lɛ ǹɔii a pâi lɛ̂ɛi a bûŋ.

Izikiɛ 14:16 Referans Kwoze

Zɛnɛse 19:29

Ɓɛi ŋɛ̨i Lɔtə ə kɛ laa kɛ nɔi, ɓɛlɔwai Yálá ə kɛi nɔi tii da ɉu taɠaa kəlee kala la, ə giliŋąhiɛ Abrahamə ɓa, ə Lɔtə kulɔ nwun na pili tii hu.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 18:20

Nui a nɛ̨ŋɛ̨n ɉəɠə, mąą nu ɓə a haa; lon və pai nąn nwɔ nɛ̨ŋɛ̨n ɉu mɔ̨nɔ̨ mįi; lon ga nąn və pai non nwɔ nɛ̨ŋɛ̨n ɉu mɔ̨nɔ̨ mįi. Tələnmomun nwɔ tələnmolaa a lɛɛ nwuɔ̨, nu ɲɔ̨nwɔ̨ɔ̨ nwɔ kili ɲɔ̨nwɔ̨ɔ̨ wulu yɛ lɛɛ nwuɔ̨.

Izikiɛ 14:20

Ə mą kɛ, Noe, Daniɛlə, da Ɉobə di kaa nɔi ti hu; a tɛ̨ą, Yai-Laa woo li; di hva pɛli hulɔnon maloi, ə mą kɛ, nɛ̨ɛ̨nnon mə. Ə kulɔ lɔ nu haaɓai ti ɓə da ɓalo di wɔ tələnmolaa haa lai.

Izikiɛ 14:18

Nu haaɓai ti da kɛ nɔi ti hu; a tɛ̨ąą, Mɛ̨nį kəlee ŋą Hééɓomun Yálá woo li; yɛ ə kɛ a hulɔnon, yɛ ə kɛ a nɛ̨ɛ̨nnon, da hva pɛli ɓaloi; ə kulɔ lɔ nu haaɓai ti ɓə da ɓalo.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Zôo 22:20

«Daa ku yowoɠaa hukala, nwɔ̨n aa di wɔ kiliŋąhiɛ ɲɔ̨nwɔ̨ɔ̨ɠaa kəlee kələn.»