Izikiɛ 13:3 - Yálá laawoo hɛɓɛ (dc)

³ Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Yálá laawoo hɛɓɛ

³ Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Bible

³ M̀o dîa yɛ̂ɛ Ŋ̀wála-wâla kélee Yawɛɛi ǹyɛɛi, “Kpalo ƃêlaai ǹɛ́ɛ-ɣala-woo ƃó-ƃelai ŋí dîa nyii-ŋai da díkpîŋ zĩ̂a-ŋa kpɛ̀tɛ a díkpîŋ mɛni kpɛtɛɛi ǹyaŋ dífe zĩ̂a káa nii.

Izikiɛ 13:3 Referans Kwoze

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Izikiɛ 34:2

«Hulɔnu lon, Israɛlə ɲɛ̨itɔwɔ nuą hvala, náá hu; nwooi ŋɛ̨i ɓo diɛ a di hvala woo, kɛ diɛ; Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai Israɛlə ɲɛ̨itɔwɔ nuą diɛ, diɛi tii di kpɔwɔ lɔ ɓə da ɲąąkɔn. Kɛlɛi taatɛlɛɛ kpulu ɓə mąąnɛ̨ɛ̨ daatɛlɛɛ mɛ̨i kaa nuą di ɲąąkɔn gɛi-ee?

Ɉeremi 23:1

Yai-Laa woo ka, yɛ diɛ: «Kpalo ɓɛlai nwɔ́ taatɛlɛɛ mɛ̨i kaa nuą diɛ, diɛi tii daa nwɔ́ taatɛlɛɛ kpului lɛɛ laa, pulu yɛ di paa, diɛ taɠa taɠa.»

Hanwon 15:14

Kili nąmu a kɛ mɛ̨nį kɔ́lɔn ŋąą kwɛlii, kilikpɛɛgwəi nuą laaləi a di kɔ̨nɔ̨n gɛ a ɓowo.

Timote dɔlɔɔ 6:4

a kɛti, kpɔwɔ ɲąąkɛnɛ̨ aa ɲɛ̨i pu; ɛlɛɛ, mąą nu kaa dɛɠii, ɲɔ̨n gaa mą, yɛ hɛatooi kwɛli, da hvaa kɛ wooɠaa. Yiliɠaa diɛn mə, mɛ̨nįɠaa ŋɛ̨i da kulɔ ɉu: hɛn nwɛlilaa, hɛatoɔ, Yálá lalan nwooɠaa, mɛ̨nį ɲɔ̨n mąą kiliŋąhiɛ,

Korɛntə dɔlɔɔ 9:16

Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Lukə 11:52

«Kpalo ɓɛlaai kaa! Ɉɛɓɛ́ kɛ nuą! Mąąhɔlɔɓo, kaa kpɛ̨ąn Yálá liiɓa kɔ́lɔn bələ hu, kaa kpinįi ka hvo lɔi, ɛlɛɛ, nuą nwɔ̨nɔ̨ nąą wɛli kaa diɛ, kaa kpɛ̨ąn di tɔwɔ, ka hvo di lɛɛi laa di hvo lɔ.»

Lukə 11:40

Ka hva mɛ̨nį ŋąą kaa! Nui gɔlɔ ɓa pɛli, yaa lɔ ɓə ɉu pələ pɛli.

Zakari 11:15

Yai-Laa yɛ mą́ą́: «Taatɛlɛɛ pulumun ɲəi hɛnŋąą kwɛli, a taatɛlɛɛ pulumun gili kpɛɛ gwəi, yəi hɛnŋąą.

Izikiɛ 13:18

Yá kɛ diɛ: Mɛ̨nį kəlee ŋą Hééɓomun Yálá woo ka: Kpalo ɓɛlaai nɛ̨ąąi ti diɛ; diɛi da həɠə-ɓɛlaɠaa hɔlɔɔn nu a yeekwąną kəlee nwɔɔ; diɛ nɛ̨ąą nwuɔ̨-ɓɔlɔ pɛli a nu tɔɔ nwun ɲą kəlee nwɔɔ; ə gɛ, diɛ pɛli nuą nį́į́ɠaa hon ɉi; ka káá bɔ ka nwɔ́ nu huwui nį́į́ hon? Ɛlɛɛ ka ka wɔɔ nį́į́ɠaai laa hɔnmo yɛnɛ̨ɛ̨?

Hanwon 15:2

Kilimąą nuą hvaa woo a kili wɛli too nu ɓa a ŋąąnɛ̨ɛ̨. Kɛlaa, kilikpɛɛgwəi nuą laa hvili yɛ tɔɔ a ɓowo.

Timote veelɛ 3:9

Kɛlaa, di hvo pai lii kwɛala, mąąhɔlɔɓo, di wɔɔ ɓowo mɛ̨nįi kaa pai tooi pono ɲą nu kəlee ɲɛ̨i ɓa, yɛ bələi lɔ nu hveelɛi tii di wɛi ə kɛ la.

Ɉeremi 23:16

Mɛ̨nįi Yai-Laa Mɛ̨nį Kəlee ŋą Hééɓomun ə mo, ya ka, yɛ diɛ: «Nuą tii di kpɔɔ kɛi a Yálá kwəi mɛ̨nį hukulɔ nuą a lɛɛ, ka hvo ka wəli tɔɔ diɛ, di kaa ka ɓowoi. Mɛ̨nįi di kaa ka kalan ɉii la, di kaa lɔ gulɔi di nwun ɉu, hvo həɠə li Yai-Laa la.

Ɉeremi 28:15

Nąąlɔwai, Yálá kwəi mɛ̨nį hukulɔ mun Ɉeremi yɛ Yálá kwəi mɛ̨nį hukulɔ mun Hanania ɓa: «Ə́ wəli tɔɔ Hanania, Yai-Laa hvə ə́ tɔɔ li, yɛ́ ɓə gɛi, nuą ŋɛ̨i diɛ di kpɔɔ ŋąąkolon a lɛɛ mɛ̨nįɠaa.

Izikiɛ 13:4

Israɛlə nwɔ Yálá kwəi mɛ̨nį hukulɔ nuą, di kaa yɛ goɓəɠaa da kɛ ta kpoloon ɉu.

Ɉeremi 23:9

Yii hvilɛn na Yálá kwəi mɛ̨nį hukulɔ nuą diɛ: Níí aa yali gwə́i. Gɔ́lɔ kəlee yɛ kpɛlin mą́ą́, gáá yɛ lɔɔ hon, yɛ nui lɔɔ aa gɛlɛ, Yai-Laa da nwoo mąąhəɠɛɛ tii mąą mɛ̨nį ɓa,